Ծրագիրն ավարտվել է, Ամանորից հետո hրապարակի շենքերի անցքերը փակվել են. փոխքաղաքապետ

Երևանի քաղաքապետարանն այսօր ամփոփեց 2023 թվականի ամանորյա լուսավորության ծրագրի իրականացման աշխատանքները։ Այս մասին ֆեյսբուքյան իր էջում գրել է Երևանի փոխքաղաքապետ Սուրեն Գրիգորյանը: 

«Ծրագրի իրականացմանը մասնակցած անձինք միայն գիտեն, թե դրա իրականացման ճանապարհին ինչքան խոչընդոտներ են հաղթահարվել և ի վերջո, թույլ տվեք ասել, ծրագիրը հաջողությամբ ավարտվել է։ Այս գնահատականը տալու առաջին հիմքը շատ երևանցիների արձագանքն է, որն անձամբ եմ լսել զարդերի փորձարկումներից սկսած և տոնական օրերի ընթացքում։ Գլխավորապես մեր երեխաների խինդը և լավ տրամադրությունն ապահովելուն թեկուզ փոքր մասնակցություն ունենալու գիտակցումը մեծ բավականություն է պատճառում, հատկապես հաշվի առնելով, որ վերջին տարիներին ցավոք տխրելու և արտասվելու շատ առիթներ ենք ունեցել»,-գրել է նա:

Գրիգորյանն անդրադարձել է նաև ամանորի զարդարանքների վերաբերյալ քաղաքացիների դժգոհություններին և քննադատություններին և նշել, որ ամանորի զարդերի ապամոնտաժումից հետո մասնավորապես Հանրապետության Հրապարակի շենքերի վրայի բաց անցքերը փակվել են, ինչը ի սկզբանե, նախատեսված էր կապալառու կազմակերպության և Երևանի քաղաքապետարանի կնքած պայմանագրով.

«Այս թեմայի շուրջ նախկինում իրականացված լուսաբանմանը ծանոթ լինելով՝ կարծում եմ, որ ապագայում կրկին կարող են լինել մեր հանրությանը խեղաթյուրված իրականություն ներկայացնելու փորձեր։ Ինչպես նշել էի 2022 թվականի դեկտեմբերի 1-ի գրառմանս մեջ, Հանրապետության Հրապարակի շենքերը տարիներ ի վեր, տարբեր առիթներով, ենթարկվել են ներգործության, որոնց հետքերը վերացված չեն մինչ օրս և որոշ անձինք ջանք ու եռանդ չէին խնայում, որ այդ ամենը կապեն 2023 թվականի ամանորյա ծրագրի հետ և կարծում եմ՝ նման փորձեր կարող են կրկին լինել։
Բարձր գնահատելով բոլոր անձանց անկեղծ հոգատարությունը մեր ճարտարապետության կոթողների նկատմամբ՝ այս թեման միտումնավոր խեղաթյուրելու ցանկություն ունեցողներին հորդորում եմ ձեռնպահ մնալ ապատեղեկատվություն տարածելուց, քանզի այս անգամ ստիպված կլինեք բոլոր պնդումներն ապացուցել օրենքով սահմանված կարգով»:

Այս թեմայով Փակվել է Վայք-Եղեգնաձոր ճանապարհը Շտապ, փակվել է Երևան-Գյումրի ճանապարհը, ընթանում է ակցիա (տեսանյութ) Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է «Քո նմաններն են էս երկիրը քանդել», «Իմ նմաններին հլը չես տեսել»․ Շիրակում ճանապարհներ են փակվել (տեսանյութ) Արարատում նույնպես ճանապարհներ են փակվել Ինձ հավաստիացրել են, որ սահմանազատումից հետո բնակիչների բոլոր իրավունքները երաշխավորելու ակտիվ աշխատանքներ են տարվում․ ՄԻՊ Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Սյունիքում տրամադրությունները լարված են. Գորիսի փոխքաղաքապետ Պահանջ ներկայացրեք Բաքվին, ասեք դուրս եկեք Ջերմուկից, Ջողազի ջրամբարից, հետո արեք դելիմիտացիա (տեսանյութ)