Էլ ի՞նչ է պետք, որ հասկանանք, որ թշնամին մոտ 500 մետրի վրա է․ Հակոբ Հակոբյան

Արդեն շուրջ 4 ամիս է, որ ողջ աշխարհը լուռ դիտում է այն միջազգային ահաբեկչությանը, որը Ադրբեջանի իշխանությունը սանձազերծել է Արցախի դեմ և սա աշխարհաքաղաքական ու մեր տարածաշրջանում տեղի ունեցող իրադարձությունների կոնտեքստում, մի փուլային գործընթաց է, որը Ադրբեջանի հանցագործ իշխանությունները սկսել են դեռևս 2020 թվականի սեպտեմբերից: Այդ մասին Ֆեյսբուքի իր էջում գրել է Արցախի «Արդարություն» ՀԿ համահիմնադիր Հակոբ Հակոբյանը։

«Իսկապես, շատ կարևոր է հասկանալ, արձանագրել, վերլուծել, թե ինչ է ուզում թշնամին՝ գնահատել իրավիճակն ու սադրանքների հնարավոր մոտիվները, աշխարհաքաղաքական շրջանակը և այլն: Բայց ավելի կարևոր է հասկանալ ի՞նչ են ուզում Արցախի իշխանությունները: Իհարկե, մեծ իմաստով բոլորս ուզում ենք մի բան՝ անվտանգ Արցախ, զարգացող, պաշտպանված, կայուն, և այլն: Այս ամենի մասին 24 ժամ խոսում է նաև իշխանությունը:

Բայց, այդ ամենը հռչակագրային, վերացական բնույթ է կրում, եթե չի ուղեկցվում իր շուրջ գոյություն ունեցող առարկայական և բովանդակային քննարկումներով, որոնք կարտացոլեն հանրային ու քաղաքական հստակ դիրքորոշումների և հայեցակարգային մոտեցումների համայնապատկեր: Դա չկա, և դրա փոխարեն գերիշխում է կոնյուկտուրային հռչակագրությունը, որը գերազանցապես զգայական, իմիտացիոն բնույթ է կրում: Դրա վառ ապացույցը ձևականորեն ստեղծվող, տարաբնույթ, բայց կարևորը լայն լիազորություններով, նախագահին կից խորհուրդներն են: Մինչև ե՞րբ պետք է հանդուրժենք այս թյուրիմացություններին, այս ձևականություններին:

Էլ ի՞նչ է պետք, որ հասկանանք, որ թշնամին մոտ 500 մետրի վրա է: Ցավոք, երեկ Արցախի իշխանությունները ժողովրդին զբաղեցնում էին մրգի հերթերով, այսօր էլ երևի՝ բենզինի հերթերով»,-գրել է նա։

Այս թեմայով «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլին հեռացնելու համար նախ պետք է ճշտել, թե ո՞վ է իրական ազգային ընդդիմադիրը․ Շարմազանով Հայաստան ամրոց-պետությունն իր առջև պետք է առաջնային խնդիր դնի ձևավորելու արժանապատիվ զինվորականության դաս. Վարդան Ոսկանյան Թշնամին չի կանգնելու, հող հանձնելով խաղաղություն չի լինելու. ակցիա՝ Գյումրիում (տեսանյութ) Ի՞նչ է ուզում ԱԺԲ-ն. Փաշինյանի ամերիկյան տերերը դժգո՞հ են նրանից. «Հրապարակ» Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Հայաստանը պետք է լինի առանց Նիկոլի. ակցիայի մասնակից Կոտայքի ոստիկանապետի դեմ իրավական գործընթաց պետք է սկսել․ պատգամավոր Տանը խելոք չենք նստելու ու մորթվենք, զենքերը վայր դնել պետք չէ, պայքար է պետք. բողոքի ակցիա (տեսանյութ)