Երևան քաղաքի քննչական վարչության պետը հարվածե՞լ է Արտակ Գալստյանին. ՔԿ-ն կանդրադառնա՞ հայտարարությանը

Փաստաբան Լևոն Բաղդասարյանն այսօր հրավիրված մամուլի ասուլիսին անդրադարձավ ՀՀ քննչական կոմիտեում հարուցված քրեական վարույթի շրջանակում «Հանրային ձայն» կուսակցության համահիմնադիրներ Վարդան Ղուկասյանի նկատմամբ իրականացվող իրավական գործընթացներին, և Արտակ Գալստյանի նկատմամբ իրականացվող խոշտանգումներին:

Փաստաբանն ընթերցեց Արտակ Գալստյանի գրավոր բողոքն այն մասին, թե Երևան քաղաքի քննչական վարչության պետը քննչական բաժանմունքում հարվածներ է հասցրել իրեն:

Տեղեկության վերաբերյալ մեկնաբանություն ստանալու համար ԼՈՒՐԵՐ. com-ը զրուցեց Քննչական կոմիտեի մամուլի խոսնակ Գոռ Աբրահամյանի հետ.

«Այդ անձանց հայտարարությունների վերաբերյալ կոմիտեն մեկնաբանությամբ հանդես չի եկել, չի գալիս և չի գալու: Ինչ ասելիք ունենք` ասում ենք հաղորդագրությունների միջոցով: Ինչ վերաբերում է բռնությունների, խոշտանգումների վերաբերյալ հրապարակումներին` դրանց հետ կապված ստացվել է հաղորդում հանցագործության մասին, քննություն կկատարվի, հանգամանքները կպարզվեն»,- ասաց նա:

Ինչ վերաբերում է հարցին՝ չե՞ն արձագանքի, եթե անգամ Արտակ Գալստյանի հայտարարությունները զրպարտություն լինեն, Աբրահամյանը նշեց. «Կրկնում եմ՝ քրեական վարույթ կա նախաձեռնված, ներկայացվել է հաղորդում, իրականացվում է քննություն, հանգամանքները կպարզվեն, անհրաժեշտության դեպքում կոմիտեն տեղեկատվություն կտրամադրի»,- եզրափակեց Քննչական կոմիտեի մամուլի խոսնակը:

Այս թեմայով Կիրանցից 2 ոստիկան և 3 քաղաքացիական անձ է տեղափոխվել ԲԿ, նախաձեռնվել է քրեական վարույթ. ՔԿ Ռոբերտ Վարդանյանը նշանակվել է քննչական վարչության Մալաթիա-Սեբաստիայի քննչական բաժնի պետ Քննչական կոմիտեն բացահայտորեն ստանձնել է ՔՊ-ի շահերի ներկայացուցչի դերը․ «Հրապարակ» Շենգավիթի քննչական բաժնում անձին խոշտնգելու վերաբերյալ տեղեկությունները իրականությանը չեն համապատասխանում. ՔԿ ՄԻՊ-ը՝ Շենգավիթ վարչական շրջանի քննչական բաժնում խոշտանգման դեպքի մասին Շենգավիթի քննչական բաժնում խոշտանգման դեպքի հետևանքները Հարություն Միքայելյանը` ՀՀ քննչական կոմիտեի զինվորական քննչական գլխավոր վարչության չորրորդ կայազորային քննչական բաժնի պետ ՈՒՂԻՂ․ Սամվել Վարդանյանը գտնվում է քննչական կոմիտեում Առավոտից պատգամավորները ՁՊՎ-ի մոտ են՝ ուղեկցելու Սամվել Վարդանյանին Երեւանի քննչական տեղափոխող մեքենային Աշխատակիցը մեղադրվում է նպաստառուներից ապօրինի վարձատրություն ստանալու մեջ․ Հակակոռուպցիոն կոմիտե