Շրջափակման պատճառով մեր դիմորդները ՀՀ բուհեր չգնացին․Արցախում ծանր իրավիճակ է նաև կրթության ոլորտում

Արցախի լիակատար շրջափակման ծանր իրավիճակը բավականին բարդ ազդեցություն է ունեցել կրթության ոլորտի վրա:

Այս մասին ասել է Արցախի Հանրապետության կրթության, գիտության, մշակույթի և սպորտի նախարար Նորայր Մկրտչյանը:

«Պիտի նշեմ, որ ստեղծված իրավիճակը որևէ կերպ բացասական ազդեցություն չի ունեցել քննաշրջանի վրա: Քննաշրջանը կազմակերպվել է երկու փուլով՝ հիմնական և  լրացուցիչ, որն ավարտել ենք հուլիսի 9-ին: Քննաշրջանն անցել է բավարար մակարդակում, խնդիրներ գրեթե չեն եղել` չնայած հովհարային անջատումները և կազմակերպչական մյուս աշխատանքները կարող էին որոշակի բարդություններ ստեղծել: Ունենք ինչպես Արցախի, այնպես էլ Հայաստանի  բարձրագույն ուսումնական հաստատություններ ընդունված դիմորդներ` չնայած, ընդհանուր  առմամբ, արդյունքներն այդքան էլ գոհացուցիչ չէին, քանի որ մրցակցություն տեղերի համար գրեթե չկար. օրինակ` եթե ունեինք չորս տեղ, դիմորդների քանակը կազմում էր հինգ կամ վեց հոգի: Կային բնագիտական ուղղության մասնագիտություններ, որոնց համար մենք ակնկալում էինք  ունենալ  դիմորդներ, բայց, ցավոք սրտի, չունեցանք»,-ներկայացրել է նախարարը:

Նա նշել է, որ բնագիտական հոսքի մանկավարժական մասնագիտությունների (Ֆիզիկա, Մաթեմատիկա, Կենսաբանություն, Քիմիա, ինչպես նաև՝ Հայոց լեզու)  դեպքում` շեմի հարցում ընդառաջել են, որպեսզի կարողանան ապահովել մեկ հիմնական քննությամբ դրական արդյունք ստացած դիմորդների ընդունելությունը։

«Շրջափակման պատճառով հնարավոր չէր ապահովել մեր դիմորդների ֆիզիկական ներկայությունը հայաստանյան բուհերում, որտեղ նրանք պիտի հանձնեին ներբուհական քննություններ, սակայն ստեղծված իրավիճակից  ելքը գտել ենք` այդ ներբուհական քննությունները կազմակերպելով առցանց եղանակով` մեր համապատասխան քննասենյակներն ապահովելով բոլոր անհրաժեշտ միջոցներով և բարեհաջող ավարտելով նաև ներբուհական քննաշրջանը, որն անցել է բարձր մակարդակով: Այդ մասին արձագանքներ ենք  ստացել ՀՀ  համապատասխան բուհերից, որոնք շնորհակալություն են հայտնել մեր մոտեցման համար»,-հավելել է Ն. Մկրտչյանը::

Ավելին՝ սկզբնաղբյուր կայքում։ 

Այս թեմայով «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Գերլարված իրավիճակ՝ Կենտրոնում․ ոստիկանները բիրտ ուժ են կիրառում ակցիայի մասնակիցների նկատմամբ (տեսանյութ) Լարված իրավիճակ՝ ոստիկանների ու ակցիայի մասնակիցների միջև․ կա բերման ենթարկված (տեսանյութ) Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան Օկուպացված Արցախում մինչև 2026-ի վերջ մոտ 40 000 ադրբեջանցի կբնակեցվի Իրանն ու Ռուսաստանն անվտանգության ոլորտում փոխըմբռնման հուշագիր են ստորագրել ՈՒՂԻՂ. Լարված իրավիճակ. Բագրատաշեն տանող ճանապարհը փակ է «Ոստիկանն ի՞նչ պտի անի, պտի խոշտանգի ժողովրդին», «Մի ոգևորվեք, հանգիստ». գերլարված իրավիճակ «Ձեռս թող արա», «Մի գոռա», «Հիմա ի՞նչ, եկել եք թուրքի ճանապարհն եք պահում». լարված իրավիճակ (տեսանյութ)