«Հայաստանի և Ադրբեջանի իշխանությունների համատեղ խաղը»

ՀՀ մարդու իրավունքների պաշտպան Անահիտ Մանասյանը պաշտոնապես դիմել է Ադրբեջանի գործընկերոջը և պաշտոնական գրությանը պատասխան չունի։ Մանասյանը լրատվամիջոցներին հայտնել է, որ պաշտոնապես դիմել է նրան, քանի որ ՄԻՊ գրասենյակները ապաքաղաքական կառույցներ են և զբաղվում են բացառապես մարդու իրավունքների պաշտպանության հարցերով։

ԼՈՒՐԵՐ.com-ի հետ զրույցում իրավապաշտպան Ռուբեն Մելիքյանը ասաց, որ խնդիրը ՄԻՊ գրասենյակները չեն, այլ ինչպես Ադրբեջանի ՄԻՊ-ն է Ալիևի ուղիղ աշխատողը և չունի անկախության որևէ բաղադրիչ, այնպես էլ Անահիտ Մանասյանն է Նիկոլ Փաշինյանի և ՔՊ-ի ուղիղ աշխատողը և չունի անկախության որևէ բաղադրիչ.

«Քաղաքական հարցերը լուծվում են քաղաքական ճանապարհներով, մենք գործ ունենք մի իրավիճակի հետ, երբ Հայաստանի իշխանությունները, իմ պատկերացմամբ՝ դիտավորյալ, ամբողջությամբ տապալել են մեր արտաքին հարաբերությունները, այդ թվում նաև Արցախյան հարցի բանակցությունները, այս տեսանկյունից ես ընդհանրապես չեմ պատկերացնում, թե այս իշխանությունները ինչպես կարող են խնդիրը լուծել։ Անգամ չեն կարողանում մեկ-երկու օրվա սնունդ ուղարկել, պատկերացրեք՝ ինչ օրն ենք հասել, որ հիմա մտածում ենք ընդամենը մեկ-երկու օրվա սնունդ ուղարկել-չուղարկելու մասին»,- ասաց նա։

Մելիքյանի խոսքով` Ադրբեջանը շանս ունի երկար տարուբերելուց հետո գթասիրտ խաղալ և ինչ-որ մի պահի թույլատրել բեռների անցումը՝ դրանով ամրապնդելով իր դիրքերը, իր երեսից վերացնելով ցեղասպանի մեղադրանքները։ Ըստ նրա՝ ՀՀ-ն ինչ-որ բան կարող է անել, երբ լինի իշխանափոխություն, իսկ իրավական գործիքները երկրորդական նշանակություն ունեն։

«Ես սա համարում եմ Հայաստանի իշխանությունների և ադրբեջանական իշխանությունների համատեղ խաղը»,-ավարտեց Ռուբեն Մելիքյանը։

Լիլիթ Զալիբեկյան

Այս թեմայով Եվրամիության հետ Հայաստանի ավելի սերտ հարաբերությունների հաստատումը սպառնալիք չէ Մոսկվայի համար. Տիգրան Բալայան ՀՀ սահմանները դարձել են բաց դաշտ, Ոսկեպարի մեր եկեղեցին ադրբեջանական են համարում. ակցիա` Գյումրիում (տեսանյութ) ԵՄ-ում Հայաստանի դեսպան. ՀԱՊԿ-ը լքեց մեզ Հայաստանի և Ադրբեջանի միջև հակամարտության խաղաղ կարգավորման շանսերն առավել քան երբևէ մեծ են. Շոլց Կիրանցը միասին դարձնենք Հայաստանի պարտվողական, հանձնվողական քաղաքականությանը վերջ տալու սկզբնակետը. Աբրահամ Գասպարյան (տեսանյութ) Հայաստանի լինելիության հարցն է որոշվում. ապագայի շատ կոնկրետ նախագիծ է դրվում սեղանին․ վարչապետ (տեսանյութ) Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան Մենք Հայաստանի Հանրապետությունից ոչ մի տարածք էլ չենք տալիս. Տավուշի ոստիկանապետը կրկնում է ՔՊ-ին ՌԴ ԱԳՆ-ն մեկնաբանել է Հայաստանի և Ադրբեջանի միջև առաջին սահմանային սյան տեղադրումը