«Հայաքվեի» հաջորդ փուլում մեզ պետք է լինելու մեծ դիմադրություն հաղթահարել. Չալաբյան

Ինչպես շատերդ արդեն տեղյակ եք, անցած շաբաթվա ընթացքում մեր «Հայաքվե» նախաձեռնությունը հատեց քաղաքացիների անհրաժեշտ աջակցության նվազագույն շեմը։ Այս մասին Facebook-ի իր էջում գրել է «Հայաքվե» նախաձեռնության համակարգող Ավետիք Չալաբյանը:

Նա նաեւ նշել է. «Չնայած դրան, մենք այս շաբաթ շարունակում ենք ստորագրահավաքը, մի շարք պատճառներով՝

ա) բազմաթիվ քաղաքացիներ ցանկություն ունեն միանալու Հայաքվեին այս փուլում, նրանք նախապես տեղեկացված են եղել, որ ստորագրահավաքը շարունակվելու է մինչև օգոստոսի 19-ը, մենք կուզեինք բոլոր այդ քաղաքացիներին հնարավորություն տալ միանալ մեր նախաձեռնությանը, և դառնալ նրա ակտիվ անդամը;

բ) մի շարք համայնքներում ստորագրահավաքը սկսել է միայն անցած շաբաթ, ոմանցում՝ տառացիորեն շաբաթվա վերջին երկու օրերին, քաղաքացիների ակտիվ հոսքը շարունակվում է, ուստի մենք այդ քաղաքացիներին ևս կուզեինք լիարժեք հնարավորություն տալ միանալու մեր նախաձեռնությանը։

գ) Արցախի շուրջ իրավիճակը շարունակում է վատթարանալ, և մեզ անհրաժեշտ է ակտիվ քաղաքացիների աջակցությունը արդեն այս փուլում, Հայաքվեն նաև ուղերձ է մեր թշնամիներին

դ) Հայաքվեի հաջորդ փուլում մենք կենտրոնանալու ենք օրենքի նախագիծը Ազգային ժողովում անցկացնելու վրա, մեզ պետք է լինելու մեծ դիմադրություն հաղթահարել։ Մեզ այստեղ ևս ծայրահեղ անհրաժեշտ է մեր ակտիվ քաղաքացիների աջակցությունը։

Մեզ շատերը նաև հարց են տալիս, որ եթե միանան Հայաքվեին այս փուլում, ապա նրանց ձայները չեն հաշվվի, երբ անհրաժեշտություն առաջանա ստանալ ևս 300 000 քաղաքացիների աջակցությունը։ Սակայն ստորագրահավաքի հաջորդ փուլը առայժմ հեռավոր հեռանկար է, իսկ իրադարձությունները արագ զարգանում են այսօր, ուստի բոլոր նրանց, ովքեր վճռական են պայքարելու ազատ Արցախի և ինքնիշխան Հայաստանի համար, խնդրում եմ չհապաղել և միանալ Հայաքվեին այս շաբաթվա ընթացքում, հետագայում ձեզնից յուրաքանչյուրը դառնալու է Հայաքվեի դեսպանը իր շրջապատում, և իր հետևից նոր անդամներ է բերելու մեր նախաձեռնության շարքերը։

Բոլորիդ կամք, եռանդ ու վճռականություն եմ ցանկանում, և հիշեցնում, որ այս ստորագրահավաքով ոչ թե Հայաքվեն ավարտվեց, այլ միայն նոր է սկսվում»։

Այս թեմայով Հաջորդը լինելու է Կողբից Սոթք ընկած հատվածը. Դավիթ Ջամալյան «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլին հեռացնելու համար նախ պետք է ճշտել, թե ո՞վ է իրական ազգային ընդդիմադիրը․ Շարմազանով Հայաստան ամրոց-պետությունն իր առջև պետք է առաջնային խնդիր դնի ձևավորելու արժանապատիվ զինվորականության դաս. Վարդան Ոսկանյան Թշնամին չի կանգնելու, հող հանձնելով խաղաղություն չի լինելու. ակցիա՝ Գյումրիում (տեսանյութ) Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Հայաստանը պետք է լինի առանց Նիկոլի. ակցիայի մասնակից Կոտայքի ոստիկանապետի դեմ իրավական գործընթաց պետք է սկսել․ պատգամավոր Աղդամցի Ալենի պատվի և արժանապատվության կորսված լինելու հարցը դեռևս օդում կախված է. Աննա Մկրտչյան (տեսանյութ)