1 ոսկե, 1 արծաթե և 1 բրոնզե մեդալ. հունահռոմեական ոճի երիտասարդ ըմբիշների նվաճումները ԱԱ-ում

Հունահռոմեական ոճի Մ20 տարեկան ըմբիշները 1 ոսկե, 1 արծաթե և 1 բրոնզե մեդալ են նվաճել Հորդանանի մայրաքաղաք Ամմանում անցկացված ըմբշամարտիաշխարհի երիտասարդական առաջնությունում։ Այս մասին հայտնում են ՀՀ ԿԳՄՍ նախարարությունից:

Թիմային հաշվարկում հայ ըմբիշները զբաղեցրել են երրորդ հորիզոնականը:

Երիտասարդական ԱԱ-ի հաղթողի կոչմանն արժանացել է 60 կգ քաշային Սուրեն Աղաջանյանը՝ եզրափակչում 13-4 հաշվով առավելության հասնելով Հնդկաստանի ներկայացուցչի նկատմամբ: Մինչ այդ էլ Աղաջանյանը 4 գոտեմարտ է անցկացրել՝ հաղթելով ընդհանուր 32-0 հաշվով:

Հայաստանի մյուս ներկայացուցիչ, 67 կգ քաշային Գասպար Տերտերյանը 4 հաղթանակ տանլուց հետո դուրս է եկել եզրափակիչ, որում ուժերը չափել է Եգիպտոսը ներկայացնող Մուսթաֆա Հուսեյն Ֆաթի Ալամելդինիի հետ և 2-4 հաշվով զիջել մրցակցին՝ արժանանալով երիտասարդական ԱԱ-ի արծաթե մեդալին:

Հայաստանի թիմի կազմում բրոնզե մեդալակիր է դարձել 87 կգ քաշային Վիգեն Նազարյանը: Վճռորոշ գոտեմարտում նա 7-0 հաշվով վստահ հաղթանակ է տարել ամերիկացի Ջոն Ուոլկերի նկատմամբ։ Նազարյանը մեկնարկային գոտեմարտում 9-1 հաշվով առավելության է հասել ճապոնացի Դաիսաե Իսոեի նկատմամբ, ապա 3-1 հաշվով հաղթել է Ղազախստանի ներկայացուցչին և դուրս եկել կիսաեզրափակիչ: ½ եզրափակչում արդեն Նազարյանը հավասար հաշվի պայմաններում (1-1) զիջել է Իրանի ներկայացուցիչ Աբոլֆազլ Ալի Չուբանիին:

Հայաստանի ներկայացուցիչներից մեդալ նվաճելուն մոտ էին նաև Ռուբեն Գևորգյանն (82 կգ) ու Արշակ Գեղամյանը (97 կգ), որոնք, սակայն, պարտվել են բրոնզե մեդալի համար պայքարում:

Ավելի վաղ ազատ ոճի ըմբշամարտի Հայաստանի Մ20 հավաքականը 1 բրոնզե մեդալ էր նվաճել երիտասարդական ԱԱ-ում: Ազատ ոճայինների կազմում միակ մեդալը նվաճել էր 57 կգ քաշային Էդիկ Հարությունյանը՝ վճռորոշ գոտեմարտում 8-4 հաշվով առավելության հասնելով ադրբեջանցի Ռուսլան Աբդուլաևի նկատմամբ:

Այս թեմայով Երիտասարդ բռնցքամարտիկները ԵԱ-ում նվաճել են 5 մեդալ 3 հայ բռնցքամարտիկներ կպայքարեն ոսկե մեդալի համար․ երիտասարդական ԵԱ ԱՊՀ-ում առաջարկել են Հայրենական մեծ պատերազմում հաղթանակի 80-ամյակին նվիրված հոբելյանական մեդալ ստեղծել Երիտասարդ բռնցքամարտիկները ԵԱ-ում առնվազն երեք մեդալ են ապահովել Հայ երիտասարդ բռնցքամարտիկները շարունակում են ելույթները Խորվաթիայում Սամբոյի աշխարհի գավաթում Հայաստանն արդեն 9 մեդալ ունի Երիտասարդ բռնցքամարտիկները մեկնել են Եվրոպայի առաջնությանը Հայ կարատեիստները 9 մեդալ են նվաճել North American Open 2024 միջազգային առաջնությունում Հադրութի հրապարակում տարեց և երիտասարդ անձինք գնդակահարվեցին. սա հստակ էթնիկ սպանություն էր Երիտասարդ բռնցքամարտիկները Եվրոպայի առաջնությանը կմասնակցեն ամբողջական կազմով