«Փաստ». Ե՞րբ «Հայաքվեի» օրենսդրական նախաձեռնությունը կմտնի խորհրդարան

«Փաստ» օրաթերթը գրում է. «Հայաստանի Հանրապետության անունից Արցախն այլ պետության մաս ճանաչող և Հայոց ցեղասպանության նշանակությունը նսեմացնող ցանկացած գործողություն քրեականացնել առաջարկող «Հայաքվե» քաղաքացիական-օրենսդրական նախաձեռնությունը նախօրեին ԿԸՀ հանձնեց 58 հազար ստորագրություններով 5 արկղերը: Կենտրոնական ընտրական հանձնաժողովը երկուշաբթի կսկսի ստորագրությունների ստուգումը, եթե, ինչպես ԿԸՀ ներկայացուցիչն է ասել, խնդիրներ չլինեն հատուկ այդ նպատակով պատվիրված ծրագրի հետ: Ընդհանուր առմամբ, ստուգելու համար ԿԸՀ-ն ունի 1 ամիս ժամանակ: Այսինքն, մոտավորապես հոկտեմբերի սկզբին օրենսդրական նախաձեռնությունը կարող է մտնել Ազգային ժողով, եթե, իհարկե, ԿԸՀ-ն «թերություններ» չհայտնաբերի կամ ինչ-ինչ «լազեյկաներ» չգտնի՝ թույլ չտալով, որ հարցը հասնի խորհրդարան:

Բանն այն է, որ ԱԺ մտնելուն պես քպականներին խայտառակություն է սպասվում, քանզի, մեր տեղեկություններով, նրանք հստակ որոշում ունեն՝ ցանկացած միջոցով, որ փուլում դա հնարավոր լինի, խոչընդոտել օրենքի ընդունումը: Նախաձեռնության հեղինակ Ավետիք Չալաբյանը ֆեյսբուքյան իր էջում շնորհակալություն է հայտնել բոլոր ստորագրողներին՝ կոչ անելով այսուհետ ևս, այդ թվում՝ հարցը ԱԺ տեղափոխվելուց հետո, տեր կանգնել ստորագրություններին ու մինչև վերջ հետամուտ լինել օրենքի ընդունմանը: Ի դեպ, հավելենք, որ եթե Ազգային ժողովը մերժի նախագիծը, ապա արդեն պետք է 300 հազար ստորագրություն հավաքվի։ Այդ դեպքում նախագիծը կդրվի հանրաքվեի: Բավարար ձայներ ստանալու դեպքում այն օրենքի ուժ կստանա»:

Այս թեմայով «Իրավիճակը հնարավոր է փոխել, եթե լինի իշխանափոխություն». «Փաստ» Ո՞ւր են ներքաշում Հայաստանը. «Փաստ» Բռնատիրությունը՝ «փրկօղա՞կ». ժողովրդավարություն գոռալով՝ բացարձակ հակառակն են անում. «Փաստ» «Ճնշումներն ահագնանալու են, նրանք լավ են պատկերացնում, թե ինչ հանցանքներ են իրականացնում հայ ժողովրդի դեմ». «Փաստ» Իշխանություններն անցել են իրենց սիրելի «մուտիտին». «Փաստ» Աջակցություն գյուղատնտեսական նշանակության հողերի միավորմանը. պետությունը կփոխհատուցի ձեռք բերվող և միավորվող հողերի կադաստրային արժեքի 30 տոկոսը. «Փաստ» Կեղծ բարեպաշտների ժամանակն ու... «ամնեզիան». «Փաստ» Առանց կարմիր գծերի. լրագրողներին էլ «բաժին հասավ». «Փաստ» Ռեժիմի բոլոր գործիքները «խոդ է տվել». «Փաստ» Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ»