Ուր են և ինչու են լռում Հայաստանի խոշոր գործարարներն ու պաշտոնյաները. մաս 7. ՄԱՊ-ի Ալիկ

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Հաջորդիվ կանդրադառնանք Ալեքսան Պետրոսյանին՝ ՄԱՊ-ի Ալիկին: Ահա նրա կենսագրությունից որոշ դրվագներ: 2003-2007թթ.` Ազգային ժողովի պատգամավոր   (համամասնական ընտրակարգ, ՕԵԿ): Մինչեւ 2006թ. մայիսի 22-ը` ՕԵԿ եւ ՕԵ խմբակցության անդամ: 2006թ. մայիսի 25-ից` «Գործարար» պատգամավորական խմբի անդամ: Եղել է Ազգային ժողովի արտաքին հարաբերությունների, ապա ֆինանսավարկային, բյուջետային եւ տնտեսական հարցերի մշտական հանձնաժողովների անդամ:

Ժամանակին Ալեքսան Պետրոսյանի սիրտը ցավում էր հայրենակիցների համար: Դիցուք՝ 2013-ին նրա նախաձեռնությամբ ստեղծվել էր հիմնադրամ, և բացվել էր հաշվեհամար, որը գործելու էր 2 ամիս և նպատակ ուներ աջակցել կարկուտից տուժած Արմավիրի մարզի բնակչությանը: Նա նաև հրապարակավ դիմում էր Հայաստանի պետական, մասնավոր, կիսամասնավոր կառույցներին՝ խոշոր հարկատուներին, որպեսզի նրանք ֆինանսական աջակցություն ցուցաբերեն՝ «աշատասեր, հողի մարդկանց և ոչ մուրացկան» օգնելու համար։

Երբ ՄԱՊ-ի Ալիկին լրագրողները ապրիլյան պատերազմից հետո հարցեր էին ուղղում Հայաստանի և Արցախի անվտանգության մասին, վերջինս հայտարարում էր. «Անվտանգությունը մեր բոլորի խնդիրն է՝ իմ, քո, այն մարդկանց խնդիրն է, որ ապրում են Հայաստանում եւ Հայաստանից դուրս»:

Այսինքն՝ երբ ֆերմերներն էին տուժում, կամ իր խաղողի այգիներն էին կարկտահարության ենթարկվում՝ Ալեքսան Պետրոսյանը բավական օպերատիվ էր աշխատում, հիմնադրամներ էր ստեղծում, նամակով դիմում էր 300 խոշոր հարկատուներին, որպեսզի նվիրատվություն անեն և կանգնեն տուժած գյուղացիների կողքին: Այժմ, երբ տուժած է ճանաչվել 120 հազար հայ, երբ Արցախը կանգնած է հայկակականությունը կորցնելու լրջագույն վտանգի առաջ՝ ՄԱՊ-ի Ալիկի ձայնն անգամ դուրս չի գալիս: Թերևս գլուխը խառն է: Հիշեցնենք, որ նրան մեղադրանք է առաջադրված Բնապահպանության նախկին նախարար Արամ Հարությունյանի վերաբերյալ Հատուկ քննչական ծառայությունում քննվող քրեական գործով։ Հարությունյանը մեղադրվում է առանձնապես խոշոր չափով կաշառք ստանալու եւ փողերի լվացման մեջ։ Դրա հետ մեկտեղ նա 30 միլիոն գրավով ազատ է արձակվել, նվիրատվություններ է անում Նիկոլ Փաշինյանի ընտանեկան հիմնադրամին, իսկ նրա որդու ՍՊԸ-ն առանց մրցույթի ստանում է հնարավորություն՝բյուջեից հատկացված 6 միլիոն դոլարով Երևանում Սնուփ Դոգի համերգը կազմակերպել: Ինչպես երևում է՝ անվտանգությունն այլևս մեր բոլորի խնդիրը չէ, իսկ «աշատասեր, հողի մարդկանց» օգնելու կարիք ՄԱՊ-ի Ալիկն այլևս չի տեսնում:

Շարունակելի..

Այս թեմայով ՄԱՊ-ի Ալիկն ու որդին «քաշո՞ւմ» են Նիկոլ Փաշինյանին «Հրապարակ». Ալիկ Սարգսյանի փեսան՝ Հայկ Մարությանի թիմում Ամբողջ դահլիճը պարում էր ոտքի վրա․ Արա և Ալիկ Ավետիսյանները՝ Անդրեյ Մալախովի հյուր (տեսանյութ) Ինչպես Փաշինյանը «մոռացավ» ՄԱՊ-ի Ալիկի՝ 14 միլիոն ԱՄՆ դոլարի ստացած կաշառքը Բռնցքամարտիկ Ալիկ Կճոյանը ԵԱ-ում հաղթել է ադրբեջանցի մրցակցին 5։0․ ինչպես է Ալիկ Կճոյանը տապալում ադրբեջանցի մրցակցին «Ժողովուրդ». Նախկին փոխնախարար Ալիկ Միրզաբեկյանը Հակակոռուպցիոն դատարան չի ներկայացել Երևանում ոստիկանությունը բերման է ենթարկել «Նորատուսի Ալիկ» մականվամբ Ալիկ Բանդուրյանին Ալիկ և Արա Բանդուրյանները կասկածվում են Հայաստանում հայտնի կայքերից մեկի հիմնադրին ու նրա աշխատակիցներին սպանության սպառնալիքներ տալու մեջ Երևանում բախվել են BMW-ն, Volkswagen-ը, 2 Mitsubishi-ները․ վիրավորը ճանաչված երգիչ Ալիկ Գյունաշյանի դուստրն է