Ուր են և ինչու են լռում Հայաստանի խոշոր գործարարներն ու պաշտոնյաները. մաս 14. Զոհրաբ Մնացականյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Այսօր կանդրադառնանք ԱԳՆ նախկին նախարար Զոհրաբ Մնացականյանին, ով 2018-ից 2020 թվականների ընթացքում գլխավորել է արտաքին քաղաքական գերատեսչությունը, 44-օրյա պատերազմի ընթացքում էլ եղել է թիվ մեկ բանակցողը, սակայն պատերազմի ավարտից հետո հեռացել է զբաղեցրած պաշտոնից՝ մի շարք կշտամբական խոսքեր ուղղելով Նիկոլ Փաշինյանի հասցեին:

2018 թվականի մայիսին Մնացականյանը պնդում էր, որ Արցախը եղել է և լինելու է դիվանագիտական ճակատի առաջնահերթությունների շարքում։

2019-ին ԵԱՀԿ-ում նա նշում էր, որ Արցախի ժողովուրդը չպետք է մնա առանց պաշտպանության համար անհրաժեշտ անվտանգության գծերի;

2020 թվականի հուլիսին նա հայտարարում էր, որ Հայաստանը եղել և մնում է Արցախի անվտանգության և ազատության միակ երաշխավորողը։ Ե՛վ Հայաստանը, և՛ Արցախը բավարար ներուժ ունեն՝ պաշտպանելու, պաշտպանվելու, և սպառնալիքների լեզուն խստորեն մերժված է հայկական կողմերի կողմից։ 

Արցախ կատարած իր պաշտոնական այցերի ընթացքում Մնացականյանը հայտարարում էր, որ Արցախի ժողովրդի անվտանգությունը և կարգավիճակը Հայաստանի առաջնահերթություններն են։

Հրաժարականի դիմում ներկայացնելուց և պաշտոնից հեռանալուց հետո, արդեն նախկին նախարարը  Թվիթերում քննադատական գրառումներ էր արել ՄԱԿ-ի և Եվրամիության պաշտոնյաների հասցեին։ «Երեկ և այսօր զգալի էսկալացիա է եղել Լեռնային Ղարաբաղի արևելքում. Ադրբեջանը խախտում է հրադադարի ռեժիմը՝ կիրառելով հրազեն և անօդաչու թռչող սարքեր, այդ թվում՝ «Բայրաքթար». 3 զոհ և 14 վիրավոր կա Արցախում»,- գրել էր նա։ «Ավելի քան երկու շաբաթ Արցախը առանց գազի է ցրտաշունչ եղանակին։ Պայմանները մոտ են հումանիտար աղետին։ Ադրբեջանը միտումնավոր հետաձգում է Արցախը սնուցող՝ իր վերահսկողության տակ գտնվող գազատարի վերանորոգումը։ Աշխարհը աներևեկայելի կույր է։ Սրանում ոչ մի նոր բան չկա»,- գրել էր Մնացականյանը և շարունակել, որ այս վերջին իրադարձությունները վկայում են Արցախի ժողովրդին սպառնացող շարունակական գոյութենական վտանգի մասին։

Զոհրաբ Մնացականյանը մշտապես իր հրապարակային բոլոր ելույթներում շեշտում էր, որ Արցախի ժողովորդի ինքնորոշման անքակտելի իրավունքը հանդիսանում է խաղաղ կարգավորման հիմնարար սկզբունքը և հիմքը։ Այս սկզբունքի ճանաչումը ենթադրում է, որ Արցախի վերջնական կարգավիճակի որոշումը չի կարող ենթարկվել որևէ սահմանափակման, ինչը պետք է հստակորեն և միանշանակորեն ընդունվի:

Մինչդեռ այսօր, երբ Արցախի գոյությունն իսկ վտանգված է, իսկ արցախցիները էթնիկ զտումների ենթարկվելուց հետո ստիպված են եղել բռնել գաղթի ճանապարհը, Զոհրաբ Մնացականյանը, ում գրեթե ողջ դիվանագիտական կարիերան կառուցվել է Արցախի շուրջ, լռում է:

Շարունակելի...

Այս թեմայով Մոմավառություն՝ ի հիշատակ Փաշինյանի ավտոշարասյան կողմից վթարի ենթարկված Սոնա Մնացականյանի․ ուղիղ ՄԻՊ-ն անհասկանալի համառությամբ այդպես էլ չհիշեց Սամվել Վարդանյանի խոշտանգման մասին․ Մնացականյան Հասարակական տրանսպորտը 3-5 տարով կարող է լինել անվճար․ գումարի տեղը մենք ասում ենք․ Վիկտոր Մնացականյան Պաշտոնյաների ուշագրավ գնումները՝ բյուջեի հաշվին. Ստեփան Մնացականյան «Այն մարդիկ, ովքեր գոռում էին թանկացումների դեմ, հիմա թանկացնում են տրանսպորտը». Լալա Մնացականյան (տեսանյութ) Բաքուն հաստատեց, որ առևանգել է Լևոն Մնացականյանին «Ո՞նց կարելի է Աշոտյանի նման ծանրակշիռ գործիչի համար ոչ մի ծպտուն չհանել, մի կիսագրագետ պրովոկատորի համար այ էսքան խառնվել». Հարություն Մնացականյան Երևանի դպրոցներում համազգեստը պետք է լինի պարտադիր և անվճար. Վիկտոր Մնացականյան Հրավիրում ենք հատուկ դրամահավաք-երեկո, որի ընթացքում կներկայացնենք Երևանի հետ կապված «Վիկտորի պլան»-ից որոշ դրույթներ․ Վիկտոր Մնացականյան Տարածաշրջանում կայունությունը պատրանքային է, եթե դրան պետք է հասնել Արցախի ժողովրդի հաշվին․ Զոհրաբ Մնացականյան