Հայաստանում կբացվի գորգի թանգարան

ՀՀ կրթության, գիտության, մշակույթի և սպորտի նախարարության ջանքերով Հայաստանում գորգի թանգարան է բացվելու, այս մասին նոյեմբերի 14-ին լրագրողների հետ հանդիպմանն ասաց ՀՀ ԿԳՄՍ նախարարի տեղակալ Ալֆրեդ Քոչարյանը:

«Հայաստանը Հարավային Կովկասի գորգագործության կենտրոնն է եղել: Գորգի թանգարանի ստեղծումը կլինի այդ ընդգծելու քայլերից ամենակարևորը: Ըստ մեզ՝ սա Լեռնային Ղարաբաղի հետ կապված կարևոր ռազմավարական քայլ կլինի, քանի որ կան երկրներ, որ նշում են, թե գորգագործության կենտրոն են, բայց  այդ կենտրոնը Հայաստանն է»,-ասաց փոխնախարարը:

Անդրադառնալով Շուշիի գորգերի թանգարանից Հայաստան բերված գորգերը նոր ստեղծվող թանգարանում ներկայացնելուն՝ Քոչարյանը շեշտեց՝ այն թանգարանը պետական է լինելու և պետք է ստեղծված լինի պետական  հավաքածուի վրա:

Փոխնախարարի խոսքով՝ Շուշիի գորգերի թանգարանի գորգերը մասնավոր հավաքածուից են և պատկանում են Վարդան Ասծատրյանին: «Մենք կարող ենք համագործակցել, նրա հավաքածուի ժամանակավոր ցուցադրություն կազմակերպել, բայց թանգարանը պետական է, ինչը նշանակում է, որ մասնավորն այնտեղ մասնաբաժին ունենալ չի կարող անկախ նրանից հավաքածուն Երևանինն է, Շուշիինը, թե այլ, սակայն մենք բաց ենք  համագործակցության համար: Բազմիցս պարոն Ասծատրյանին համագործակցելու առաջարկներ արել ենք, բայց չի ստացվել: Մենք  պայմանավորվածություն ունեինք Հայաստանի պատմության թանգարանում համատեղ ցուցադրություն իրականացնել, սակայն արձագանք չստացանք»,-շեշտեց փոխնախարարը:

Այս թեմայով Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը Հայաստանում կրիպտոակտիվի գնումը և վաճառքը կիրականցվի բացառապես անկանխիկ եղանակով Հայաստանում մարդկանց են խոշտանգում, տարածքներ հանձնում ձեզ չի՞ մտահոգում․ լրագրողը՝ գլխավոր դատախազին Հայաստանում համատարած է անհիմն կալանքների խնդիրը. կալանավորների մեծ մասը դատապարտյալ չէ. ՄԻՊ Հայաստանում Ֆրանսիայի դեսպան Օլիվիե Դըկոտինյին Հայոց ցեղասպանության տարելիցին նվիրված գրառում է արել Հայոց ցեղասպանության թանգարան-ինստիտուտը խորապես ուսումնասիրում է Ադրբեջանի կողմից արցախահայության դեմ ուղղված բռնությունները Հայաստանում կարմրուկի լաբորատոր հաստատված դեպքերի թիվը հասել է 342-ի Հայաստանում օդի ջերմաստիճանը կբարձրանա 4-5 աստիճանով Հայաստանում մի շարք ծառայություններ ամբողջ բնակչության համար պետպատվերով են․ ԱՆ Մանկապարտեզում այսուհետ երկարօրյա խումբ կբացվի նույնիսկ մեկ երեխայի համար