Արևմուտքը չի պատրաստվում զինել Հայաստանին. ԵՄ–ի և ԱՄՆ–ի ոչ երկիմաստ մեսիջները

Թեև Հայաստանի իշխանությունները փորձում են հանրությանը համոզել, որ արևմտյան էժան և որակով զենք ստանալու ճանապարհին ՀՀ համար գլխավոր խոչընդոտը ՀԱՊԿ անդամակցությունն է և որ երբ լքենք այդ կազմակերպությունը, Արևմուտքը պատրաստ է զինել Հայաստանին և ապահովել մեր անվտանգությունը՝ Արևմուտքի գործողությունները խոսում են տրամագծորեն հակառակ իրողության մասին:

Այստեղ պետք է հասկանալ, թե, ընդհանրապես, ում դեմ է Արևմուտքը, այս դեպքում՝ ԱՄՆ-ն, զինելու ՀՀ-ին։ Բնական է, որ ԱՄՆ-ն չի կարող զենք-զինամթերք վաճառել իր բարեկամ Ադրբեջանի դեմ, որովհետեւ Ադրբեջանը եւս ԱՄՆ-ի համար բարեկամ պետություն է եւ չի կարող զենք վաճառել իր ռազմավարական դաշնակից Թուրքիայի դեմ, որը Միացյալ Նահանգների դաշնակիցն է ՆԱՏՕ-ի գծով նաեւ երկկողմ հարաբերությունների տեսանկյունից։ Ընդամենն ամիսներ առաջ ԱՄՆ-ն հայտարարել էր, որ պատրաստ է ռազմական աջակցություն ցուցաբերել Տաջիկստանին և Ուզբեկստանին։ Հիշեցնենք, որ այս երկրները ևս ՀԱՊԿ անդամ են, սակայն այդ հանգամանքը, չգիտես ինչու, ԱՄՆ-ին չի խանգարում ռազմական աջակցության ձեռք մեկնել վերջիններին: Ինչպես տեսնում ենք՝ Հայաստանի դեպքում առկա է Ադրբեջանի և Թուրքիայի գործոնը, ԱՄՆ–ն զենք չի տրամադրելու Երևանին՝ ընդդեմ իր դաշնակիցների, իսկ Հայաստանի համար գլխավոր անվտանգային սպառնալիքը բխում է հենց այս երկրներից: Նախորդ տարվա սեպտեմբերին ԱՄՆ կոնգրեսը քննարկեց Հայաստանին զենք վաճառելու և Ադրբեջանին ռազմական հանցագործությունների դիմաց պատասխանատվության կանչելու հարցը, սակայն ոչ զենքը հասավ Երևան, ոչ էլ Ադրբեջանին պատժեցին:

Այժմ գանք Արևմուտքի՝ Հայաստանին զենք վաճառելու պատրաստակամությանը: Մինչ այս պահը նման պատրաստակամություն հայտնել է միայն Ֆրանսիան: Դիցուք՝ Հայաստանի իշխանությունները Ֆրանսիայի միջնորդությամբ Եվրամիության հետ պայմանավորվել են ֆինանսավորել ֆրանսիական GM200 ռադարների գնումը խաղաղության եվրոպական հիմնադրամի միջոցներից։ Միևնույն ժամանակ պետք է նշել, որ  GM200 ռադիոտեղորոշիչ կայանները սահմանափակ հնարավորություններով հետախուզական բնույթի սպառազինություն են, և դժվար չէ արձանագրել, որ հայ-ֆրանսիական ռազմատեխնիկական համագործակցության շուրջ PR աղմուկն ավելի մեծ է, քան երկրի վրա ձեռք բերված էֆեկտը: Նույնը կարելի է ասել Ֆրանսիայից գնված թվով 24 Բաստիոն զրահամեքենաների մասին: Ֆրանսիական Ouest-France պարբերականը գրել էր, որ Հայաստան մատակարարվող ֆրանսիական զրահամեքենաներն ի սկզբանե նախատեսված էին Ուկրաինայի համար։ Ըստ թերթի` Կիևը դժգոհություն է հայտնել, քանի որ այդ զրահամեքենաները հրետանային կրակից և հակատանկային հրթիռներից չափազանց վատ են պաշտպանված։ 

Ինչպես տեսնում ենք, չնայած այն հանգամանքին, որ ՀՀ իշխանություններն ակնկալում էին ակտիվ գործողություններ արևմտյան երկրների կողմից Հայաստանին զինելու ուղղությամբ, իրականում իրավիճակը զարգանում է այլ սցենարով։  Արևմուտքից ռազմական աջակցություն ակնկալելիս ՀՀ իշխանությունները պետք է իրենց աչքի առաջ ունենան Ուկրաինայի օրինակը: Կիևում արդեն չեն թաքցնում դժգոհությունն արևմտյան դաշնակիցներից և բացահայտ հայտարարում են, որ վերջիններս իրենց քցել են ռազմական գործողությունների ամենաթեժ պահին: Հիշեցնենք, որ թե՛ ԱՄՆ-ն, թե՛ ԵՄ-ն հայտարարում են, որ ստիպված են կրճատել Ուկրաինային տրամադրվելիք ռազմական օգնությունը: Կիևին արևմտյան խոստացված օգնության ծավալը տարեկան կտրվածքով օգոստոսից հոկտեմբեր ընկած ժամանակահատվածում  նվազել է 87 տոկոսով՝ 16-ից հասնելով երկու միլիարդ եվրոյի: Մինչդեռ Ուկրաինայի իշխանություններին այդ նույն արևմտյան դաշնակիցները խոստանում էին ապահովել ամեն ինչով մինչև ՌԴ–ի նկատմամբ հաղթանակի հասնելը:

Հետևաբար, ՀՀ իշխանությունները պետք է առաջնորդվեն ռեալպոլիտիկով, ոչ թե Արևմուտքի կողմից արված գեղեցիկ խոստումներով, քանի որ արդեն իսկ պարզ է, որ ԵՄ-ում Հայաստանին ռազմական օգնություն տրամադրել ցանկացողների հերթ չի գոյացել, բացի այդ, նույն ԱՄՆ-ն չի զինելու Հայաստանին ընդդեմ իր ՆԱՏՕ-յական դաշնակից Թուրքիայի: Հետևաբար ՀՀ իշխանությունների կողմից ՀԱՊԿ-ից և ՌԴ-ից երես թեքելը ստեղծված իրավիճակում ոչ այլ ինչ է, քան պարզ արկածախնդրություն, որից, իհարկե, տուժելու է միայն ու միայն հայ ժողովուրդը:

Այս թեմայով Հնդկաստանի ԱԳՆ-ն արձագանքել է Ադրբեջանի՝ Հայաստանին զենք մատակարարելու առթիվ քննադատությանը Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Հնարավորության դռները հավերժ չեն կարող բաց մնալ. Էրդողանը սպառնացել է Հայաստանին Բագրատ Սրբազանի դեմ խոսացողները պատրաստվում են ապրիլի 24-ի իրենց ՆԱՄԱԶԻՆ․ Կարեն Քոչարյան Հրատապ․ տեղեկություններ կան, որ դիրքերից մեկը պատրաստվում են հանձնել «Պաշտպան հայրենյաց» ծրագրի մասնակիցները պատրաստվում են առաջիկա քննություններին Հայաստանին ուզում են արագացված տեմպերով պոկել Ռուսաստանի Դաշնությունից. Լավրով Մեդվեդևը կարծիք է հայտնել, որ Արևմուտքը որոշել է վերացնել Զելենսկիին Արևմուտքը ոչնչացնում է ՀՀ-ում ազգային ամեն ինչ, հետո, խաղից կշտանալով, թողնելու է միայնակ. Զախարովա Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում