Կորոնավիրուսի, պատերազմի և այլ մարտահրավերների պայմաններում իրականացվել են հսկայածավալ բարեփոխումներ․ վարչապետ

 Անցած տարիների ընթացքում կորոնավիրուսի համավարակի, պատերազմի և այլ մարտահրավերների պայմաններում Հայաստանի կառավարությունն իրականացրել է հսկայածավալ բարեփոխումներ, որոնք նպաստել են տնտեսական աճին, այս մասին ասաց Հայաստանի վարչապետ Նիկոլ Փաշինյանն ուղիղ եթերում՝ պատասխանելով քաղաքացու հարցին, թե ինչպե՞ս կգնահատի 2021-26 թվականների կառավարության ծրագրի և 2021-26 թվականների կառավարության գործունեության միջոցառումների ծրագրի կատարման ընթացքը, մասնավորապես՝ 2023 թվականի տնտեսական ցուցանիշները։

Վարչապետը նախ ներկայացրեց, թե ի՞նչ չափանիշներով է առաջնորդվում՝ կառավարության և գերատեսչությունների աշխատանքը գնահատելիս։

« Ճիշտ եք ասում՝ կառավարության գործունեության ծրագիր գոյություն ունի և ես վերցնում եմ ըստ եռամսյակների միջոցառումների ծրագիրը, և, նախարարների աշխատանքը գնահատելիս, նայում եմ, թե որ ծրագիրն է իրականացվել և որը՝ ոչ, որը ֆորմալ մոտեցում է։ Նաև անցյալ տարի էլ իրականացրինք, այս տարի էլ կսկսենք նախարարությունների արդեն 2023 թվականի գործունեության հաշվետվությունը, որի հիմնական նպատակը նախ տեղի ունեցած աշխատանքը գնահատելն է, հասկանալ ինչ է արվել և ինչը չի արվել և հետո հավատում եմ, որ նախարարություններում քննարկումները նախ ինձ հնարավորություն են տալիս ներսից հասկանալ գործընթացները և երկրորդը՝ խթան է հաջորդ փուլի աշխատանքները հաջող իրականացնելու համար»,- ասաց Փաշինյանը։

Այս առումով վարչապետը կարևոր է համարում բյուջեով նախանշված տնտեսական աճի ցուցանիշը։

«Ազգային ժողովի իմ վերջին ելույթում ասել եմ, որ Հայաստանի պետական շահը համարում եմ տնտեսական զարգացումը և ընդհանրապես զարգացումը։ Եվ ինձ համար ամենակարևոր մակրոգնահատականը դա է՝ նախանշված 7 տոկոս տնտեսական աճ ապահովո՞ւմ ենք, թե՞ չենք ապահովում։ Եթե ապահովում ենք՝ կարող եմ, ընդհանուր առմամբ, լավ գնահատել աշխատանքը։ Եթե խնդիրներ ունենանք, ուրեմն պետք է գործողություններ անել։ Բայց կարևոր է ոչ միայն ընթացիկ տարվա տնտեսական դինամիկան, շատ կարևոր է նաև, որ հաջորդ տարի էլ ենք այդ խնդիրը դնելու և ինչպես ենք ստեղծում հնարավորություններ հաջորդ տարի յոթ տոկոս տնտեսական աճ ունենալու համար։ Այստեղ շատ կարևոր է ոչ ֆորմալ առումով կառավարության գործունեության ծրագիրը, բայց նաև այն բարեփոխումները, որոնք իրականացվում են»,- շեշտեց վարչապետը։

Նրա խոսքով՝ 2021 թվականին ցնցումային իրավիճակներից հետո արձանագրել է, որ մի շարք սկզբունքային բարեփոխումներ իրականացվել են հենց այդ խառը տարիներին։

«Ես բարձր գնահատեցի մեր նախարարությունների և մեր գործընկերների աշխատանքը։ Ես ուզում եմ և՛բարձր, և՛ միջին, և՛ ցածր օղակների աշխատանքի նկատմամբ իմ գնահատանքը արտահայտել հետևյալ տրամաբանությամբ։ Ես ուղղակի ցնցվեցի՝ արձանագրելով, որ 2020 թվականին կորոնավիրուսի և պատերազմի, 2021 թվականին ներքաղաքական անկայունության պայմաններում և հետագա բարդությունների շրջանում հսկայածավալ բարեփոխումների օրակարգ ենք իրականացրել։ Ուզում եմ սրա համար շնորհակալություն հայտնել մեր բոլոր նախարարություններին, բոլոր գերատեսչությունների բոլոր աշխատողներին, որովհետև ես հասկանալիորեն անձամբ ժամանակ չեմ ունեցել բոլոր օրակարգերի վրայով անցնել։ Սա նշանակում է նաև, որ այդ մարդկանց մոտ պետականության ընկալումը շատ ուժեղ է իրենց մոտ և նշանակում է, որ, այնուամենայնիվ, որոշակի ինստիտուտներ և մեխանիզմներ սկսել են աշխատել»,- եզրափակեց Փաշինյանը։

Այս թեմայով Շրջակա միջավայրի նախարարության ենթակա ՊՈԱԿ-ների տարածքներում իրականացվել է ծառատունկ Հայաստանի լինելիության հարցն է որոշվում. ապագայի շատ կոնկրետ նախագիծ է դրվում սեղանին․ վարչապետ (տեսանյութ) ««Ժողովուրդ, դուք 3 մլն վարչապետ եք», վստահ եմ, չհավատացիք այս խոսքերին, հավատացե՛ք անմահությանը» (տեսանյութ) Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա Առկա պայմաններում դիվերսիֆիկացիայի մասին խոսելն ուղղակի անհեթեթություն է. «Փաստ» Պապուա Նոր Գվինեան արժանի չէ մարդակերության երկիր կոչվելու. վարչապետ Վարչապետ Փաշինյանն ընդունել է Տոյվո Կլաարին Պետական պաշտոնյան արդեն Ադրբեջանական բառերով է կոչում հայկական գյուղերը` չսպասելով ստորագրվող ակտին Զելենսկին նշել է հինգ երկիր, որոնք կկանգնեն պատերազմի առաջ, եթե Ուկրաինան պարտվի Պետք է երկուստեք ապահովենք, որ սահմանի երկու կողմերում մարդիկ ապահով ապրեն. ՀՀ վարչապետ