Կյանքից հեռացել է ՀՀ ԳԱԱ ակադեմիկոս Նորայր Առաքելյանը

Կյանքից հեռացել է ՀՀ ԳԱԱ ակադեմիկոս, գիտության և կրթության երախտավոր, գիտության վաստակավոր գործիչ, ֆիզիկամաթեմատիկական գիտությունների դոկտոր, պրոֆեսոր, միջազգային ճանաչում ունեցող մաթեմատիկոս Նորայր Հունանի Առաքելյանը:

Նորայր Առաքելյանը ծնվել է 1936թ․՝ Արթիկի շրջանի Մեղրաշեն գյուղում։ 1954-1958թթ․ սովորել է Երևանի պետական համալսարանի ֆիզիկամաթեմատիկական ֆակուլտետում։ 1971թ. պաշտպանել է դոկտորական ատենախոսություն, 1989թ. նրան շնորհվել է պրոֆեսորի կոչում: 1974թ. ընտրվել է ՀՀ ԳԱԱ թղթակից անդամ, իսկ 1990թ.՝ ՀՀ ԳԱԱ ակադեմիկոս:

Նորայր Առաքելյանի աշխատանքային գործունեությունը կապված է Հայաստանի Հանրապետության Գիտությունների ազգային ակադեմիայի և Երևանի պետական համալսարանի հետ: 1989-1991թթ․, 1997-2006թթ. նա եղել է ՀՀ ԳԱԱ Մաթեմատիկայի ինստիտուտի տնօրեն, 1991-1993թթ.՝ Երևանի պետական համալսարանի ռեկտոր, 2006-2016թթ․՝ ՀՀ ԳԱԱ Մաթեմատիկական և տեխնիկական գիտությունների բաժանմունքի ակադեմիկոս-քարտուղար, ՀՀ ԳԱԱ նախագահության անդամ: 2004թ. Նորայր Առաքելյանն ընտրվել է Գերմանիայի Տրիի համալսարանի պատվավոր դոկտոր։

Նորայր Առաքելյանն ակնառու ներդրում ունի կոմպլեքս անալիզի և մոտավորությունների տեսության բնագավառներում։ Նրա կողմից կատարված հիմնարար հետազոտությունները ճանաչում են գտել միջազգային հանրության կողմից: Մեծ է նրա ներդրումը Հայկական մաթեմատիկական դպրոցի կայացման և միջազգային հեղինակության արժանանալու գործում:

Գիտության մեջ ունեցած նշանակալի ավանդի համար ակադեմիկոս Նորայր Առաքելյանն արժանացել է բազմաթիվ պարգևների, որոնցից են՝ ՀՀ գիտության վաստակավոր գործիչ (2003թ.), Սուրբ Մեսրոպ Մաշտոցի շքանշան (2013թ.)։

Ինչպես տեղեկացրին ՀՀ ԳԱԱ նախագահությունից, Գիտությունների ազգային ակադեմիայի գիտական կոլեկտիվը ցավակցում է ակադեմիկոս Նորայր Առաքելյանի հարազատներին և գործընկերներին: Նորայր Առաքելյանի հիշատակը միշտ վառ կմնա նրան ճանաչողների սրտերում:

Նորայր Առաքելյանի հոգեհանգիստը տեղի կունենա դեկտեմբերի 29-ին՝ ժամը 17:00-20:00-ին, «ԼյուԱր» սգո սրահում (Երևան, Սիլիկյան խճուղի, 18 շենք)։

ՀՀ ԳԱԱ նախագահություն

ՀՀ ԳԱԱ Մաթեմատիկական և տեխնիկական գիտությունների բաժանմունք

ՀՀ ԳԱԱ Մաթեմատիկայի ինստիտուտ

Այս թեմայով Մեր կյանքից պիտի հեռանան նրանք, ովքեր չեն գնում կորսվածը ետ բերելու հետևից, նրանք մեր հետ կապ չունեն Նոր նշանակում՝ ՀՀ քննչական կոմիտեում Նորայր Շողիկյանը նշանակվել է Արդարադատության նախարարի մամուլի քարտուղար Կյանքից հեռացել է Էվերեստ բարձրացած առաջին հայ լեռնագնացը Կյանքից հեռացել է դատավոր Կարեն Մաթևոսյանը Ի՞նչ է կատարվում Գյումրու ավագանիում. «Զարթոնք» խմբակցությունը նոր ղեկավար ունի, ինչու է հեռացել Վարդևան Հակոբյանը Ռաֆայել Նազարյանը հեռացել է Արարատից «Ժողովուրդ». Նոր մանրամասներ ձնահոսքի հետեւանքով կյանքից զրկված Բենիամին Մանուչարյանի դեպքից Օգնյեն Չանչարևիչը հեռացել է «Ալաշկերտ»-ից «Ուրարտու»-ին միացել է 2, իսկ «Ալաշկերտ»-ից հեռացել՝ 5 ֆուտբոլիստ