Փաշինյանը զոհաբերում է իր ամենամտերիմ թիմակիցներին. ի՞նչ է սպասվում ՔՊ-ականներին

Այսօր հայտնի դարձավ, որ Նիկոլ Փաշինյանի որոշմամբ աշխատանքից ազատվել է Լոռու մարզպետ Արամ Խաչատրյանը: Հիշեցնենք, որ ընդամենը շաբաթներ առաջ նույն ճակատագրին էր արժանացել նաև Վայոց Ձորի մարզպետ Արարատ Գրիգորյանը, իսկ ահա Նոր տարվան ընդառաջ էլ Փաշինյանը աշխատանքից ազատեց ԲՏԱ նախարար Ռոբերտ Խաչատրյանին:

Թե՛ Լոռու արդեն նախկին մարզպետ Արամ Խաչատրյանը, թե՛ Վայոց Ձորի մարզպետ Արարատ Գրիգորյանը դասվում էին Փաշինյանի ամենահավատարիմ թիմակիցների շարքին: Նրանք պաշտոնը զբաղեցնելիս մշտապես աչքի էին ընկնում վարչապետի անունով երդվելով, ՔՊ համար անձնուրաց վիզ դնելով։ Արամ Խաչատրյանն անգամ քարոզարշավի ընթացքում հայտնվել էր սկանդալի կիզակետում: Մամուլը գրել էր , որ նա քարոզարշավն սկսել էր մինչ արձակուրդ վերցնելը։ Բացի այդ, քարոզարշավին մասնակցում էր ծառայողական ավտոմեքենայով․ սա պնդում չէ, այլ՝ կասկած, քանի որ քարոզարշավին մասնակցում է Hundai մակնիշի ավտոմեքենայով, իսկ մարզպետի ծառայողականը հենց այդպիսի ավտոմեքենա էր։  Եթե արձակուրդի մեջ էր, ապա ինչո՞ւ էր ծառայողական ավտոմեքենայով քարոզարշավի մասնակցում, եթե արձակուրդի մեջ չէր, ապա ինչո՞ւ է աշխատանքային օրով քարոզարշավ անում։ Բոլոր պարագաներում, սա վարչական ռեսուրսի չարաշահում էր:  Բացի այդ, Նիկոլ Փաշինյանի Երևանյան նախընտրական հանդիպումներին մեկնողների մեջ մշտապես կային նաև մարզպետարանի ու դպրոցների աշխատակիցներ։ 

Վայոց Ձորի արդեն նախկին մարզպետն էլ քիչ բան չի արել ՔՊ–ի համար: Նրա որոշմամբ էր, որ մարզպետի տեղակալի պաշտոնից ազատվեց, այնուհետև դատարանի որոշմամբ այդ պաշտոնում վերականգնվեց Նանե Ասատրյանը: Աշխատանքից ազատվելիս նաև արձակուրդի գումար չի ստացել։ Ազատման համար որևէ հիմնավորում չի նշվել։ Գրիգորյանն Ասատրյանին ընդամենը տեղեկացրել էր, որ այն ժամանակվա տարածքային կառավարման նախարար Սուրեն Պապիկյանն ասել է՝ քաղաքական թիմն այդպես է որոշել։

Ինչպես տեսնում ենք, քաղաքական աչոկներ հավաքելու համար Փաշինյանը պատրաստ է զոհաբերել իր ամենամտերիմ թիմակիցներին, որոնք հեղափոխությունից հետո կանգնած են եղել իր թիկունքին: Սակայն, սա նոր վարքագիծ չէ: Փաշինյանը սովոր է «ժերտվա տալ» իր կողքին եղած մարդկանց՝ իրեն փրկելու համար՝ Դավիթ Տոնոյան, Օնիկ Գասպարյան, Արտակ Դավթյան, Հայկ Մարության, Արսեն Թորոսյան, շարքը կարելի է երկար շարունակել: Այս անգամ խաղադրույքները շատ ավելի բարձր են, երկրում ստեղծված իրավիճակը հուշում է, որ ՔՊ-ն ու Փաշինյանը այլևս չեն վայելում ժողովրդի մեծամասնության վստահությունը, հետևաբար Փաշինյանն էլ կորցնելու ոչինչ չունի, այս դեպքում պետք է մտածեն նրա թիմակիցները և նրա համար վահան աշխատող ուժային կառույցները, որոնց համար անչափ բարդ իրավիճակ է ստեղծվելու, երբ վերջինիս հրաժարականից հետո թողնվեն  ճակատագրի քմահաճույքին և Փաշինյանի փոխարեն իրենք պատասխան տան՝ Արցախը և Հայաստանը կործանման եզրին հասցնելու և մյուս բոլոր արհավիրքների ու տապալումների համար:

Այս թեմայով Դանիայի Թագավորությունում Նիկոլ Փաշինյանին դիմավորեցին «Ամո՜թ» վանկարկումներով (տեսանյութ) Ձեզ կեղեքել են, չեն թողել կրթվեք. Նիկոլ Փաշինյանը խաբել է. Մաս 207. «Ժողովուրդ» Հուսով ենք` գլոբալ ժողովրդավարությունը կկանգնի մեր կողքին մարտահրավերներին դիմակայելու հարցում. Փաշինյան Մեր տարածաշրջանում տեղի ունեցած պատերազմը հետագա զարգացումների նախերգանք էր․ Նիկոլ Փաշինյան Նիկոլ Փաշինյանը հանդիպում է ունեցել Դանիայի վարչապետ Մետտե Ֆրեդերիկսենի հետ Փաշինյանն Արագածի դպրոցում ստուգել է ծորակներն ու պատերի ներկը (տեսանյութ) Չեք նեղվո՞ւմ առաստաղի ցածրությունից․ Փաշինյանը ծանոթացել է դպրոցի դահլիճի ավարտական աշխատաքներին (տեսանյութ) Լեմկինի ինստիտուտը մեղադրել է Նիկոլ Փաշինյանին Հայոց ցեղասպանությունը կասկածի տակ դնելու մեջ Նիկոլ Փաշինյա՛ն, խոփդ քարին է կպել, պարզապես ժամանակ ես ձգում, մենք ավելի համառ ենք. Բագրատ Սրբազան (տեսանյութ) Կառավարության պատշգամբից թաքուն հետևում և նկարահանում են հանրահավաքը (տեսանյութ)