Փաշինյանի թիմակիցների մանիպուլյացիաները. Դիանա Գասպարյան

Շարունակելով ընթերցողի ուշադրությանը ներկայացնել այն պաշտոնյաներին, ովքեր, մեղմ ասած, անկեղծ չեն գտնվել հանրության հետ, փորձել են դիմել մանիպուլյատիվ հնարքների, խմբագրել սեփական հայտարարություններն ու քայլերը՝ այսօր կանդրադառնանք Էջմիածնի քաղաքապետ Դիանա Գասպարյանին:

Առաջին քայլը, որն արեց առաջին կին քաղաքապետը, դա հայտարարելն էր, որ քաղաքում տիրող քրեական իրավիճակին վերջ է տրվելու: Նա պնդում էր, որ նախկին բռնապետական կարգերը քաղաքից վերանալու են: Թե որքանով Գասպարյանը հաջողեց իր այս առաքելության մեջ, դժվար չէ գնահատել: Էջմիածինն այսօր անգամներ ավելի քրեականացված է, քան մինչ հեղափոխությունն էր: Չկա այնպիսի օր, որ քաղաքի բանուկ հատվածներում չհնչեն կրակոցներ և տեղի չունենա քրեական ռազբորկաներ: Ավելին` հենց Գասպարյանի ղեկավարության ընթացքում էր, որ ՀՀ նորագույն պատմության մեջ առաջին անգամ հարձակում կազմակերպվեց Մայր Աթոռի վրա, սպառնալիքներ էին հնչում անգամ կաթողիկոսի հասցեին, սակայն Գասպարյանն այդ ամենին չնկատելու տվեց:

Էջմիածնի քաղաքապետն ընտրվելուց հետո նաև որոշում էր կայացրել, որով քաղաքում սկսվելու է «խելացի» կանգառների տեղադրման գործընթացը: Սա ինքին ողջունելի նախաձեռնություն է, սակայն հանրությունն այդպես էլ ականատես չեղավ այդ կանգառների աշխատանքին:

Ներդրումային խոստացված բումն Էջմիածնում, իհարկե, նույնպես գրվեց սառույցին: Այդ իսկ պատճառով բյուջեն լցնելու տարբերակներից քաղաքապետն ընտրեց մարդկանց գրպանները մտնելը:  Այն պահին, երբ ամբողջ երկիրը գտնվում է սոցիալ-տնտեսական, ֆինանսական լրջագույն ճգնաժամի մեջ, քաղաքապետարանում գույքահարկի պարտքեր էին բռնագանձում, այն էլ՝ միլիոնների հասնող: Այսպես, մի քաղաքացուց բռնագանձվել է 643 հազար 290 դրամ, մեկ այլ քաղաքացուց բռնագանձվել է 790 հազար 50 դրամ: Միևնույն ժամանակ, քաղաքապետը որոշել է նաև լավություն անել քաղաքի բուժաշխատողներին և վերջիններիս համար 180 հազար դրամի կեքս է պատվիրել:

Բոլորիս հիշողության մեջ դեռ թարմ է Դիանա Գասպարյանի՝ Սուրեն Պապիկյանի հետ ունեցած հեռախոսազրույցի «սլիվը»: Գասպարյանը պարզաբանող հայտարարության մեջ պնդում է, որ ձայնագրությունը չի վերաբերում քարոզարշավի փուլին, քանի որ ԿԸՀ-ում արդեն գրանցված են ընտրություններին մասնակցող քաղաքական ուժերը, դրանց համամասնական ցուցակների առաջին դեմքերը և պրակտիկորեն պարզապես անհնար է որևէ մեկին, տվյալ դեպքում վարչապետի պաշտոնակատար Նիկոլ Փաշինյանին փոխարինել այլ քաղաքական գործչով։ Մինչդեռ ԱԱԾ պահեստազորի սպաների միությունը հայտարարություն է տարածել, որում ասվում էր, որ Գասպարյանի պնդումն անհիմն է, քանի որ այս փուլում ևս Փաշինյանի՝ վարչապետի թեկնածուից հրաժարվելու դեպքում ՔՊ-ի կողմից կարող էր առաջադրվել ցանկացած այլ անձ, այդ թվում և Սուրեն Պապիկյանը:

Շարունակելի...

Այս թեմայով Կիրանցը միասին դարձնենք Հայաստանի պարտվողական, հանձնվողական քաղաքականությանը վերջ տալու սկզբնակետը. Աբրահամ Գասպարյան (տեսանյութ) Քաղաքացիները փակել են Էջմիածին տանող ճանապարհը. ակցիան շարունակվում է Այո, կպայքարեմ տավուշցիների հետ. Օնիկ Գասպարյան (տեսանյութ) Հրապարակվել է «Դիանա Աբգար» թեմայով նամականիշի նկար Հայաստանի առաջին կին դիվանագետի մասին տեղեկությամբ ՃՏՊ Էջմիածին-Երևան ավտոճանապարհին․ կա տուժած «Հրապարակ». Դիանա Գալոյանը նոր պաշտոն կստանա ԽԾԲ-ին յուղոտ պաշտոնների տեղավորած ՔՊ-ականները. Դիանա Գասպարյան Արարատ Միրզոյանը հանդիպել է Դիանա Մոնդինոյի հետ ՃՏՊ Էջմիածին-Արմավիր ավտոճանապարհին. կան տուժածներ և զոհեր Դիանա Գասպարյանի սկեսրոջ «տների բիզնեսի գործով» նոր քրեական վարույթ է նախաձեռնվել․ «Հետք»