Հայաստանի բասկետբոլի հավաքականի խաղացողը Բեյրութի Հ.Մ.Ը.Մ.-ի կազմում մասնակցել է Լիբանանի առաջնության խաղին
СпортՀայաստանի ազգային հավաքականի բասկետբոլիստ, Լիբանանի առաջնության Բեյրութի Հ.Մ.Ը.Մ.-ի կազմում հանդես եկող Գաբրիել Աճեմյանը մասնակցել է «Սաժեսի» դեմ հանդիպմանը:
Աճեմյանը խաղադաշտում անցկացրել է 28 րոպե, վաստակել է 6 միավոր, 3 անգամ տիրել օղակից անդրադարձող գնդակին և կատարել 3 արդյունավետ փոխանցում:
Հանդիպումն ավարտվել է 97-80՝ ի օգուտ Հ.Մ.Ը.Մ. -ի:
Հիշեցնենք՝ Հայաստանի հավաքականը փետրվարի 25-ին աշխարհի 2027 թվականի առաջնության նախընտրական առաջին փուլի խաղում կմրցի Ալբանիայի հետ:
Տոմսերը կարող եք ձեռք բերել Ticketon.am կայքից: Խաղը կկայանա Կ. Դեմիրճյանի անվան մարզահամերգային համալիրում և կսկսվի 18։00-ին։