Առանց լավ «պադավատի» կյանք չունեն. «Փաստ»

«Փաստ» օրաթերթը գրում է.

«Պադավատապետության» դեմ պայքարող Նիկոլ Փաշինյանի թիմակիցները, պարզվում է, առանց «պադավատի» մի օր էլ չեն կարողանում աշխատել։ Այն էլ՝ առանց լավ «պադավատի»:

Ի մասնավորի, Ալավերդու համայնքապետ Դավիթ Ղումաշյանի առաջին գործը, պարզվում է, եղել է իր համար նոր «պադավատ» ճարելը: Ալավերդու ավագանու առաջիկա նիստի օրակարգում ընդգրկված է նախագիծ (20-Ա), որտեղ մասնավորաբար գրված է. «Տալ համաձայնություն և թույլատրել ՀՀ Լոռու մարզի Ալավերդի համայնքի ղեկավարին 3 ամիս ժամկետով մեկ ամսվա վարձակալության համար 100 000 (մեկ հարյուր հազար) ՀՀ դրամ վարձակալական արժեքով օգտագործման վերցնել «Թեղուտ» ՓԲ ընկերությանը պատկանող «AUDI» մակնիշի 009 NM 02 հ/հ ավտոմեքենան»։ Ընդ որում, ինչպես նշված է նախագծի 2-րդ կետում, սույն որոշման գործողությունները բխում են 2023 թվականի դեկտեմբերի 6-ից հետո ծագող հարաբերությունների վրա:

Այսինքն, փաստացի Ալավերդիում իրականացված իշխանազավթման հաջորդ իսկ օրվանից։ Ըստ էության, ստացվում է, որ Ղումաշյանին սազական չի եղել համայնքապետի առկա ծառայողական մեքենան և առաջին իսկ օրը նա զբաղվել է նոր մեքենա ունենալու հարցով։ Սակայն միայն երկու ամիս անց հասկացել է, որ առանց ավագանու որոշման չի կարող վարձակալության պայմանագիր կնքել, ուստի հետին թվով ավագանու որոշում է նախաձեռնել։

Մյուս կողմից՝ հետաքրքիր է, թե ի՞նչպես է ստացվել, որ համայնքի խոշոր ընկերությունը նոր համայնքապետին փաստացի օգտագործման է նվիրում (հիշեցնենք՝ ավագանու որոշում, ըստ այդմ՝ պայմանագիր չի եղել) ծառայողական մեքենա՝ նրա պաշտոնավարման առաջին իսկ օրը։ Իհարկե, շատ են դեպքերը, երբ ընկերությունները համայնքին տեխնիկա կամ գումար են նվիրում, բայց սա բացառիկ դեպք է, որ նվերը հենց համայնքի ղեկավարին է արվում։ Ի դեպ, մեր տեղեկություններով, մեքենան արժե ավելի քան 50 000 դոլար։

Այս թեմայով Իտալիան հայտարարել է, որ երկիրը կարող է գայատևել առանց ռուսական գազի «Իրավիճակը հնարավոր է փոխել, եթե լինի իշխանափոխություն». «Փաստ» Ո՞ւր են ներքաշում Հայաստանը. «Փաստ» Բռնատիրությունը՝ «փրկօղա՞կ». ժողովրդավարություն գոռալով՝ բացարձակ հակառակն են անում. «Փաստ» «Ճնշումներն ահագնանալու են, նրանք լավ են պատկերացնում, թե ինչ հանցանքներ են իրականացնում հայ ժողովրդի դեմ». «Փաստ» Իշխանություններն անցել են իրենց սիրելի «մուտիտին». «Փաստ» Աջակցություն գյուղատնտեսական նշանակության հողերի միավորմանը. պետությունը կփոխհատուցի ձեռք բերվող և միավորվող հողերի կադաստրային արժեքի 30 տոկոսը. «Փաստ» Կեղծ բարեպաշտների ժամանակն ու... «ամնեզիան». «Փաստ» Առանց կարմիր գծերի. լրագրողներին էլ «բաժին հասավ». «Փաստ» Ռեժիմի բոլոր գործիքները «խոդ է տվել». «Փաստ»