«Երևանի ավտոբուս» ՓԲԸ-ում առկա «Գազել-Սիթի» մակնիշի 100 մեքենայից 43-ն այս պահին անսարք է

Երևանի քաղաքապետարանի ենթակայության տակ գործող «Երևանի ավտոբուս» ՓԲԸ–ում առկա «Գազել-Սիթի» մակնիշի 100 ավտոբուսներից 43–ը չեն շահագործվում։ Այս մասին հայտնել է Երևանի քաղաքապետարանը` պատասխանելով Sputnik Արմենիայի գրավոր հարցմանը։ Նշենք, որ վերջին ժամանակահատվածում քաղաքացիները դժգոհում են Երևանի տարբեր երթուղիներում ներդրված չինական «Ժոնգ տոնգ» մակնիշի ավտոբուսների և «Գազել-Սիթի» մակնիշի փոքր դասի ավտոբուսների պակասից։

Ավտոբուսների վարորդներն էլ քաղաքացիների հետ զրույցում նշում են, որ ավտոբուսներն անսարք են, այդ պատճառով էլ սկսել են ուշ–ուշ (առնվազն 26-27 րոպեն մեկ) աշխատել։

Sputnik Արմենիան գրավոր պարզաբանում է խնդրել Երևանի քաղաքապետարանից` հասկանալու համար, թե ավտոբուսներից քանի՞սն են ենթակա վերանորոգման և արդյոք ճի՞շտ են վարորդների այն պնդումները, թե այդ ավտոբուսներն ի սկզբանե տեխնիկական խնդիրներ են ունեցել, դրա համար էլ հաճախ են շարքից դուրս գալիս։

Երևանի քաղաքապետարանից չեն հերքում, որ ավտոբուսներն ունեն տեխնիկական խնդիրներ։

««Երևանի ավտոբուս» ՓԲԸ–ի հաշվեկշռում կա «Գազել-Սիթի» մակնիշի 100 ավտոբուս, որոնցից այժմ շահագործվում է 57-ը: Տեխնիկական խնդիրները` կապված փոխանցման տուփերի հետ, հիմնականում հենց «Գազել-Սիթի»-ների մոտ են ի հայտ գալիս: Այս պահին 43 մեքենա չի շահագործվում հիմնականում փոխանցման տուփերի պատճառով, սակայն պարբերաբար դրանք նորոգվում են»,– հայտնում են քաղաքապետարանից։

Նշվում է նաև, որ «Երևանի ավտոբուս» ՓԲԸ–ում կա «Ժոնգ տոնգ» մակնիշի 361 ավտոբուս, դրա 20% –ը (մոտ 72–ը) ռեզերվային է`տարբեր երթուղիներում ըստ անհրաժեշտության փոխարինելու համար։

Ինչ վերաբերում է ավտոբուսների ուշանալուն, ապա Երևանի քաղաքապետարանում դա բացատրում են գլխավորապես մայրաքաղաքում առկա խցանումներով։

Նշվում է նաև, որ «Ժոնգ տոնգ» մակնիշի ավտոբուսների թիվը շուտով կհամալրվի ևս 30–ով:

Հավելենք, որ «Գազել-Սիթի» փոքր դասի ավտոբուսներով սպասարկվում են Երևանի ներհամայնքային միկրոավտոբուսային թվով 13, իսկ «Ժոնգ տոնգ» մակնիշի ավտոբուսներով՝ 31 երթուղիներ։

Այս թեմայով Ռուսաստանը հանդես է գալիս Բաքվի և Երևանի միջև շփումների շարունակման օգտին. Պեսկով Երևանի դպրոցներից մեկում 14-ամյա տղաները հարվածել են համադասարանցու գլխին. նա հոսպիտալացվել է Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան «Կանգնի՛ր կամ հանձնի՛ր»․ Երևանի մի շարք փողոցներ պարալիզացված են․ ակցիաները շարունակվում են Սուրեն Պապիկյանն ընդունել է Եվրոպայի խորհրդի Երևանի գրասենյակի ղեկավարին Ոստիկանները կնոջը քաշքշելով իջեցրին մեքենայից և բերման ենթարկեցին. նա ակցիային միացել էր մեքենայի ազդանշանով Ապրիլի 28-ին Երևանի կենտրոնում փակ փողոցներ կլինեն Երևանի և մարզերի որոշ հասցեներում լույս չի լինի Առկա պայմաններում դիվերսիֆիկացիայի մասին խոսելն ուղղակի անհեթեթություն է. «Փաստ» Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության