Պետական աջակցություն՝ սահմանամերձ գյուղերում տուն կառուցելու համար. ծրագրից արդեն իսկ 412 ընտանիք է օգտվում

Եթե ունեք գրանցված ամուսնություն, ՀՀ քաղաքացիություն ու ցանկություն՝ կառուցելու Ձեր տունը սահմանամերձ գյուղական բնակավայրերից որևէ մեկում, պետությունը կմարի հիփոթեքային վարկն ամբողջությամբ, եթե տան նախահաշիվը չգերազանցի 16 մլն դրամը։ Այս պահի դրությամբ ծրագրից արդեն իսկ 412 ընտանիք է օգտվում։ Այս մասին տեղեկացնում է Աշխատանքի և սոցիալական հարցերի նախարարությունը։

Նշվում է, որ սահմանամերձ գյուղական բնակավայրերում բնակարանային ապահովության պետական աջակցության ծրագրի պայմանները բարելավվում են։

«Մասնավորապես՝

. 1 տարով երկարաձգվում է ծրագրի գործողության ժամկետը, այսինքն շահառուները կկարողանան դիմել և ծրագրից օգտվել մինչև 2025 թ դեկտեմբերի 30-ը։

. Եթե շահառուների ամուսնության պետական գրանցումն իրականացվել է օտարերկրյա պետությունում, ապա օտարերկրյա պետության իրավասու մարմնի տված փաստաթղթերը ներկայացվում են հյուպատոսական վավերացմամբ և նոտարական կարգով հաստատված հայերեն լեզվով թարգմանված տարբերակով։

. Սահմանվում են բանկի սեփական ռեսուրսով վարկավորման պայմանները, ինչը հնարավորություն կտա այլ բանկերին ևս միանալ ծրագրին և սեփական ռեսուրսով իրականացնել վարկավորում։

Հիշեցնենք, որ ծրագրի շահառուները հնարավորություն ունեն հիփոթեքային վարկավորմամբ կառուցել իրենց տունը սահմանամերձ գյուղական բնակավայրում՝ պետության աջակցությամբ՝ 16 մլն դրամի շրջանակում։

Անհրաժեշտ է բավարարել երկու պայմանի՝ ունենալ Քաղաքացիական կացության ակտերի գրանցման մարմիններում գրանցված ամուսնություն, և ամուսնիններից առնվազն մեկն ունենա ՀՀ քաղաքացիություն։

Վերջիններս կարող են ծրագրից օգտվել, եթե ունեն՝

սեփականության իրավունքով իրենց պատկանող հող կամ կիսակառույց շինություն՝ սահմանամերձ գյուղական բնակավայրում,

շինարարական աշխատանքներ իրականացնելու թույլտվություն,

նախագիծ/նախահաշիվ։

2024 թվականի փետրվարի 13-ի դրությամբ՝ գործընկեր բանկերից (Կոնվերս Բանկ, Էվոկաբանկ, Ամերիաբանկ, Ակբա Բանկ) ստացվել և ՄՍԾ կողմից հաստատվել է 412 շահառուի հայտ, որից 229-ն արդեն վարկավորվել են։

Հաստատված հայտերի բաշխվածությունն ըստ մարզերի՝

Տավուշ - 239

Սյունիք – 54

Արարատ - 50

Վայոց Ձոր – 47

Գեղարքունիք – 22»։

Այս թեմայով Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ) Աջակցություն գյուղատնտեսական նշանակության հողերի միավորմանը. պետությունը կփոխհատուցի ձեռք բերվող և միավորվող հողերի կադաստրային արժեքի 30 տոկոսը. «Փաստ» Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) ԱՍՀ նախարարությունը գործարկելու է աշխատանք գտնելու առաջին մասշտաբային պետական հարթակը Երեւանում քաղաքացիները վաղ առավոտյան փակել են Ազատության պողոտան՝ ի աջակցություն տավուշցիների Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Պետական ​​սահմանի մոտ 10-12 կմ-ն արդեն կարելի է սահմանազատված համարել. Ալիև «Կարծես սպասողական վիճակում ապրեմ, ամեն րոպե սպասում եմ, որ Նվերս տուն կմտնի». պահեստազորային Նվեր Գուլինյանն անմահացել է հոկտեմբերի 13-ին Ջրականում. «Փաստ»