Հայաստանում կա մի քանի միլիարդ դոլար, որը կարող է ուղղվել ներդրումային ծրագրերի ֆինանսավորմանը. ֆինանսիստ

Հայաստանում կապիտալի պակաս չկա. առկա են մի քանի միլիարդ դոլարի միջոցներ, որոնք կարող են ուղղվել ներդրումային ծրագրերի ֆինանսավորմանը:  Երևանում կայացած «Հայաստանի կապիտալի շուկաները. ապագայի հեռանկարներ» անդրանիկ ֆինանսա-ներդրումային համաժողովում լրագրողների հետ զրույցում նշեց «ՖԻՆԱՐՄ» ֆինանսական շուկայի մասնակիցների ասոցիացիայի գործադիր տնօրեն Կարեն Զաքարյանը:

«Հայաստանում կան մի քանի միլիարդ դոլարի միջոցներ, որոնք կարող են ուղղվել ներդրումային ծրագրերի ֆինանսավորմանը: Չեմ կարծում, որ Հայաստանում կա հստակ հաշվարկներ ունեցող և ներդրողներին վստահություն ներշնչող այնպիսի նախագիծ, որի իրականացումը պայմանավորված է կապիտալի պակասի խնդրով»,- նշեց ֆինանսիստը:

Իր խոսքերը Կարեն Զաքարյանը հիմնավորեց թվային տվյալներով. «Հայաստանում կենսաթոշակային հիմնադրամները 2 մլրդ դոլարից ավել ակտիվներ են կառավարում: Կան նաև սեփական կապիտալ ունեցող վարկային կազմակերպություններ և ապահովագրական ընկերություններ, որոնք տնօրինում են այդ նպատակով հավաքագրված վճարները: Այդ ամենը պետք է գրագետ կառավարվի: Այդ գումարներն անգործ չեն մնում, ներդրումներ են կատարվում: Հայաստանում կան նաև հարուստ մարդիկ: Կարող եմ ցույց տալ, թե Հայաստանում որքան կապիտալ կա, որը կարող է ներգրավվել տարբեր նախագծերի ֆինանսավորմանը: Այն հասնում է մի քանի միլիարդ դոլարի: Նույն բանկային համակարգում միայն ավանդների և բոլոր տեսակի վարկերի տարբերությունը 2.6 մլրդ դոլար է: Բանկերը 14 մլրդ դոլարի ավանդ են ստացել և տրամադրել են 11.4 մլրդ դոլարի վարկ: Բանկային համակարգի սեփական կապիտալն էլ 3.6 մլրդ դոլար է, որը նույնպես պետք է ներդրվի: Բացի այդ, 2 մլրդ դոլարից ավել կենսաթոշակային խումբ ունեն, որոնք նույնպես ներդրվել են: Վստահ եմ, եթե լավ ներդրումային նախագիծ լինի՝ ֆինանսավորում կգտնվի»:

Այդ պարագայում, ինչպես նշեց բանախոսը, Հայաստանում խնդիրը հստակ մշակած գրագետ ներդրումային ծրագրերի բացակայությունն է:

Ըստ նրա՝ Հայաստանում շատ կարևոր է առաջավոր գիտելիքի ներդրումը և համապատասխան մշակույթի արմատավորումը: Այդ առումով Կարեն Զաքարյանը կարևորում է «Ֆրիդոմ բրոքեր Արմենիա» ընկերության գործունեությունը մեր երկրում։

«Նրանք կարևոր փորձ են կուտակել Ղազախստանում՝ էապես վերափոխելով և ակտիվացնելով տեղի շուկան: Դա հույս է ներշնչում, որ Հայաստանում իրենց փորձի ներդրումը թույլ կտա նմանապես աշխուժացնել մեր շուկան, ինչը հնարավոր կլինի, եթե կարողանանք զուգահեռաբար իրականացնել մի շարք փոփոխություններ, առանց որոնց բոլոր ջանքերը լինելու են պակաս արդյունավետ»,- գտնում է փորձագետը:

Նա տեղեկացրեց նաև, որ Հայաստանի ֆոնդային բորսան ստեղծել է տեխնոլոգիական հնարավորություն, որը թույլ է տալիս ավելի արդյունավետ համակցել տարբեր հավելվածները ու ներդրումային շուկաներից պարտատոմսեր և բաժնետոմսեր ձեռք բերել:

«Ցավոք, դեռ սակագնային հարցեր կան: Երբ այդ խնդիրը լուծվի, կարծում եմ՝ խոշոր ներդրումային շատ ընկերություններ և բանկեր ավելի ակտիվ մարքեթինգային արշավ կսկսեն, որպեսզի իրենց հաճախորդներին ներկայացնեն Հայաստանում արդեն կիրառվող գործիքները»,- եզրափակեց Կարեն Զաքարյանը:

Երևանում ՀՀ էկոնոմիկայի նախարարության և Freedom Broker Armenia ընկերության համատեղ կազմակերպած «Հայաստանի կապիտալի շուկաները. ապագայի հեռանկարներ» համաժողովում քննարկվել են ներդրումային շուկայի զարգացման կարևորագույն հարցերը:

Այս թեմայով Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան ՀՀ ցանկացած սմ հող կարող է հանձնվել բացառապես հանրաքվեով. Ռուբեն Մելիքյան (տեսանյութ) Հայաստանում կրիպտոակտիվի գնումը և վաճառքը կիրականցվի բացառապես անկանխիկ եղանակով Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Հայաստանում մարդկանց են խոշտանգում, տարածքներ հանձնում ձեզ չի՞ մտահոգում․ լրագրողը՝ գլխավոր դատախազին Հայաստանում համատարած է անհիմն կալանքների խնդիրը. կալանավորների մեծ մասը դատապարտյալ չէ. ՄԻՊ Հայաստանում Ֆրանսիայի դեսպան Օլիվիե Դըկոտինյին Հայոց ցեղասպանության տարելիցին նվիրված գրառում է արել