Թավշյա դատարանները քաղբանտարկյալ դարձրին Արմեն Աշոտյանին, այսօր շինծու գործով հերթական նիստն է. Զաքարյան

ՀՀ ՊՆ նախկին փոխնախարար Արտակ Զաքարյանը գրում է․ «Այսօր քաղբանտարկյալ Արմեն Աշոտյանի շինծու գործով հերթական դատական նիստն է: Տխմարագույն մի ֆարս, որտեղ ոչ ոք չգիտե, թե ո՞վ է տուժողը, երբ շահել է բժշկական համալսարանը:

Դատավոր կոչվածը պետք է դեմքին լրջություն տված` շարունակի կատարել իր թրքական քաղաքական պատվերը: Դատախազն իր թրքական կաշառքի վերածվող «պաշտոնն» արդարացնելու համար, պետք է շարունակի ձևացնել, իբրև պետական շահերն է պաշտպանում, երբ պետական որևէ շահ չի տուժել:

Լրագրողները բնականաբար կլուսաբանեն քաղաքական նպատակով իրականացվող դատական բալագանի հերթական արարը` կրկին արձանագրելով, որ Աշոտյանը քաղբանտարկյալ է:

Թավշյա հեղափոխության դատարանները վերածվել են դավաճանության ու կապիտուլյացվելու հանցակիցների: Հանցանք, որի էությունը նկարագրվում է որպես պետության կործանման դեմ ներքին դիմադրությունը կամ դրա փորձերը խեղդող գործողություններ: Նույնն է, թե ինչ-որ մեկն անընդհատ խոչընդոտի իր կյանքի համար պայքարող հիվանդի դիմադրողականությանը: Ես չգիտեմ, դատական ֆարսերի մասնակից պաշտոնյաները հասկանու՞մ են, որ իրենց սեփական ապօրինի գործողություններով նպաստում են իրենց ընտանիքների ու զավակների վաղվա հայրենազրկմանը:

Թավշյա դատարանները նպաստեցին իրական երկրապահ, գեներալ-լեյտենանտ Մանվել Գրիգորյանի և ճշմարտությունից խոսող պրոդյուսեր Արմեն Գրիգորյանի մահվանը: Թավշյա դատարանները քաղբանտարկյալ դարձրին Արմեն Աշոտյանին, Մամիկոն Ասլանյանին, Նարեկ Մալյանին և շատ այլ մարդկանց: Երկրի գլխին կախված օրհասական վտանգների, Արցախի կորստի և հայաթափման պահին` թավշյա դատարանները դատում վտանգներից խոսող հարյուրավոր ակտիվիստների: Թավշյա դատարանները կեղծ շոուներ են սարքում ՀՀ 2-րդ և 3-րդ նախագահների դեմ` կոտրելով օրհասական պահերին համազգային միասնության ու համախմբման իրական հավանականությունը:

Դատարանները վաղուց վերածվել են քաղաքական գործիքների: Իսկ դատական գործընթացի մասնակից դատավորները, դատախազները, քննիչներն ու փաստաբանները ևս ակամայից դարձել են Նիկոլի քաղբանտարկյալները: Այն դատավորները, ովքեր չեն կատարում կապիտուլյանտի քաղաքական պատվերները` պատժվում են «օրենքի ամբողջ խստությամբ»: Իսկ իշխող խունտայի կողմից իրականացվող թալանը, հայ ժողովրդի կեղեքումն ու հայկական պետության կործանումը շարունակվում է:

Ահա և ողջ արդարադատությունը»:

Այս թեմայով «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Այսօր երեկոյան տեղի կունենա մոմավառություն՝ ի հիշատակ Սոնա Մնացականյանի և նրա չծնված երեխայի Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել Երեկ աշխարհին ապացուցեցինք, որ կով չենք․ Արմեն Աշոտյան Էդ ո՞վ ա էդ Արմեն Գրիգորյանը, թող գա տեսնենք՝ ինչ անվտանգություն կա, թող գա ստեղ աշխատի. կիրանցեցի (տեսանյութ) Չեմ զարմանա, որ «անպաշտպան ու անմեղ թուրքերի դաժանաբար սպանության» մեղքը Նիկոլը բարդի հայ ժողովրդի վրա․ Արտակ Զաքարյան Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան Այսօր լրանում է Հայոց ցեղասպանության 109-րդ տարելիցը․ Ռոբերտ Քոչարյան Անկում տարադրամի շուկայում․ փոխարժեքն՝ այսօր Ֆրանսիան այսօր ոգեկոչում է 1915 թվականի Հայոց ցեղասպանության 109-րդ տարելիցը․ Մակրոն