Նախաձեռնությամբ հանրային հեռարձակողը կարող է ունենալ համապետական սփռմամբ առավելագույնը երկու տեսալսողական ծրագիր

«Տեսալսողական մեդիայի մասին» օրենքում փոփոխություն առաջարկողը «Քաղաքացիական պայմանագիր» խմբակցության պատգամավոր Սիսակ Գաբրիելյանն է: Նրա խոսքով «Հայաստանի Հանրային հեռուստաընկերություն» ՓԲԸ-ի կողմից մեկ տեսալսողական ծրագիր հեռարձակվում է միայն մայրաքաղաքային սփռում ունեցող տարածքում: Հեղինակն առաջարկում է, որ հանրային հեռարձակողն ունենա համապետական սփռմամբ առավելագույնը երկու տեսալսողական ծրագիր:

«Քանի որ Հանրային հեռուստաընկերության ֆինանսավորման հիմնական աղբյուրը ՀՀ պետական բյուջեն է, ուստի արդար կլինի, որ անկախ բնակության վայրից ՀՀ բոլոր քաղաքացիների համար հասանելի լինի իրենց կողմից վճարվող հեռուստաալիքի սփռումը»,- ընդգծել է հեղինակը:

Անցումային դրույթներով ամրագրվում է, որ օրենքն ուժի մեջ մտնելու պահին սլոթի օգտագործման համապատասխան լիցենզիա ունեցող Հանրային հեռարձակողին մայրաքաղաքային սփռում ապահովող սլոթը 30 օրվա ընթացում կփոխարինվի հանրապետական սփռում ապահովող սլոթով:

Առաջին ընթերցմամբ նախագիծը քննարկվել է Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի` մարտի 18-ի նիստում:

Հանձնաժողովի անդամ Հասմիկ Հակոբյանը բարձրաձայնել է Ֆինանսների նախարարության այն դիտարկումը, ըստ որի` նախագծի ընդունումը ՀՀ պետական բյուջեից կհանգեցնի 64.8 մլն դրամ լրացուցիչ ծախսերի անհրաժեշտության, սակայն ինչպես ՀՀ 2024 թվականի պետական բյուջեով, այնպես էլ ՀՀ 2024-2026 թվականների պետական միջնաժամկետ ծախսերի ծրագրով այդ նպատակով միջոցներ նախատեսված չեն: Պատգամավորը հետաքրքրվել է, թե արդյոք հեղինակը քննարկել է այդ հարցը:

Սիսակ Գաբրիելյանը նշել է, որ հարցը քննարկվել է գործադիրում եւ փոփոխությունը բյուջեից լրացուցիչ ծախսեր չի պահանջի: Հեղինակը հիշեցրել է, որ Հանրային հեռուստաընկերությունը ֆինանսավորվում է ոչ միայն ՀՀ պետբյուջեից, այլ նաեւ օրենքով չարգելված այլ եղանակներից: 

Հասմիկ Հակոբյանի բարձրաձայնած հարցին անդրադարձել է նաեւ նախագծի վերաբերյալ Կառավարության դրական դիրքորոշումը ներկայացնող ՀՀ բարձր տեխնոլոգիական արդյունաբերության նախարար Մխիթար Հայրապետյանը. «Թե' 2024 թվականի, եւ թե' 2025 թվականի պետական բյուջեով, ինչպես նաեւ 2025-2027 թվականներին միջնաժամկետ ծախսերի ծրագրերով նախատեսված չեն այս գումարները հատկացնել Հանրային հեռուստաընկերությանը: Սա նշանակում է, որ եթե բյուջեում փոփոխություններ չլինեն, ապա առնվազն մինչեւ 2026 թվականի հունվարի 1-ը Հանրային հեռուստաընկերությունը, եթե ցանկանում է սփռվել հանրապետական ծածկույթով, սեփական միջոցների վերաբաշխման արդյունքում պետք է կատարի իր ֆինանսական պարտավորությունները»:

Հարակից զեկուցող, պատգամավոր Հասմիկ Հակոբյանի խոսքով նախաձեռնության ընդունմամբ իրավական հիմքեր են ստեղծվում մայրաքաղաքային սփռում ունեցող Առաջին լրատվական ալիքը հասանելի դարձնելու ամբողջ հանրապետության համար: Պատգամավորի խոսքով ԱԺ աշխատակազմի փորձագիտական եւ վերլուծական վարչությունը նախագիծը ենթարկել է իրավական, ֆինանսատնտեսական եւ սոցիալական փորձաքննության ու չի հայտնաբերել խնդրահարույց եւ հակասող դրույթներ: Հասմիկ Հակոբյանն առաջարկել է կողմ քվեարկել նախաձեռնությանը:

««Տեսալսողական մեդիայի մասին» օրենքում փոփոխություն կատարելու մասին» օրինագիծն արժանացել է հանձնաժողովի հավանությանը:

Այս թեմայով Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ» 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան ՀՀ ցանկացած սմ հող կարող է հանձնվել բացառապես հանրաքվեով. Ռուբեն Մելիքյան (տեսանյութ) Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Ինձ համար Հայաստանի սահմանն այնտեղ է, որտեղ կարող է կանգնել հայ զինվորը. Բագրատ Սրբազան (տեսանյութ) Հնարավորության դռները հավերժ չեն կարող բաց մնալ. Էրդողանը սպառնացել է Հայաստանին