Բացահայտվել է թմրամիջոցների ապօրինի շրջանառությամբ զբաղվող հանցավոր խումբ, թմրամիջոցների պատրաստման լաբորատորիա

ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնի և ՀՀ ՆԳՆ ոստիկանության ծառայողների կողմից ձեռնարկված միջոցառումների արդյունքում բացահայտվել է թմրամիջոցների ապօրինի շրջանառությամբ զբաղվող հանցավոր խումբ, հայտնաբերվել է խմբի կողմից թմրամիջոցների պատրաստման գաղտնի լաբորատորիա:

Քննչական և ապացուցողական գործողություններով պարզվել են խմբի անդամների ինքնությունը, անհատականացվել նրանցից յուրաքանչյուրի գործողությունները:

Այսպես, ՀՀ ՆԳՆ ոստիկանության Վաղարշապատի բաժնում օպերատիվ տեղեկություններ են ստացվել՝ Արմավիրի մարզի բնակիչներ, 43 և 42-ամյա եղբայրների կողմից Արմավիրի մարզում և Երևան քաղաքում «Տելեգրամ» հավելվածի միջոցով «Մեթանֆետամին» և «Մարիխուանա» տեսակի թմրամիջոցներ տեղադրելու և իրացնելու վերաբերյալ։

Դեպքի արթիվ ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում, ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերի հատկանիշներով, նախաձեռնվել է քրեական վարույթ:

Քննությամբ պարզվել է, որ եղբայրներից մեկը, թմրամիջոցների ապօրինի շրջանառության նպատակով, ստեղծել և ղեկավարել է հանցավոր խումբ՝ դրանում ներգրավելով եղբորը, հորեղբորը և վերջինիս որդուն:

Խուզարկություններ են կատարվել վերոհիշյալ անձանց բնակության վայրերում, որի ընթացքում հայտնաբերվել է ընդհանուր 677,2 գրամ «Մարիխուանա» տեսակի թմրամիջոցի նմանվող զանգված, 8 տուփ «կանեփ» բույսի սերմերի նմանվող զանգված, թմրամիջոցների փաթեթավորման համար նախատեսված զիպ փականով փաթեթներ, ինքնակպչուն ժապավեններ և էլեկտրոնային կշեռք։

Հորղբոր` 31-ամյա որդու բնակության վայրում և oժանդակ շինություններում կատարված խուզարկությամբ հայտնաբերվել է կանեփի աճեցման համար անհրաժեշտ սարքավորումներով, օդափոխության և ոռոգման համակարգերով կահավորված լաբորատորիա, որտեղ առկա է եղել կանեփի 23 բույս: Հայտնաբերվել են նաև «Մակարով» տեսակի ատրճանակ, փամփուշտներ և «Մարիխուանա» տեսակի թմրմամիջոցի նմանվող զանգված:

Փաստի առթիվ, ՀՀ քրեական օրենսգրքի 335-րդ հոդվածի 1-ին մասի, 43-393-րդ հոդվածի 3-րդ մասի 2-րդ կետի, 396-րդ հոդվածի 3-րդ մասի, 404-րդ հոդվածի 1-ին մասի հատկանիշներով, նախաձեռնվել է նոր քրեական վարույթ, որը, օբյեկտիվ և բազմակողմանի քննություն կատարելու նպատակով, միացվել է վերոհիշյալ քրեական վարույթին:

Հայտնաբերված զանգվածների բաղադրությունը պարզելու նպատակով նշանակված փորձաքննության եզրակացության համաձայն՝ փորձաքննության ներկայացված փաթեթներից մեկի՝ կանաչադարչնավուն երանգի բուսական զանգվածը, 142,43 գրամ հաստատուն քաշով, տնայնագործական եղանակով պատրաստված «Մարիխուանա» տեսակի թմրամիջոց է: Պարզվել է, որ փորձաքննությանը ներկայացված փաթեթներում առկա են նաև «Կանեփ» ցեղի խոտաբույսեր:

Ձեռք բերված փաստերի հիման վրա եղբայրներից մեկին մեղադրանք է ներկայացվել՝ ՀՀ քրեական օրենգրքի 404-րդ հոդվածի 3-րդ մասով, 393-րդ հոդվածի 3-րդ մասի 1-ին և 2-րդ կետերով, 318-րդ հոդվածի 1-ին մասով և 335-րդ հոդվածի 1-ին մասով, իսկ մյուսին՝ ՀՀ քրեական օրենգրքի 404-րդ հոդվածի 3-րդ մասով, 393-րդ հոդվածի 3-րդ մասի 1-ին և 2-րդ կետերով, 318-րդ հոդվածի 1-ին մասով:

Նրանց հորեղբորը և վերջինիս 31-ամյա որդուն մեղադրանք է ներկայացվել՝ ՀՀ քրեական օրենսգրքի 404-րդ հոդվածի 3-րդ մասով, 393-րդ հոդվածի 3-րդ մասի 1-ին և 2-րդ կետերով, 319-րդ հոդվածի 1-ին մասով:

ՀՀ քննչական կոմիտեի Վաղարշապատի քննչական բաժնի ծառայողների կողմից ձեռնարկված միջոցառումներով պարզվել է նաև թմրամիջոց ձեռք բերած անձի ինքնությունը, ով Արարատի մարզի բնակիչ է: Վերջինս ձերբակալվել և տեղափոխվել է ոստիկանության Վաղարշապատի բաժին և ներկայացվել վարույթն իրականացնող մարմնին:

Վերոնշյալ չորս մեղադրյալների նկատմամբ կալանքը որպես խափանման միջոց կիրառելու մասին միջնորդություններ են ներկայացվել դատարան, որոնք բավարարվել են։

Նախաքննությունը շարունակվում է: Ձեռնարկվում են միջոցառումներ՝ հանցավոր խմբում ընդգրկված հնարավոր այլ անձանց առկայությունը, ինչպես նաև՝ թմրամիջոցներ ձեռք բերած անձանց ինքնությունը պարզելու ուղղությամբ:

Ոստիկանության համապատասխան ստորաբաժանմանը տրվել են օպերատիվ-հետախուզական միջոցառումներ իրականցնելու վերաբերևյալ հանձնարարություններ:

Այս թեմայով Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Սա հող հանձնել է նշանակում, ժողովուրդը պետք է զարթնի և ոչ ասի Տավուշի ապօրինի գործընթացին (տեսանյութ) Սակրավորների նոր խումբ եկավ Ոսկեպարի Եկեղեցու տարածք. ցուցարարները փորձում են կանխել ականազերծումը (տեսանյութ) Ինչպես են երկրապահի Ուազը վարում ապօրինի սահամանազատման դեմ բողոքող քաղաքացիների ուղղությամբ (տեսանյութ) Տավուշի մարզում մի խումբ բնակիչներ կրկին փակել են միջպետական ճանապարհի Կիրանց-Ոսկեպար հատվածը ՀՀ ՊՆ N զորամաս են այցելել Երևանի պետական համալսարանի մի խումբ դասախոսներ Արարատում ապօրինի ընդերքօգտագործման հետևանքով պատճառված 13 մլն 736 հազար դրամի վնասը վերականգնվել է Հանրային գործունեությամբ զբաղվող կանայք առավել շատ են ենթարկվում առցանց հարձակումների. ՄԻՊ Մանկապարտեզում այսուհետ երկարօրյա խումբ կբացվի նույնիսկ մեկ երեխայի համար Բացահայտվել է ընդհանուր ավելի քան 13 կգ «Հերոին», «Մեթամֆետամին» և «Մարիխուանա» տեսակի թմրամիջոցների մաքսանենգության դեպք