Իշխանության եկած նախկին լրագրողները փորձում են ճնշել ազատ մամուլը

Գործող իշխանության բազմաթիվ ներկայացուցիչներ կամ նախկինում իրենք էին զբաղվում լրագրողական գործունեությամբ, այլ կերպ ասած՝ լրատվական դաշտի ներկայացուցիչ էին, կամ լինելով քաղաքացիական ակտիվիստ՝ ներգրավված էին լրագրողների դեմ բռնությունների դեմ պայքարի մեջ: Սակայն, իրավիճակը կտրուկ փոխվեց այն բանից հետո, երբ այդ նույն մարդիկ դարձան պաշտոնյա՝ մոռանալով իրենց անցյալը և իրենց գործընկերների ոտնահարվող իրավունքները: Այսօր լրագրողների դեմ ֆիզիկական բռնություն կիրառողները, վերջիններիս հետ ոչ վայելուչ բառապաշար կիրառողները հենց իրենք են:

Դիցուք՝ ԱԺ պատգամավոր Անդրանիկ Քոչարյանն աչքի է ընկնում լրագրողների հանդեպ իր մեծ սիրով:

ՔՊ-ական մեկ այլ պատգամավոր Քրիստինե Պողոսյանն ընդհանրապես պատրաստվում էր հարվածել իր աշխատանքային պարտականությունները կատարող լրագրողին՝ նման վարքագիծը համեմելով սպառնալիքներով։

Բացի այդ, հեղափոխությունից հետո իշխող թիմը ձեւավորեց հանձնաժողով, որը պետք է զբաղվեր ատելության խոսքի դեմ օրենսդրական փոփոխություններով: Պարզ էր, որ ատելության խոսքի անվան տակ իշխող թիմը կարող է շատ հեռուն գնալ ու ոչ ցանկալի լրատվամիջոցների դեմ սանկցիաներ կիրառել: 

Դրանից հետո «Իմ քայլը» խմբակցության մի խումբ պատգամավորներ առաջարկել էին «Զանգվածային լրատվության մասին» օրենքում փոփոխություններ կատարել անանուն աղբյուրներին հղում անելը արգելելու նպատակով: Այդ նախագծով առաջարկվում է «ԶԼՄ մասին» օրենքի 3-րդ հոդվածը լրացնել նոր դրույթներով, որոնց համաձայն՝ կհստակեցնեն մի շարք հասկացություններ, այդ թվում` անանուն աղբյուրը: Նախ՝ արձանագրենք, որ աշխարհում նույնիսկ զարգացած երկրները չեն գտել բանաձևը՝ որոշելու՝ լրատվություն տարածողներից որն է լրատվամիջոցը, որն է բլոգը կամ սոցցանցով տարածված լուրը։ Հիմա հայրենի խորհրդարանում հայտնվել են մարդիկ, որ մարտահրավեր են նետում աշխարհին։ Իհարկե, հասկանալի է, որ օրենքի փոփոխության նպատակը տարբեր «Տելեգրամ» ալիքների կողմից Նիկոլ Փաշինյանի ընտանիքի մասին անցանկալի հրապարակումների դեմ պայքարն է։

Մեկ այլ դրվագ: «Քաղաքացիական պայմանագիր» խմբակցության պատգամավորներ Արթուր Հովհաննիսյանն ու Լիլիթ Մինասյանն են «գլուխգործոց» նախագծի հեղինակը, ըստ որի՝ պետական գերատեսչությունները կարող են որոշել՝ լրատվամիջոցը ներկայացնող լրագրողներից ով կարող է հավատարմագրվել պետական կառույցում, ով՝ ոչ: Ավելին՝ ցանկացած պահի հղում անելով կարգապահական ինչ-ինչ դրույթների՝ կարող են դադարեցնել լրագրողի հավատարմագրումը: 

Բացի այդ, իշխող քաղաքական թիմը դատարաններում էլ է տեռոր սկսել լրատվական կայքերի դեմ:  «Քաղաքացիական պայմանագիր» կուսակցությունն 2023 թվականի ապրիլի 25-ին 5 հայցադիմում է ներկայացրել դատարան՝ «զրպարտություն հանդիսացող տվյալները» հերքելու և փոխհատուցում վճարելու պահանջով: «Դատալեքս» դատական տեղեկատվական համակարգից տեղեկանում ենք, որ դատական հայց է ներկվայացվել հետևյալ լրատվամիջոցների դեմ՝ «Հայելի» ակումբ, «24 նյուզ», «Նյուզ էյ էմ», «168 ժամ»:

Այս թեմայով Էդգար Ղազարյանն ազատ արձակվեց Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան «Մարտական եղբայրություն» միաբանության 6 անդամներ ազատ են արձակվել, Արման Պետրոսյանը կալանավորվել է «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ Իշխանության՝ խնդիրները լսելու կամքը բավարար չէ դրանք լուծելու համար, բռնություններ չպիտի լինեն․ ՄԻՊ Ով փորձում է ջնջել պատմական մեր հիշողությունը, անիծյալ պիտի լինի նրա ու նրա ընտանիքի անունն ու հիշատակը հավիտենապես. Արշակ արքեպիսկոպոս Խաչատրյան Ծիծեռնակաբերդի հուշահամալիր մուտքը բաց կլինի 09:30-ից. իշխանության այցը արարողակարգային է լինելու Էդ Երկրապահ կոչեցյալը երկրորդ անգամ ա մարդկանց վրաերթի ենթարկում ու ազատ ման ա գալիս. Դանիելյան (տեսանյութ) Իշխանության ներկայացուցիչները արդեն իսկ անթաքույց սկսել են առաջ մղել թուրքական ժխտողական մոտեցումները. ՀՅԴ Բյուրո «Հրապարակ». Իշխանությունը փորձում է պառակտել շարժումը