Հայաստանի կառավարությունը մեզ վստահեցրել է, որ Արևմուտքի հետ մերձեցումը մեր դեմ ուղղված չէ. ՀՀ–ում Իրանի դեսպան

Իրանը կողջունի ցանկացած գործողություն տարածաշրջանում, որը կնպաստի լարվածության նվազեցմանը, ինչպես նաև խաղաղության հաստատմանը։ Այս մասին այսօր՝ մարտի 22–ին NEWS.am–ի հետ զրույցում ասել է Հայաստանում ԻԻՀ դեսպան Մեհդի Սոբհանին՝ անդրադառնալով ՆԱՏՕ–ի գլխավոր քարտուղար Յենս Ստոլտենբերգի տարածաշրջանային այցին։

«Իսկ ցանկացած գործողություն, որը կարող է հանգեցնել լարվածության աճին, և տարածաշրջանային հարաբերություններում խնդիրներ առաջացնել, մեզ համար անընդունելի է։ Թույլ տվեք յուրաքանչյուր ձեռնարկված քայլ մենք իր արդյունքներով գնահատենք։ Եթե այդ քայլը կհանգեցնի խաղաղության հաստատմանը և հարաբերությունների զարգացմանն ու ամրապնդմանը, բնականաբար, կողջունենք այն։ Իսկ այն քայլերը, որոնք կարող են լարվածություն առաջացնել, ինչի հետեւանքով Հայաստանի և իր հարևան պետությունների միջեւ հարաբերությունները կթուլանան, ես ձեզանից եմ հարցնում՝ դուք կընդունե՞ք նման գործողությունը»,– ասաց դեսպանը։

Մեր ճշտող հարցին՝ արդյոք, ըստ Թեհրանի, կան այդպիսի արտաքին ուժեր, որոնք փորձում են նման ազդեցություն ունենալ, դեսպանը պատասխանեց. «Պետք է տեսնենք, թե արդյունքներն ինչպիսին կլինեն, այսինքն՝ Իրանի և Հայաստանի, և ընդհանրապես տարածաշրջանում տիրող հարաբերություններն ինչպես կլինեն։ Եթե ՆԱՏՕ-ի քարտուղարը գա ու գնա, 2-3 օր հետո այստեղ մտահոգությունները պատերազմի վերաբերյալ աճեն, դա դրակա՞ն կլինի ձեզ համար»։ 

Նիկոլ Փաշինյանը ՆԱՏՕ–ի գլխավոր քարտուղարի հետ հանդիպմանը հայտարարել էր, որ ՆԱՏՕ–ի հետ մերձեցումը ուղղված չէ տարածաշրջանի որեւէ երկրի դեմ։ Դեսպանի խոսքով՝ Թեհրանը Երևանից ստացել է նման հավաստիացումներ։

«Այո, Հայաստանի Հանրապետության կառավարությունը և՛ ՆԱՏՕ-ի հետ, և՛ ԵՄ դիտորդների հետ կապված մեզ վստահեցրել է, որ այդ համագործակցությունները Իրանի դեմ չեն։ Կասկած չունենք, որ Հայաստանի Հանրապետության կառավարությունն այդ ուղով է գնալու։ Տեսնենք՝ նրանք արդյո՞ք այդպես կվարվեն, թե՞ ոչ»,– ասաց դեսպանը։

Դեսպան Մեհդի Սոբհանին նշեց, որ Թեհրանի կարծիքով՝ արտաքին միջամտությունները պատճառ են դառնում տարածաշրջանում վտանգների ավելացմանը։

Մանրամասները՝ սկզբնաղբյուր կայքում։

Այս թեմայով Հյուսիսային Կորեան պատվիրակություն է ուղարկել Իրան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Իրանում հրապարակել են Իսրայելի վրա հարձակման ժամանակ ԱԹՍ–ների և հրթիռների արձակման կադրերը (տեսանյութ)