«Հայրենասիրություն խաղալու և փող աշխատելու այլ տեղ գտեք»․ Թաթուլ Հակոբյան

Լրագրող Թաթուլ Հակոբյանը ֆեյսբուքի իր էջում գրում է․ 

«2016-ի այս օրը Ադրբեջանը սկսեց մինի-պատերազմ և հասավ որոշակի հաջողությունների՝ ծանր զոհերի գնով: Ցավալի կորուստներ ու թանկագին զոհեր տվեց նաև հայկական կողմը:

Չթերագնահատելով Հայկական բանակի անձնազոհությունը, պիտի հասկանանք նաև, որ Ռուսաստանը կանգնեցրեց պատերազմը, որպեսզի հավանաբար Հայաստանը համաձայնվի Լավրովի պլանի հետ:

2016-ի ապրիլյանից հետո Սերժ Սարգսյանը հորդորեց մեզ համաձայնել յոթ շրջանների հանձնմանը, մենք չհամաձայնեցինք, հետագայում խոստովանեց Արցախի ԱԺ նախագահը:

Ասել է՝ Կարս-Կարսի փոխարեն Շուշի-Շուշի, Ստեփանակերտ-Ստեփանակերտ ենք երգելու, եթե չգնանք զիջումների ու փոխզիջումների:

Ինքը՝ Սերժը, հետագայում պիտի Բի ԲԻ Սիին ասեր, թե իբր պատրաստ է եղել դավաճանի պիտակը կրել, բայց լուծում բերեր Լեռնային Ղարաբաղին:

Այս ամենը քաղաքական առումով արժեք չունեն, քանի որ պարտությունից հետո խոստովանություններ ու արդարացումներ են հանցավոր անգործության մասին:

Արմատը տանում է 1997-1998-ի հանցավոր հեղաշրջում, որի դավադիր նախապատրաստողներին և իրագործողներին գիտենք անուն առ անուն, որոնք կանգնելու են Հայոց պատմության պատասխանատվության պատի տակ:

Կանգնելու են նաև 2020-ի պարտության մեղավորներն ու պատասխանատուները:

Այսօր Հայաստանն է կանգնած նոր վտանգների առաջ:

Սթափություն և իմաստություն՝ Արցախի ժողովրդի վերջին ողբերգության հաշվին փողի ինդուստրիա մտմտող անբարոյականության փոխարեն:

Նրանք, ովքեր ասում էին Արցախի հարց չկա, Արցախի հարցը լուծվել է, հենց նրանք են լծվել այդ անբարոյականության կառքին:

Հայրենասիրություն խաղալու և փող աշխատելու այլ տեղ գտեք, հատկապես, երբ վտանգված է Հայաստանի ապագան, այնպես, ինչպես ժամանակին վտանգված էր Արցախի ապագան, բայց դուք հարցը լուծված էիք համարում»:

Այս թեմայով Ի՞նչ է ուզում ԱԺԲ-ն. Փաշինյանի ամերիկյան տերերը դժգո՞հ են նրանից. «Հրապարակ» Աննա Հակոբյանը Գյումրի կատարած այցից լուսանկարներ է հրապարակել Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Ինչպես է Աննա Հակոբյանն արձագանքում լրագրողի՝ Արցախի մասին հարցին (տեսանյութ) Մեծ քաղաքականությունն ու փոքրիկ Արփի Փաշինյանը Եթե գնայինք Տավուշ, սաղին ծեծելու էինք, ստրուկների շրջանն է եկել, չկա հայրենասիրություն Պաշտոնական բան չեմ կարա ասեմ, խնդրում եմ, եկել եմ՝ լսեմ բնակիչներին. փոխոստիկանապետ Կարեն Հակոբյան (տեսանյութ) «Հանրապետական» կուսակցությունը այցելել է ազգային հերոս Թաթուլ Կրպեյանի շիրիմին Այսօր, առավել քան երբևէ, մեզ պակասում են Թաթուլ Կրպեյանի նման հերոսները․ Աբրահամյան «Խորհրդավոր» ընթրիքի ստորգետնյա քարերը. ովքեր չեն մասնակցել Աննա Հակոբյանի հավաքին