Սի Ծինփինը նշել է Չինաստանի և ԱՄՆ-ի հարաբերություններում «կարմիր գիծը»
Աշխարհ![Սի Ծինփինը նշել է Չինաստանի և ԱՄՆ-ի հարաբերություններում «կարմիր գիծը»](/timthumb.php?src=disc/02-04-24/7a72a94368402213d39aa07cb8f61236.jpg&w=780)
Չինաստանի նախագահ Սի Ծինփինը ԱՄՆ նախագահ Ջո Բայդենի հետ հեռախոսազրույցի ժամանակ ասել է, որ Թայվանի հարցը երկու երկրների հարաբերություններում «կարմիր գիծ» է։ Այս մասին հայտնում է «ՌԻԱ Նովոստի»-ն։
Չինաստանի ղեկավարի խոսքով՝ այդ գիծը «չի կարելի հատել»։
«Մենք աչք չենք փակի Թայվանի անկախության կողմնակից ուժերի անջատողական գործունեության և արտաքին ուժերի կողմից (այդ ուժերի) աջակցության վրա»,- ասել է նա։
Սի Ծինփինը հույս է հայտնել, որ ԱՄՆ-ն կիրականացնի Բայդենի հայտարարությունը՝ «Թայվանի անկախությանը» չաջակցելու մասին։
![](banners/armflix.jpg)