Վարկային համաձայնագրով նախատեսվող ծրագիրը կֆինանսավորվի 60 մլն 90 հզր եվրոյի չափով

2023 թվականի նոյեմբերի 27-ին ստորագրված «Հայաստանի Հանրապետության եւ Ասիական զարգացման բանկի միջեւ «Երեւանի քաղաքային զարգացման ներդրումային ծրագիր»» վարկային համաձայնագրով Ասիական զարգացման բանկը (ԱԶԲ) համաձայնում է ԱԶԲ-ի սովորական կապիտալ միջոցներից մեր երկրին տրամադրել 60 մլն 90 հզր եվրոյի չափով վարկ: Վարկի ժամկետը 27 տարի է, մարման ժամկետը՝ 17: Նախատեսված է 10 տարի արտոնյալ ժամկետ: Վարկի տոկոսագումարը 6-ամսյա EURIBOR է՝ լողացող + 0.8 տոկոս մարժայով, պարտավորության վճարը՝ տարեկան 0.15 տոկոս դրույքաչափ:

ԱԺ հերթական նիստում համաձայնագրի վավերացման հարցը ներկայացնելիս ՀՀ տարածքային կառավարման եւ ենթակառուցվածքների նախարարի տեղակալ Քրիստինե Ղալեչյանը տեղեկացրել է, որ համաձայնագրի շրջանակում կառուցվելու է Իսակով-Արշակունյաց ճանապարհահատվածը, որը միմյանց կկապի Երեւանի մի քանի վարչական շրջաններ: Հրազդան գետի վրա կառուցվելու է 269 մ երկարությամբ երկաթբետոնե հեծաններով կամուրջ: Նախատեսվում են հետիոտնային գետնանցումներ՝ շարժունակության խանգարում ունեցող անձանց համար համընդհանուր հասանելիությամբ, ճանապարհային անվտանգության ենթակառուցվածքներ, հարակից ջրահեռացման համակարգեր, դիմակայության շեշտադրումով կանաչապատում, նաեւ՝ Կոմիտասի անվան զբոսայգու բարեկարգում:

Միջանկյալ երկրորդ արդյունքի շրջանակում նախատեսվում է իրականացնել նաեւ Թբիլիսյան խճուղի-Եղվարդի խճուղի ճանապարհահատվածի, ինչպես նաեւ «Զվարթնոց» միջազգային օդանավակայանի այլընտրանքային ճանապարհի կառուցման տեխնիկատնտեսական ուսումնասիրությունները, որոնք կֆինանսավորվեն ԱԶԲ-ի տեխնիկական աջակցությամբ՝ շուրջ 700,000 ԱՄՆ դոլարի չափով:

Հարցի քննարկումը կշարունակվի ապրիլի 10-ի նիստում:

Այս թեմայով ԱԶԲ ներկայացուցիչների հետ քննարկվել են Հյուսիս-հարավի՝ հարավային հատվածում նախատեսվող ծրագրերը Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան «Ручной» ռեժիմով փորձել ենք կարգավորել խնդիրը, թե չէ էլի կձգձգվի «Ինժեներական քաղաք»-ի ծրագիրը Կարթագենը պետք է կործանվի. ոնց ֆռում եք, էս կառավարության գնալուց եք խոսում, մեր ծրագիրը պատմական է Կանցկացվի «Հիշողության գնացք» կրթամշակութային ծրագիրը Մեկնարկել է ««Կծեգ» Արցախի բարբառների հանրահռչակում» ծրագիրը ԵՄ-ն հանդես կգա «2024-2027 թվականների համար Հայաստանի դիմակայունության և աճի»՝ 270 միլիոն եվրոյի ծրագրով «Արևմուտքի՝ «չկա Արցախյան հարց, չկա ռուսական ներկայություն» ծրագիրը թևակոխում է իր վերջին փուլը». «Փաստ» ««Թատերական շաբաթ» ծրագիրը ոգևորել է երեխաներին և թատերական հանրությանը». Դանիել Դանիելյան Հաստատվել է Երևանի պետական համալսարանի ներկայացրած 30 կրեդիտի միջոցով մանկավարժի հավաստագրման ծրագիրը