Կարո՞ղ եք լոգանք ընդունել, եթե ջերմություն ունեք. Պարզաբանում է բժիշկը

Բժշկական գիտությունների թեկնածու, «Հեմոտեստ» լաբորատորիայի բժշկական փորձագետ Օլգա Ուլանկինան Life-ին տված հարցազրույցում բացատրել է, թե ինչպես պահպանել հիգիենան, երբ մարմնի ջերմաստիճանը բարձր է։ Նա զգուշացրել է, որ հիվանդ ժամանակ ցնցուղ կամ լոգանք ընդունելը ոչ միայն դժվար է, այլև վտանգավոր։

Նրա խոսքով՝ եթե մարմնի ջերմաստիճանը 38 °C-ից բարձր է, տաք ջուրը կարող է էլ ավելի բարձր ջերմություն առաջացնել, ինչպես նաև մեծացնել սրտի ծանրաբեռնվածությունը։ Բացի այդ, հիվանդությունից թուլացած մարդը ցնցուղի ժամանակ կարող է գլխապտույտ զգալ: Պետք չէ նաև սառը ջրով փորձել իջեցնել ջերմաստիճանը, նշել է մասնագետը։

«Նման էքստրեմալ ընթացակարգից հետո կարող են սկսվել ուժեղ ցրտեր և ցնցումներ: Մարմնի ջերմաստիճանը նախ կտրուկ կնվազի, որից հետո ջերմաչափի ցուցանիշները կարող են նորից սկսել բարձրանալ: Նման ալիքները հատկապես վտանգավոր են հիպերտոնիայով, սրտի կորոնար հիվանդություններով, ասթմայով և այլ քրոնիկական հիվանդություններ ունեցող մարդկանց համար», - բացատրել է Ուլանկինան:

Հիգիենայի պահպանման համար բժիշկը խորհուրդ տվեց արագորեն լվանալ մարմինը տաք ջրով և ուշադիր շփել սրբիչով: Ջերմության դեպքում պետք չէ լոգարանում անցկացնել 10 րոպեից ավելի, եզրափակեց մասնագետը։

Թարգմանությունը՝ Lurer.com-ի