Ադրբեջանում խուճապ է. Արցախ այցելած Թուլսի Գաբբարդը նշանակվեց ԱՄՆ ազգային հետախուզության տնօրեն (տեսանյութ)

Բաքվի վայնասունը չտվեց իր ցանկալի արդյունքը. Արցախ այցելած և դրա համար Ադրբեջանի «սև ցուցակում» հայտնված Թուլսի Գաբբարդը նշանակվել է ԱՄՆ ազգային հետախուզության տնօրենի պաշտոնում: Սենատը հաստատել է 43-ամյա նախկին կոնգրեսականի թեկնածությունը ձայների 52 կողմ, 48 դեմ հարաբերակցությամբ: Ավելի վաղ ադրբեջանական լրատվամիջոցները տեղեկատվական գրոհ էին սկսել Գաբբարդի դեմ՝ մեծ հրճվանքով լուսաբանելով Սենատի հետախուզության հանձնաժողովի կողմից Գաբբարդի հարցաքննությունը:

43-ամյա Թուլսի Գաբբարդը իրաքյան պատերազմի վետերան է, ունի փոխգնդապետի զինվորական կոչում: Նա հայտնի է ամերիկահայ կազմակերպությունների հետ իր ակտիվ կապերով: 2017 թ. սեպտեմբերին նա ամերիկացի կոնգրեսականների պատվիրակության կազմում այցելել էր Արցախ:

Մանրամասները՝ տեսանյութում:

Հեղինակ՝ Արամ Սարգսյան