ՏՄՊՊՀ–ն կախվում է փրփուրներից իր հանցավոր անգործությունը բացատրելու համար. Սուրեն Պարսյան

Օլիգարխիայի հետ սերտաճած մրցակցության հանձնաժողովը հերթական անգամ կախվում է փրփուրներից իր հանցավոր անգործությունը բացատրելու համար։ Այս մասին իր հոդվածում գրել է ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանն՝ նկատի ունենալով Տնտեսական մրցակցության պաշտպանության պետական հանձնաժողովին։

Նա, մասնավորապես, նշել է.

«Փաստորեն, հուլիսին շաքարավազի արհեստական պակասորդը եւ բարձրացող գները բոլորն են տեսել, բացի մրցակցության հանձնաժողովի ղեկավարությունից։ Հայաստանի Հանրապետության իրավական տեղեկատվական համակարգում՝ arlis.am, մրցակցության մասին հին օրենսդրությունը դեռեւս գործում է, եւ առհասարակ նույն արհեստական պակասորդի մասին դրույթը կա նաեւ ընդամենը մեկ ամիս ուժի մեջ մտած օրենսդրության մեջ, որի ենթաօրենսդրական ակտերը չեն մշակվել, հետեւաբար գերիշխող դիրքի չարաշահման բացահայտման, գնահատման եւ պատժման մեթոդաբանությունը մնացել է նույնը։

Ցավում եմ, որ հանձնաժողովի որոշ աշխատակիցներ չգիտեն, որ շուկայի վրա ազդեցությունը միայն մասնաբաժնով չի որոշվում։ Կեսօրին աշխատանքի եկող կամ աշխատանքի ժամերին փաբերում, կաֆեներում ժամանակ անցկացնող պաշտոնյաները ուշ թե շուտ պատասխան են տալու իրենց անգործության համար։ Առողջ եղեք»։

Ավելի վաղ, Սուրեն Պարսյանը ֆեյսբուքյան իր էջում գրել էր, որ ՏՄՊՊՀ–ն մոլորեցնում է հայ սպառողներին, հայտարարելով, թե հանձնաժողովն իր ուսումնասիրության արդյունքում հանգել է, որ բավարար քանակությամբ շաքարավազ կա շուկայում եւ որոշ սուպերմարկետներ, խանութներ արհեստական պակասորդ (սահմանափակումներ) չեն ունեցել, իսկ գները չեն բարձրացել։

Այս թեմայով «Ժողովուրդ». ՏՄՊՊՀ նախագահի կինը 25 հազար դոլար նվիրատվություն է ստացել. ինչ ունեցվածք ունի ՏՄՊՊՀ-ում փորձագետն աշխատանքի չի եկել, իսկ աշխատավարձը՝ 3,9 մլն դրամը, յուրացրել է վարչության պետը Գեղամ Գևորգյանը սաբոտաժի է ենթարկում Նիկոլ Փաշինյանի հանձնարարականները «Նախկինների» և հեղափոխականների հաջող «համագործակցությունը» շարունակվո՞ւմ է «Հրապարակ». Արտառոց միջադեպ՝ ՏՄՊՊՀ-ում ՏՄՊՊՀ նախագահը «փրկում» է Փաշինյանին և Ավանեսյանին Շաքարավազի շուկայում պակասուրդ առկա չէ. ՏՄՊՊՀ ՏՄՊՊՀ-ի անունը կփոխվի․ նոր խմբագրությամբ օրենքն ուժի մեջ մտավ ՏՄՊՊՀ նախագահը ԱՊՀ-ում ներկայացրել է մրցակցային քաղաքականության ոլորտի մասին զեկույց ՏՄՊՊՀ-ն հրապարակել է դեղերի շրջանառության ոլորտում իրականացված ուսումնասիրությունը