Երբ ՀՀ-ն չունի հստակ պահանջներ, Բաքուն կշարունակի սադրել, միջազգային հանրությունը՝ հավասարության նշան դնել. Պողոսյան

«Արցախի վերջին դեպքերի հիմնական պատճառն այն է, որ թուրք-ադրբեջանական շահերը սպասարկող ՀՀ իշխանությունները չունեն հստակ դիրքորոշում և պետական ինստիտուտների մակարդակով ձևակերպված հստակ պահանջներ թե՛ Ադրբեջանին, թե՛ միջազգային հանրությանը»:

Անդրադառնալով Արցախում գրանցված վերջին էսկալացիային՝ ԼՈՒՐԵՐ.com-ի հետ զրույցում նշեց ԱԺ նախկին պատգամավոր, «Մարդկային զարգացման միջազգային կենտրոն» ՀԿ նախագահ Թևան Պողոսյանը:

Նրա պնդմամբ, մինչև ՀՀ-ն չձևակերպի հստակ պահանջներ, Ադրբեջանը շարունակելու է սադրանքները:

«Ադրբեջանը մեր թշնամին է, չէ՞... Բնական է, որ պիտի ստեղծված իրավիճակի համար Բաքուն մեղադրի հայկական կողմին: Ավելին, Ադրբեջանը կշարունակի լկտի պահվածքը, չկատարել պարտավորությունները, չվերադարձնել գերիներին, դիրքավորվել այնտեղ, որտեղ ցանկանում է, կրակել՝ երբ ուզում է: Առհասարակ խելամիտ չէ այլևս մեկնաբանել ադրբեջանական կողմի տեսակետները...», - մեզ հետ զրույցում ասաց քաղաքական գործիչը:

Նրա պնդմամբ, պահանջատեր պետք է լինի նաև հասարակությունն ու չորրորդ իշխանությունը՝ լրագրողական համայնքը, երբ միջազգային հանրությունը, ԵՄ-ն, Վաշինգտոնն ու այլ ուժային կենտրոններ հավասարության նշան են դնում և կողմերին հավասարապես կոչ անում դադարեցնել ուժի կիրառումը:

«Երեկ արցախցիները գնացել են և իրենց հստակ պահանջը ներկայացրել ռուսական խաղաղապահ զորախմբի ներկայացուցիչներին, իսկ ի՚նչ ենք անում մենք այստեղ, Հայաստանում: Երեկ ՀՀ ԱԳՆ-ն ինչ-որ լղոզված հայտարարություն արեց, թե հայկական կողմը հարյուր տոկոսով կատարել է նոյեմբերի 9-ի պահանջները, ՊՆ-ն էլ հայտարարեց, թե հայ-ադրբեջանական սահմանին խաղաղ իրադրություն է: Էլ ի՞նչ ենք պահանջում, թող միանգամից ասեն՝ նոյեմբերի 9-ի փաստաթուղթ չկա...»,- ընդգծեց Պողոսյանը:

Արա Ալոյան

Այս թեմայով Միայն բարձր ու ոչ նյութական արժեքների վրա է հնարավոր երկիր ու հանրություն կառուցել․ քաղաքագետ Ստեփան Դանիելյան «Պետք է վաղուց հասկացած լինեինք, որ որևէ փաստաթուղթ որևէ խնդրի երաշխիք չի տալիս»․ Թևան Պողոսյան Վրաստանին չհաջողվեց ՆԱՏՕ-ի անդամ դառնալ, Հայաստանին ինչպե՞ս կհաջողվի․ Թևան Պողոսյան Թևան Պողոսյանը կոչով դիմել է Երևանի քաղաքապետի բոլոր 14 թեկնածուներին Ակցիաները պետք է շատանան․ մենք հակահայկական դիրքորոշում չենք ընդունելու․ դա պետք է աշխարհը հասկանա․ Թևան Պողոսյան Բրիտանական քաղաքականության և շահերի մասին իրական պատկերն ամբողջովին պարզ դարձավ․ Թևան Պողոսյան «Ցավոք, պառակտումը շատ ավելի խորն է դառնում ամեն օր»․ Թևան Պողոսյան «Մի բան արեք, թեկուզ նախաձեռնեք Արցախի հանրապետության ճանաչման գործընթացը, խառնեք խաղաքարտերը, գիտակցված բանակցող փոխեք…». Թևան Պողոսյան 876 օր ունենք գործ անելու համար. Թևան Պողոսյան ‹‹Մեկ ամսում երեխա չի ծնվում››. Թևան Պողոսյանը՝ ընդդիմության հաջողությունների մասին