Ուր են և ինչու են լռում Հայաստանի խոշոր գործարարներն ու պաշտոնյաները. մաս 5. Վարդան Այվազյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Դիցուք՝ Վարդան Այվազյանը երկար տարիներ եղել է ԱԺ պատգամավոր, բնապահպանության նախարար: Սակայն, պաշտոնյա լինելով հանդերձ, նա այս տարիների ընթացքում փաստացի հարստացել է հայաստանյան հանքերից ստացված եկամուտների հաշվին: Նրա որդու ղեկավարած Սուրարտ ՍՊԸ-ն հանքերի շահագործման լիցենզիաներ էր ստացել Լոռու, Սյունիքի, Կոտայքի և Արարատի մարզերում: Այվազյանը առանձնահատուկ սեր ուներ հատկապես ոսկու, պղնձի, մոլիբդենի եւ երկաթի հանքավայրերի նկատմամբ:

Ժամանակին Վարդան Այվազյանը հայտարարում էր, որ դատապարտում է ցանկացած տիպի բռնություն հայի նկատմամբ: Հայ-թուրքական արձանագրությունները հետ կանչելուց հետո Այվազյանը հպարտորեն հայտարարում էր, որ հայաստանյան իշխանությունները ընդառաջ չգնացին և մնացին հավատարիմ քաղաքական կուրսին, չհրաժարվեցին Հայոց ցեղասպանության միջազգային ճանաչման արշավից:

Երկու տարի առաջ, պատերազմից հետո Վարդան Այվազյանը Նիկոլ Փաշինյանի հրաժարականը պահանջող ցուցարարների շարքում էր և հայտարարում էր, որ տարածքների կորուստը շարունակվում է և այդ պրոցեսը պետք է կանգնեցվի։

Այնուհետև նա հայտարարում էր, որ մենք գնում ենք դեպի անդունդ։

Իսկ ի՞նչ է փոխվել այսօր, միթե՞ այսօր անդունդն ավելի մոտ չէ, քան երկու տարի առաջ: Բայց արի ու տես, որ տասնյակ տարիներ շարունակ ՀՀ ընդերքի հաշվին հարստացած նախկին պատգամավորն ու նախարարը անցել է ընդհատակ և զլանում է անգամ քաղաքացիական դիրքորոշում արտահայտել՝ Արցախում ստեղծված աղետալի իրավիճակի վերաբերյալ: Իհարկե, նրա գլուխն էլ է խառը և ինչպես ասում են՝ Արցախի ժամանակը չունի: Հիշեցնենք, որ 2020-ին Վարդան Այվազյանին կարճ ժամանակով ազատությունից զրկել էին այն պատճառով, թե իբր վերջինս կազմակերպել է 2020 թվականի նոյեմբերի 9-ի զանգվածային բողոքի ակցիան եւ կազմակերպել է իշխանության յուրացումը: Այնուհետև վերջինս ազատ է արձակվել, սակայն դրանից հետո կորել է հասարակական-քաղաքական դաշտի ռադարներից:

Այս թեմայով Կայացել է երջանկահիշատակ Վարդան Դևրիկյանի վերջին գրքի շնորհանդեսը (տեսանյութ) 450 թ․ Վարդան Մամիկոնյանի հաղթական ռազմերթն անցնում էր Բաքվի միջով․ Արմեն Այվազյան Հարթակում չկա ապագա վարչապետի թեկնածուն. պայքարը դիտվում է որպես «ռոբասերժական» և «փաշինյանական» ուժերի բախում. Արմեն Այվազյան Մի գեղեցիկ օր Ադրբեջանի հայասպանները ևս կարող են ՄՔԴ կանչվել. Արմեն Այվազյան Այս պահին ԻԻՀ-ն, փաստացիորեն, ՀՀ-ի անվտանգության երաշխավորն է․ ճիշտ կլինի` ՀՀ-ում մեկօրյա սուգ հայտարարվի․ Արմեն Այվազյան Բաքվում սարսափում են, որ Իրանի նախագահի ուղղաթիռի վթարի պատճառները կարող են կապվել իսրայելական միջամտության հետ. Վարդան Ոսկանյան Ռուսաստանն ու Արևմուտքը վաղուց եկել են համաձայնության, որ Հայաստանի շահերը պետք է ոտնահարվեն. Արմեն Այվազյան (տեսանյութ) Սնանկ է ընկալումը, թե Հայաստանում առաջնորդության այլընտրանք չկա․ Վարդան Ոսկանյան Վարդան Մինասյանն ու նրա օգնականը չեն վերցրել իրենց մեդալները՝ ՀՖՖ-ի հետ տարաձայնության պատճառով Վարդան Ղուկասյանը հանդես է եկել հայտարարությամբ