Ադրբեջանի պատմությունը կարելի է բնորոշել որպես մարդկության դեմ գործած հանցանքների հերթափոխ․ Գարդման-Շիրվան-Նախիջևան միություն

Գարդման-Շիրվան-Նախիջևան համահայկական միությունը հայտարարություն է տարածել՝ անդրադառնալով Անկարա այցի ընթացքում Ադրբեջանի նախագահ Իլհամ Ալիևի հնչեցրած գաղափարներին։

«Փետրվարի 19-ին Անկարա կատարած պաշտոնական այցի ժամանակ Ադրբեջանի նախագահ Իլհամ Ալիևը Թուրքիայի նախագահ Ռեջեփ Թայիփ Էրդողանի հետ կայացած մամուլի ասուլիսում հայտարարել է․ «Ղարաբաղում անցկացված հակաահաբեկչական գործողությունը լիովին հաստատել է մեր երկրի ինքնիշխանությունը։ Ադրբեջանի տարածքում անջատողական ուժերի համար տեղ չկա և երբեք էլ չի լինի»։

2023 թ․ սեպտեմբերի 19-20-ի ռազմական գործողությունների հետևանքով Լեռնային Ղարաբաղի ողջ բնակչությունը, որը շուրջ 10 ամիս ենթարկվել էր ապօրինի շրջափակման և հասել էր հումանիտար աղետի, այն է՝ սովամահության, կենսական պայմանների բացակայության, կենսագործունեության ապահովման անհնարինության շեմին, որը ոչ այլ ինչ է, քան ցեղասպանություն, ենթարկվել է էթնիկ զտման, որն ուղեկցվել է վախի և կյանքի նկատմամբ սպառնալիքի մշտական առկայությամբ։ Ադրբեջանական ռազմաքաղաքական մեքենան՝ իր հասարակական շոշափուկներով հանդերձ, սովոր է հաշվեհարդարներ կազմակերպել անմեղ քաղաքացիական բնակչության հետ, որոնց Իլհամ Ալիևը ընդhանրաբար անվանում է «անջատողականներ»՝ դրանով բացառելով բռնի տեղահանված բնիկ հայության վերադարձի իրացումը։

«Ադրբեջանի տարածքում անջատողական ուժերի համար տեղ չկա և երբեք էլ չի լինի» արտահայտությունը Լեռնային Ղարաբաղի հայ բնակչության վերադարձի անօտարելի իրավունքի իրացման պատասխանատվությունից և հանձնառությունից Ադրբեջանի հրաժարման պաշտոնական արտահայտությունն է, որովհետև Ադրբեջանը և վերջինիս նախագահը «անջատողական», «ռևանշիստ», «ֆաշիստ», «սատանա» և նման բազում ստոր այլաբանություններով են բնորոշում ցանկացած հայի, առավել ևս Լեռնային Ղարաբաղի հայությանը։ 

Պետականակենտրոն այս ատելությունը սկիզբ է դրել բազմաթիվ հանցագործությունների, որոնք ըստ արժանվույն չեն քննվել և դատապարտվել։ Սումգայիթյան ոճրագործությունից սկսած մինչև 2023 թ․ սեպտեմբերյան իրողություններ Ադրբեջան պետության պատմությունը կարելի է հակիրճ բնորոշել որպես մարդկության դեմ գործված պետական և հասարակական հանցանքների հերթափոխ, որոնցից և ոչ մեկը առ այսօր չի ստացել իր արժանի պատիժն ու հատուցումը»։ 

Այս թեմայով Ես այստեղ չեմ եկել որպես գործիչ, այլ որպես մարդ, որը Վահե Ղազարյանի հետ Տավուշում ծառայել է․ Սրբազան Սահմանազատման ու սահմանագծման գործընթացը Հայաստանի և Ադրբեջանի միջև հարաբերությունների կարգավորման հիմնական ուղղություններից է․ Գալուզին Պատրաստ ենք՝ աջակցելու Հայաստանի և Ադրբեջանի միջև երկարամյա հակամարտnւթյան էջը շրջելուն. Բլինկեն Ֆրանսիան անպատասխան չի մնա. Ադրբեջանի ԱԳՆ Էլեն Աղասյանը, ով Բագրատ Սրբազանին գաղտնալսելու համար «ժուչոկ» էր տեղադրում, ներկայանում է որպես ՊՆ աշխատակից. AntiFake.am Արարատ Միրզոյանը և Ժոզեպ Բորելը մտքեր են փոխանակել տարածաշրջանային հարցերի շուրջ Ողջունում ենք Ադրբեջանի և Հայաստանի՝ կայուն խաղաղությանն ուղղված քայլերը. Բայդեն Բայդենը «ողջունում է» Հայաստանի և Ադրբեջանի՝ խաղաղությանն ուղղված քայլերը Կարելի է գտնել այլ դաշնակիցներ, բայց որքանո՞վ է դա ձեռնտու հենց իրեն՝ Հայաստանին. Գասումյանով Բայրամովն ու Բերբոքը քննարկել են Հայաստանի և Ադրբեջանի միջև խաղաղության գործընթացը