4 ընտանիքին բնակարանի գնման մեկ վկայագիր է տրվել. արցախցին ահազանգում է. News.am

Շուշեցի Հայրապետյանների ընտանիքը անելանելի վիճակում է հայտնվել, երբ պատահաբար տեղեկացել է, որ լինելով 2020 թվականին տեղահանված ընտանիք, այժմ զրկվում է 2023 թվականի աջակցության ծրագրից այն դեպքում, երբ ընտանիքը 2020-ին վերադարձել էր Արցախ ու կրկին տեղահանվել 2023 թվականին։

NEWS.am-ի հետ զրույցում արցախցի Անի Հայրապետյանը պատմում է՝ խնդիրը ոչ միայն դա է, այլ այն, որ 4 ընտանիքին մեկ սերտիֆիկատ է հատկացվել․

«Հունիսին իմացանք, որ մեզ սերտիֆիկատ է հատկացվել բնակարան գնելու համար: Մեզ այդ մասին չեն ծանուցել, ու իմ նման հարյուրավոր մարդիկ չեն իմացել, որ նման սերտիֆիկատ կա: Հիմա պարզել ենք, որ Շուշիից տեղահանված ընտանիքները համարվում են սերտիֆիկատի շահառու: Չնայած նրան, որ մենք նաև 2023 թվականին ենք տեղահանվել, զրկվել ենք նաև 40+10 աջակցությունից»,-ասում է նա՝ նշելով, որ Գյումրիում բնակություն հաստատած իրենց ընտանիքը մայիսից չի ստանում տրամադրվող աջակցությունը: «Ստացվում է, թե իբրև մենք այդ երեք տարիների ընթացքում Երևանում ապահով նստած ենք եղել, բլոկադա չենք տեսել»,-ասում է Անին: Արցախցու խոսքով, 10 մլն դրամ արժողությամբ մեկ սերտիֆիկատը տրվել է 15 անձի։ Անիի խոսքով, ամուսնու հարազատները երբևէ իրենց հետ չեն ապրել, ո՛չ Արցախում, ո՛չ էլ Հայաստանում. Ինչպե՞ս կարող են հիմա մեկ բնակարան գնել ու միասին մի տան մեջ ապրել: «Մեզ ասում են, որ սերտիֆիկատը տալու համար ընտանիքի կազմի մասին տեղեկությունը վերցվել է Շուշիի ղեկավարությունից, սակայն Շուշիի քաղաքապետ Արծվիկ Սարգսյանը մեզ ասաց, որ իրենցից ոչ թե սերտիֆիկատների տրամադրման համար են տվյալներ ուզել, այլ ՅՈՒՆԵՍԿՕ-ի համար Բաքվից տեղահանվածների տվյալներն են ուզել: Ամուսնուս ծնողները Բաքվից են եկել»,-պատմում է Անին:

Նրա խոսքով, փաստաբանները, որոնց դիմել է ընտանիքը, առաջարկում են հրաժարվել 2023 թվականին տեղահանված ճանաչվելու մտքից և դիմել դատարան, պահանջել առանձնացնել ընտանիքների կազմը, և 4 ընտանիքներին առանձին սերտիֆիկատներ տրամադրել: Աշխատանքի և սոցիալական հարցերի նախարարությունից NEWS.am-ին պարզաբանեցին, որ ԼՂ առանձին շրջաններից տեղահանված ընտանիքների բնակարանային մատչելիության ապահովման պետական աջակցության ծրագրի շրջանակում հավաստագիր տրամադրվում է ընտանիքին՝ անկախ անդամների թվից։ «30․06․2020-23 թթ․ ԼՂ ՏԿԵ նախարարության կողմից տրամադրված ցանկում ընտանիքը ներկայացվել է 9 անդամով, որոնց 2024 թ․ հունիսի 17-ին տրվել է հավաստագիր։ Հավաստագիրը հիմք է հանդիսացել 40+10 հազար դրամ ծրագրի շրջանակում աջակցության դադարեցման համար, քանի որ տվյալ միջոցառմամբ առկա է նման սահմանափակում»:

Related Articles Azerbaijan again falsely accuses Armenia of border shooting in renewed fake news campaign Pentagon confirmed news of withdrawal of American troops from Niger Norway welcomes news on progress in Armenia-Azerbaijan border delimitation work US Air Force conducts final test of Lockheed’s hypersonic missile: Defense News Ukraine's presidential office responds to news of Zelensky's planned visit to Armenia Iran says US strikes are a 'strategic mistake' Russia presidential spox: News that Putin is going to make ‘startling statement’ is fake “The right of the people of Nagorno-Karabakh to self-determination is of strategic importance to us,” Nikol Pashinyan told TASS news agency The Azerbaijani Side Has Killed At Least Five Civilians Since the Ceasefire Came Into Force Azerbaijan continues to spread fake news, claiming that the Armenian Armed forces have shelled Azerbaijani peaceful civilian settlements.