Armenian Code Academy-ն (ACA) և Yandex Armenia-ն Engineering Deep Dive անվճար ծրագրի համար հավաքագրում են նոր back-end ծրագրավորողների

Armenian Code Academy-ն (ACA) և Yandex Armenia-ն Engineering Deep Dive անվճար ծրագրի համար հավաքագրում են նոր back-end ծրագրավորողների: Ուսումնական ծրագիրը նախատեսված է առնվազն երկու տարվա փորձ ունեցող ծրագրավորողների համար: Ուսանողները հնարավորություն կունենան յուրացնելու ժամանակակից լավագույն մեթոդաբանությունները և կատարելագործելու back-end  ծրագրավորման հմտությունները, մասնակցելու համակարգչային խոշոր, մասշտաբային ճարտարապետությունների ստեղծմանը և ցանկացած բարդության խնդիրների լուծմանը: Engineering Deep Dive ծրագիրն առաջին անգամ մեկնարկել է անցյալ տարի:

Ուսուցումը հայերեն է, առկա տարբերակով՝ երեկոյան ժամերին, հոկտեմբերից դեկտեմբեր:

Ընդհանուր առմամբ, դասընթացն ունի 26 տեղ, ուսուցումն անվճար է (վճարում է Yandex Armenia-ն), բայց պետք է անցնել քննությունն ու հարցազրույցը: Անցյալ տարի կազմակերպիչներն ավելի քան 700 հայտ են ստացել։

«Շատ հաճելի է, որ նախագիծը հաջող ընթացք ունեցավ, և մենք հավաքագրում ենք ուսանողների արդեն հաջորդ կուրսի համար։ Ուրախալի է նաև, որ անցյալ տարվա շրջանավարտների մեծ մասն աղջիկներ էին, ինչը մեր երկրի համար հուսադրող ցուցանիշ է։ Եվ, իհարկե, այս կրթական ծրագիրը հնարավոր չէր լինի իրականացնել, եթե չունենայինք Yandex Armenia-ի նման գործընկեր, որը գնահատում է կրթությունը և մշտապես իր ներդրումն է ունենում ՏՏ ոլորտի զարգացման գործում»,- ասում է ACA-ի համահիմնադիր և տնօրեն Նարեկ Ասլիկյանը։

Engineering Deep Dive ծրագրի թեմաներն են՝ ալգորիթմներն ու տվյալների կառուցվածքը, օբյեկտ կողմնորոշված վերլուծությունը, նախագծման օրինաչափությունները, կոդի վերաշակումը և այլն:

«Մեզ համար կարևոր է աջակցել այնպիսի կրթական ծրագրերի, որոնք զարգացնում են մասնագետների թվային հմտությունները։ Միայն այդ հմտություններով է հնարավոր երկրում ձևավորել համապատասխան միջավայր, որտեղ կզարգանա թվային տնտեսությունը։ Այլ կերպ ասած՝ մեր նպատակն է նմանօրինակ նախագծերի միջոցով նպաստել թվային տնտեսության զարգացմանը։ Եվ, իհարկե, մենք միշտ ուրախ ենք հրավիրել շրջանավարտներին մեզ մոտ աշխատանքի»,- ասում է Yandex Armenia-ի ղեկավար Արամ Մխիթարյանը։

Մասնակցության հայտ հնարավոր է ներկայացնել հետևյալ հղումով՝ https://bootcamps.aca.am/yandex

Related Articles There are territorial claims against Armenia in Constitution of Azerbaijan: Pashinyan Armenia Security Council chief: Technico-military cooperation with Russia has dropped from 96% to less than 10% Moscow categorically disagrees with Armenian PM’s criticism of CSTO: Peskov Alen Simonyan Receives Ambassador of Canada to Armenia Andrew Turner Armenia started reforms of army and armed forces, and this is being discussed in particular in Azerbaijan: Pashinyan Yerevan hosting Second Global Armenian Summit (live) Vivid example of commitment to sustainable peace agenda in region is 'Crossroads of Peace' project initiated by Armenia's Government: Lilit Makunts French envoy: Armenia PM is invited to 19th La Francophonie summit in France We always look for opportunities to convene the foreign ministers of Armenia and Azerbaijan, Miller Newspaper: Armenia ex-president Robert Kocharyan, Vladimir Putin have telephone conversation