Մեղավորներն այլ երկրները չեն կամ գյուղացին, առաջնային մեղավորը դուք եք. Թադևոս Ավետիսյանը՝ Փոխնախարարին

«Որտե՞ղ եք ձախողում, որ եղած պայմանները եթե կան, հնարավորությունները կան՝  պրակտիկայում հնարավոր չի լինում իրականանցնել և  մեր գյուղացու խնդիրներն անընդհատ աճում են՝ նաև ԵԱՏՄ երկրների հետ գյուղմթերքի շրջանառության հարցում»,-խորհրդարանում Էկոնոմիկայի նախարարի տեղակալ Նարեկ Տերյանին դիմեց «Հայաստան» խմբակցության պատգամով Թադերոս Ավետիսյանը։

Վերջինս ԱԺ-ում ներկայացրեց Գյուղատնտեսության ոլորտում ԵԱՏՄ-ի հետ համագործակցության հերթական համաձայնագիրը, որը վերաբերում է նաև գյուղմթերքի արտահամանը։

Ավետիսյանը նշեց, որ կառավարության անդամներն ինչքան շատ են խոսում. թե անխոչընդոտ է դառնում առևտուրը ՌԴ-ի ու ԵԱՏՄ-ի հետ, գործնականում պատկերը տրամագծորեն հակառակն է։

«Նաև կան խնդիրներ, որոնց մասին մենք տեղյակ ենք և պարբարեբար աշխատում ենք մեր գործընկերների հետ»,- ասաց փոխնախարարը՝ հավելելով որ վերջերս հեռախոսազրույց է տեղի ունեցել ՌԴ-ի գյուղնախարարի հետ, որի ժամանակ բոլոր հարցերը բարձրացրել են։

Փոխնախարարը նշեց, որ սեպտեմբերի 30-ին միջկառավարական հանդիպման ժամանակ Երևանում նախատեսվում է գյուղնախարարների հանդիպումը և կարծիք հայտնեց, որ հարցեը քայլ առ քայլ լուծվում են։

Տերյանը տեղեկացրեց, որ համագործակցություն է գնում Հայաստանի տեսչական մարմնի և Ռոսսելխողնադզորի հետ, այդ խնդիրները լուծելու համար։

Թադևոս Ավետիսյանն ասաց, որ ամիսներ առաջ նույն հարցերը տվել է Էկոնոմիկայի նախարարին և գրեթե նուն պատասխանն է ստացել, բայց ժամանակահատված է անցել և երբ ասել էին, որ խնդիրենրը իրենց վերահսկողաթյան տակ են և կլուծվեն՝ ամենևին չեն լուծովը։

«Տեսեք, դուք կգաք, ես մի բան կհարցնեմ, ինձ մի բան կասեք, թե լուծվում եք, սպասումներ կառաջանան, բարց փաստն այն է, որ հիմա գյուղատնտեսական ապրանքներով բեռնվող մեքենան, որ պետք է շարժվի ԵԱՏՄ երկրներ, հատկապես ՌԴ շուկա, գնալու է ու հանդիպելու է նույն խնդիրներին։ Երեկ հանդիպել են, երեկ չէ առաջին օրը հանդիպել են, այդ մասին բազմիցս խոսվել է... Խնդիրենրն ավելի առաջանցիկ են աճում, քան դուք կարողանում եք դրանք լուծել։ Կարծում եմ, որ այստեղ ձեր կարգավորմամբ, ձեր գործունեության, կամ անգործության հետևանք  է նաև, որովհետև մեղավորներն այլ երկրները չեն կամ գյուղացին, առաջնային մեղավորը դուք եք, որ խնդիրներն առաջանում են՝ չեք կարողանում լուծել սա փաստ է»-ասաց Ավետիսյանը։

Փոխնախարարը չհամաձայնեց պատգամավորի հետ և ասաց որ տեսչական մարմիններն ստուգումներ են անում։

«Այն ապրանքները, որոնք խնդիրներ չունեն ԵԱՏՄ որակի չափանիշների հետ, առանց խոչընդոտների արտահանվում են դեպի ԵԱՏՄ երկրներ, բայց ուզում եմ ասել, որ ծրագրեր կան որով աջակցում ենք մեր արտադրողներին, որ իրենք դիվերսիֆիկացնեն իրենց շուկաները և արտահանեն այլ երկրներ նույնպես»,-պատասխանեց Նարեկ Տերյանը։