![](/timthumb.php?src=disc/26-04-24/914a799d48c984658c52f8482f245258.jpg&w=900&h=600)
Կիրանցում գերլարված իրավիճակ է։ Սևբերետավոտներն ուժի կիրառմամբ փորձում են բացել ճանապարհը, որը քաղաքացիները փակ են պահում։ Քաշքշուկ և հրմշտոց է սկսվել տավուշցիների և ոստիկանների միջև, սևբերետավորներն ուժ են կիրառում։
![](/timthumb.php?src=disc/26-04-24/431313f9aacbc24018d1ab3c19ccfd2f.jpg&w=900&h=600)
![](/timthumb.php?src=disc/26-04-24/562daecf7bc390515d99d3c9c37c7234.jpg&w=900&h=600)
Ռուսական խաղաղապահ գրեթե ողջ զորակազմն արդեն լքել է Լեռնային Ղարաբաղը, իսկ մնացած մասը կլքի այն մինչև մայիսի վերջ: Այդ մասին հայտնել է Reuters գործակալությանը՝ վկայակոչելով Ադրբեջանի պաշտպանության նախարարության աղբյուրը: Նշվում է նաև, որ նրանց ամբողջ զրահատեխնիկան, ներառյալ՝ 90 զրահամեքենա և 380 այլ տրանսպորտային միջոց, արդեն դուրս է եկել տարածքից:
![](/timthumb.php?src=disc/26-04-24/d0b961a7e16459adc3df98b4088fa8fd.jpg&w=900&h=600)
Հայաստանի Հանրապետության և Ադրբեջանի Հանրապետության սահմանին գեոդեզիական չափումների հիման վրա, կոորդինատների ճշգրտման աշխատանքների շրջանակներում 2024 թվականի ապրիլի 26-ի դրությամբ տեղադրվել է թվով 28 սահմանային սյուն, ինչը կազմում է նախատեսված աշխատանքների մոտ 35 տոկոսը։ Երկու երկրների փորձագիտական խմբերի աշխատանքները շարունակվում են։ Այս մասին հայտնում են ՀՀ կառավարությունից։
![](/timthumb.php?src=disc/26-04-24/8a43ef6e1c9d15481a1c8126ef519d95.jpg&w=900&h=600)
![](/timthumb.php?src=disc/26-04-24/ccc21d07287f7f752f8b570074001e3b.jpg&w=900&h=600)
«Հայաստանի և Ադրբեջանի միջև հակամարտության խաղաղ կարգավորման շանսերն առավել քան երբևէ մեծ են»։ Այս մասին ասել է Գերմանիայի կանցլեր Օլաֆ Շոլցը Ադրբեջանի նախագահ Իլհամ Ալիևի հետ համատեղ մամուլի ասուլիսում, գրում է ՏԱՍՍ-ը:«Մենք իհարկե առաջին հերթին քննարկել ենք Հայաստանի և Ադրբեջանի միջև հակամարտությունը և միակարծիք ենք, որ այդ հակամարտությունը պետք է լուծվի խաղաղ ճանապարհով», - ասել է Շոլցը։