Նինոծմինդայում Հայաստանից ժամանած 4 մարդ ինքնամեկուսացված է, մեկը` կարանտինային գոտում է. Aliq Media

Սամցխե Ջավախքի վեց մունիցիպալիտետներից հինգի՝ 36 բնակիչ ինքնամեկուսացվել է: Այս քաղաքացիները ժամանել են Վրաստան ինչպես բարձր ռիսկային, այնպես էլ այլ երկրներից: Այս մասին հայտնում է Aliq Media-ն:

Ըստ Հիվանդությունների վերահսկողության կենտրոնի Սամցխե Ջավախքի բաժնի տվյալների, Ախալցիխեում ինքնամեկուսացվել է 18 մարդ, Բորջոմիում՝ 8, Ասպինձայում՝ 4, Նինոծմինդայում՝ 4, Ադիգենիում՝ 2 մարդ:

Ալիք Մեդիայի հետ զրույցում Նինոծմինդայի Հանրային առողջապահության կենտրոնի տնօրեն Տիգրան Եղոյանը հաստատեց տեղեկատվությունը: Նրա խոսքով, նախօրեին Հայաստանից Վրաստան է ժամանել Նինոծմինդայի մունիցիպալիտետի բնակիչ, Վրաստանի 5 քաղաքացի: Նրանցից մեկը 37 աստիճան ջերմություն է ունեցել, ինչի պատճառով տեղափոխվել է Աբասթումանիի կարանտինային գոտի: Այս պահի դրությամբ նրա մոտ ջերմություն չի արձանագրվում: Ինչ վերաբերում է մնացած 4 ուղեւորներին, նրանք ինքնամեկուսացվել են, առողջական որեւէ գանգատ չունեն:

Հիշեցնենք, Վրաստանում այս պահի դրությամբ կորոնավիրուսով վարակվածների 33 դեպք է արձանագրվել, այստեղից մեկն արդեն ապաքինվել է: Կարանտինային գոտում է 637 մարդ, հատուկ ուշադրության տակ՝ 54 մարդ:Վրաստանի կառավարությունը որոշում է կայացրել մարտի 18-ից փակել Վրաստանի բոլոր սահմանները, արգելել արտասահմանցիների մուտքը Վրաստան:

Կորոնավիրուսի տարածումը կանխարգելելու նպատակով Վրաստանում ուսումնական հաստատությունները հեռահար են գործում, փակ են նաեւ թատրոնները, կազինոները, ժամանցի այլ վայրերը: Պետությունը կոչ է անում ինքնամեկուսացվել, չհաճախել մարդաշատ վայրեր: Սրա հետ մեկտեղ, չեղարկվել են մի շարք բազմամարդ միջոցառումներ՝ այդ թվում հարսանիքները եւս: Ի դեպ, Վրաստանը երկու շաբաթով փակում է սահմանները բոլոր պետությունների հետ:

Այս թեմայով Բարձր տնտեսական աճ ապահոված օտարերկրյա փողը «փախնում է» Հայաստանից․ Թադևոս Ավետիսյան Անձամբ մարդ գիտեմ, ով 700 000-ի տուգանք ունի, բայց շարունակում ա հանգիստ վարել մեքենան. Նազարյան Ես ապահովված մարդ եմ, ոչ թե կաշառք չեմ վերցրել, այլ լիքն եմ վերցրել. ՔՊ-ի կողմն անցած ավագանու անդամ Փորձում եմ ներս մտնել համայնքապետարան, բայց ոստիկաններից չկա մեկը, ում հետ հնարավոր է բանակցել 58 000 մարդ ասում է թույլ չենք տալու, որ Արցախն Ադրբեջանի կազմում ճանաչվի. Գրիգորյան 3 օրում գրանցվել է 28 ՃՏՊ. 4 մարդ զոհվել է «Գալուստի Ձոր» հանգստյան գոտում տեղի ունեցած խմբակային խուլիգանության վարույթով նախաքննությունը՝ 8 անձի մասով, ավարտվել է Աբովյանում միմյանց բախված մեքենաներից մեկը հետո բախվել է լուսացույցին և շրջվել. կա վիրավոր Համաժողովը հավակնում է դառնալ տարվա ամենաաչքի ընկնող միջոցառումներից մեկը․ «Փաստ» Փաշինյանը Եգիպտոսից ժամանած խոշոր գործարարի հետ քննարկել է համագործակցությանը վերաբերող հարցեր