Կորել է Զարեհ Սինանյանը

Ինչպես գիտենք՝ Սփյուռքի գործերի գլխավոր հանձնակատար Զարեհ Ջոն Սինանյանը գտնվում է վաստակած արձակուրդի մեջ: Նրա արձակուրդը, սակայն, համընկավ հայ-ադրբեջանական սահմանին զինված բախման, սփյուռքի մեր համայնքների կազմակերպած բողոքի ակցիաների, նաև միջէթնիկ բախումների հետ: Իսկ Սինանյանը, ինչպես ասում են՝ չկա ու չկա: Իհարկե, հասկանում ենք, որ արձակուրդը վայելելը դա սուրբ գործ է և նաև փայլուն առիթ է ծախսել նախորդ ամիսների բուռն աշխատանքի դիմաց ստացած հազարավոր դոլարների պարգևավճարները, սակայն, սա այն դեպքն էր, երբ Սփյուռքի գործերի գլխավոր հանձնակատարը պետք է հանձներ իր առաջին քննությունը տվյալ պաշտոնում: Իսկ ինչ արեց Սինանյանը՝ բառացիորեն ոչինչ: Սահմանային լարվածության օրերին և դրանից հետո էլ, երբ ՌԴ-ում հայերի էին ծեծ ու ջարդի ենթարկում, Սինանյանը լուռ էր, նա հանդես չեկավ հայտարարությամբ, նա չկանգնեց սփյուռքի մեր հայրենակիցների կողքին, անգամ բարոյապես չաջակցեց: Սինանյանից այն աստիճան էին ձեռք քաշել, որ մամուլը հոդվածներ է հրապարակում՝ Սինանյանը մեկնել է ՌԴ և հանդիպել հայ համայնքի ներկայացուցիչների հետ, սակայն արդյունքում պարզվում է, որ այդ հոդվածները ֆուտուրիստական են և ընդամենը թրոլինգ են:

Օրինակ՝ ԱՄՆ-ում ադրբեջանցիները պղծել են հայկական դպրոցի ու համայնքային կենտրոնի շենքերը: Ինքը` Սինանյանը, պաշտոնը ստանձնելիս գլուխ էր գովում՝ ԱՄՆ-ում ունեցած իր հեղինակությամբ և կապերով, որոնք պատրաստվում է օգտագործել ի շահ Հայաստանի: Հարց՝ որտե՞ղ են այդ կապերը և ինչո՞ւ դրանք չեն օգտագործվում հենց այս պահին, երբ այդքան անհրաժեշտ է: Ակնհայտ է, որ այս օրերին նման պաշտոն զբաղեցնող անձը պետք է նաև ֆիզիկապես լիներ սփյուռքում ապրող մեր հայրենակիցների կողքին, որպես մինիմում՝ աշխատեր և համակարգեր սփյուռքում տեղի ունեցող գործընթացները, պետական մակարդակով աջակցեր: Սակայն. միջէթնիկական բախումներն, ինչպես երևում է, այն խնդիրը չեն, որ կարող են ստիպել Սինանյանին վերադառնալ արձակուրդից: Որևէ մեկը կարո՞ղ է ասել՝ ի՞նչ է արել առայսօր Զարեհ Սինանյանը, բացի հայտարարելուց՝ այս օրերին հայրենադարձությունը ռեալ չէ և իհարկե՝ ամսական 25 հազար դոլարի չափով պարգևատրվելուց: Ընդամենը ապացուցել է, որ ո՛չ ինքը, ո՛չ իր կառույցը՝ վարչապետի ենթակայությամբ, ոչնչի չեն ծառայում, իրենց գործառույթներն էլ իրականացնում է ԱԳՆ-ն:

Սինանյանը հայտնվեց միայն այն բանից հետո, երբ ամեն ինչ խաղաղվել էր, երբ սփյուռքի մեր համայնքային կազմակերպությունների, ԱԳՆ-ի, դեսպանատների ջանքերի շնորհիվ հաջողվել էր հարթել բոլոր խնդիրները: Հայտնվեց և միանգամից սկսեց մեղադրել իրեն քննադատողներին բացասական մարդ և ծախու լրագրող լինելու մեջ: Իհարկե, նորություն է, որ աշխատավարձ, պարգևավճար ստացող, հստակ պաշտոնական լիազորություններ ունեցող անձից՝ իր աշխատանքը հավուր պատշաճի կատարելու պահանջը խոսում է անձի բացասական լինելու մասին: Ընդ որում, ըստ որոշ տեղեկությունների՝ բացասական մարդիկ գտնվել են նաև իշխանական էշելոնում, այստեղ նույնպես դժգոհություններ են ի հայտ եկել կապված Սփյուռքի գործերով գլխավոր հանձնակատարի աշխատանքի որակի հետ և խոսվում է վերջինիս փոխարինելու մասին: Վերջին օրերի իրադարձություններն ավելի քան հավանական են դարձնում նման սցենարը:

Այս թեմայով «Հեռացնե՛նք Նիկոլին» վանկարկումների ներքո Փաշինյանը հեռացավ կառավարության շենքից (տեսանյութ) Մեր ոչ մի հարց չլուծվեց. ինչ են պատմում Փաշինյանի հետ հանդիպումից դուրս եկած տավուշցիները (տեսանյութ) Ակցիա՝ կառավարության շենքի դիմաց, մինչ տավուշցիները հանդիպում են Փաշինյանի հետ․ ուղիղ Հանդիպում չի կայանա․ Փաշինյանը չի մեկնելու Պուտինի երդմնակալության արարողությանը. MediaHub «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Աջակցում ենք Տավուշում սկսված համակայկական պայքարին․ Կոնսերվատորիայի Միասնական շարժում Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան