Լիբանանը սուտ լուրեր է տարածում, ռումբը օդանավից են ցած նետել. պայթյունից տուժած բեյրութցի

Բեյրութում տեղի ունեցած հզոր պայթյունի հետևանքները ցնցել են ողջ մարդկությանը: Պայթյունը բեյրութցիներին հասցրել է ֆիզիկական և նյութական մեծ վնասներ, ցավոք, մարդկային կորուստներ ևս: 

ԼՈՒՐԵՐ.com-ը զրուցեց պայթյունի հետևանքով տուժած, 35 տարի  Բեյրութում բնակվող Նելլի Կոյությանի հետ, ըստ որի, թե´ Հայաստանում է ապատեղեկատվություն տարածվում, և թե′ Լիբանանում. «Լիբանանի պետությունը ստում է, Էստեղ ասում են՝ հին պահեստներ են և պայթյուն է եղել, անհիմն լուրեր են տարածում, բայց իմ տղան, և ոչ միայն ինքը, շատերը տեսել են, թե ինչպես է օդանավից ռումբ ընկնում: Տղաս, տեսնելով դա, անմիջապես ներս է մտնում մեր խանութը, ու ներս մտնելն ու ռումբի պայթելը՝ մեկ է լինում: Ամբողջ ցուցափեղկը կոտրվում է տղայիս վրա, ապակիները ճղում են տղայիս գլուխը, ստանում է մի շարք վնասվածքներ, այնուհետև տանում ենք հիվանդանոց՝ կարեր դնելու»,- մեզ հետ զրույցում պատմեց Բեյրութի՝ պայթյունից տուժած երեխայի մայրը:

Պայթյունը Նելլի Կոյությանի ընտանիքին հասցրել էր ինչպես ֆիզիկական վնասներ, այնպես էլ՝ նյութական. «Էստեղ արդեն 15 տարի է, ինչ ունենք հին հայկական գորգերի, նկարների, անտիկ ապակեղենի խանութ: Մեր խանութը պայթյունի վայրից գտնվում է երկու կիլոմետր հեռավորության վրա, ու տուժել է ոչ միայն մեր խանութը, այլև մեզ հարակից բոլոր խանութները, տները, աշխատատեղերը,  ընկերությունները. բոլորը նյութական մեծ վնասներ են կրել»,-նշեց Նելլի Կոյությանը:

Մեզ հետ զրույցում Նելլին մեծ հույս հայտնեց, որ կառավարությունը կփոխհատուցի իրենց կրած վնասը, սակայն, նաև ընդգծեց, որ իրենց կրած վնասը ոչինչ է ուրիշների կրածի համեմատ. «Դեռ տակավին կան անձինք, որոնց հարազատները իրենցից ոչ մի լուր չունեն»,- եզրափակեց նա:

Զվարթ Պետրոսյան

Այս թեմայով Հանդես եկեք միասնական դիրքորոշմամբ՝ Փաշինյանի կողմից ՀՀ-Արցախ տված հետագա վնասները կանխելու համար. Չալաբյան Ադրբեջանի հարձակման հետևանքով վնաս կրած ընկերություններին 817 մլն դրամի փոխհատուցում կտրվի Շրջափակման հետևանքով Արցախի կրած ֆինանսատնտեսական կորուստները օրական 1.9 մլն դոլար է Առաջիկա օրերին կընդունվի Արցախի շրջափակման հետևանքով վնաս կրած ձեռնարկատերերին աջակցության որոշումը․ ԱՀ պետնախարար Որքա՞ն կարող է կազմել Թուրքիայում երկրաշարժից կրած վնասը Պատերազմի հետևանքով կրած նյութական վնասների դիմաց պետաջակցություն ստանալու համար Արցախում ավելի քան 9660 դիմում է գրանցվել Հայաստանը կփոխհատուցի «Գազպրոմ Արմենիայի» վնասները, փոխարենը ՀՀ-ում 10 տարի չի բարձրանա գազի գինը Զելենսկին հաղորդել է Ուկրաինայի կրած զգալի կորուստների մասին ՌԴ Պն-ն նոր փաստեր է հրապարակել Ուկրաինայի կրած կորուստների վերաբերյալ Պատերազմի հետևանքով նյութական վնաս կրած ևս 349 անձ պետաջակցության շահառու է ճանաչվել