ԱԺ-ի բակի մուտքը փակ է միայն պահանջատեր մարդկանց համար. իրավապաշտպան

Երեկ Աժ-ի դիմաց Ամուլսարի շահագործման դեմ բողոքողները տարբերվեցին մնացած բոլոր տեսակի ցուցացարներից. նրանք մտադրված էին, բողոքի ակցիա իրականացնելով, համատեղել նաև ժամանցը, այն է՝ ԱԺ-ի բակում գործնագործ խաղալ: Ոստիկանները ոչ միայն արգելեցին բողոքի ակցիայի իրականացնումը, այլև խոչընդոտեցին ցուցարարների՝ ԱԺ-ի բակ մուտք գործելուն:

ԼՈՒՐԵՐ.com-ը զրուցեց իրավապաշտպան Նինա Կարապետյանցի հետ, որն ասաց՝ ԱԺ-ի բակի դարպասները փակ են բոլոր նրանց համար, որոնք ինչ-որ պահանջներ ունեն ներկայացնելու. «Իրականում ամեն օր մենք տեսնում ենք, թե ինչ մեծ թվով մարդիկ են հավաքվում, զրուցում, զբոսնում Ազգային ժողովի այգում, հետևություն՝ խնդիրը կապված է կոնկրետ պահանջներ ներկայացնող մարդկանց հետ, որոնց մուտքն էլ բակ՝ արգելվում է»,- պարզաբանեց իրավապաշտպանը:

Նա նաև նշեց, որ այնքան էլ ճիշտ չէ ԱԺ-ի բակ չթողնելը կապել պարետի որոշման հետ, որովհետև կար ժամանակ, երբ չկար պարետ և պարետի որոշում, բայց նորից արգելվել էր մարդկանց մուտքը ԱԺ-ի բակ:

Մեզ հետ զրույցում իրավապաշտանը անդրադարձավ նաև նրան, թե արդյոք օրենքով թույլատրվո՞ւմ է ԱԺ-ի բակի դարպասները փակել ՀՀ քաղաքացիների դիմաց. «Անվտանգության տեսակետից կան գործող կանոնակարգեր, բայց սա հիմնավորում չէ, որովհետև առիթ է եղել, որ ես փորձել եմ հարցազրույց տալ ԱԺ-ի բակում, որը նորից խնդիր է առաջացրել: Պառլամենտի տարածքն է դժվար կանոնակարգեր չլինեն, որոնք որոշ կետերով կարգելեն քաղաքացիների մուտքը բակ: Ես գտնում եմ, որ անհրաժեշտ են կանոնակարգումներ, բայց երբ խտրական մոտեցում է լինում, որտեղ մի դեպքում թույլատրում են՝ մի դեպքում՝ ոչ, սա արդեն խնդիր է առաջացնում»,-եզրափակեց իրավապաշտպան Նինա Կարապետյանցը:

Հիշեցնենք, որ Ազգային ժողովի բակի դարպասները ներկայիս իշխանությունը 2018 թվականին՝ հեղափոխության օրերին, բաց արեց ՀՀ հպարտ քաղաքացիների դիմաց՝ ի նշան նրանց ազատ լինելուն:

Զվարթ Պետրոսյան

Այս թեմայով Միրիջանյանը պատերազմի ընթացքում մեծածավալ օգնություն է ուղարկել, հիմա նրան դատում են․ իրավապաշտպան Բաքվում պահվող հայերը գտնվում են կյանքի անմիջական ու իրական սպառնալիքի ներքո․ իրավապաշտպան Արցախի մասին իրավապաշտպան համայնքի գնահատականները պետք է հիմք հանդիսանան Ադրբեջանին պատժելու համար Գյումրիում Մուշի բաժնի քերականի աշխատակիցը խանութում հարձակվել է իրավապաշտպան Կարապետ Պողոսյանի վրա Գայանե Հակոբյանը հրաժարվել է դադարեցնել հացադուլը․ իրավապաշտպան Բերման են ենթարկվել կինոռեժիսոր Արման Երիցյանը և հասարակական գործիչ Կարեն Հակոբյանը. իրավապաշտպան Ձեր որոշումների հետևանքով է կինը հայտնվել փողոցում. ամոթ է. իրավապաշտպան Մահացել է խորհրդային այլախոհ եւ իրավապաշտպան Սերգեյ Գրիգորյանը Պարեկները հատուկ միջոց են կիրառել քաղաքացու նկատմամբ, դեղ լցրել աչքերին, հետո սկսել են դաժանորեն ծեծել. իրավապաշտպան Ազգային Ժողովից անհետացել են առյուծի արձանիկը և հոբելյանական հուշամեդալներ