Վաղը քննարկվելիք կարանտինյան նոր օրենքը մեզ կարող է վեց ամսով առանց դադարի կապկպել տուգանքներով․ Անի Սամսոնյան

ԱԺ «Լուսավոր Հայաստան» խմբակցության պատգամավոր Անի Սամսոնյանը ֆեյսբուքյան գրառմամբ ներկայացրել է, թե ինչ է սահմանում վաղը ԱԺ-ում քննարկվելիք օրենքը։ Նա մասնավորապես նշել է, որ կարանտինային այդ նոր օրենքը կարող է մեզ 6 ամսով անդադար կապկպել տուգանքներով։ Սամսոնյանի գրառումը՝ ստորև․

«Վաղը քննարկվելու է կարանտինյան մի նոր օրենք, որը կարող է վեց ամսով առանց դադարի մեզ բոլորիս կապկպել հետևալ տուգանքներով։

1. Կարանտին սահմանելու մասին որոշմամբ սահմանված համաճարակի (կարանտինային) գոտի մուտքի և ելքի հատուկ ռեժիմը խախտելը` 50-70 հազար դրամ։

2. Կարանտինի ընթացքում անձանց ազատ տեղաշարժվելու իրավունքի կամ տրանսպորտային միջոցների տեղաշարժման սահմանափակումները խախտելը, ինչպես նաև դրանց զննման իրականացմանը խոչընդոտելը` 10 հազար դրամ։

3. Կարանտինի ընթացքում տնտեսական գործունեության առանձին տեսակների իրականացման և ծառայությունների մատուցման, ինչպես նաև տնտեսական գործունեությամբ չզբաղվող այլ կազմակերպությունների գործունեության սահմանափակումները խախտելը` 100-300 հազար դրամ։

4. Սույն հոդվածի 3-րդ մասով նախատեսված արարքը վարչական տույժ նշանակելու օրվանից հետո` մեկ տարվա ընթացքում, կրկին կատարելը` առաջացնում է տուգանքի նշանակում՝ 150-500 հազար դրամ։

5. Կարանտինի ընթացքում հավաքներ կազմակերպելու կամ անցկացնելու սահմանափակումները խախտելը առաջացնում է տուգանքի նշանակում` 50-200 հազար դրամ։

6. Կարանտինի ընթացքում հավաքների մասնակցելու սահմանափակումները խախտելը առաջացնում է տուգանքի նշանակում` 10 հազար դրամ։

7. Կարանտինի ընթացքում հանրային միջոցառումներ կազմակերպելու, անցկացնելու կամ դրանց մասնակցելու սահմանափակումները և արգելքները խախտելը` առաջացնում է տուգանքի նշանակում` 50-100 հազար դրամ։

8. Կարանտինի ընթացքում կանոնավոր փոխադրումներ իրականացնող տրանսպորտային միջոցների սահմանափակումները խախտելը, ինչպես նաև դրանց զննման իրականացմանը խոչընդոտելը` առաջացնում է տուգանքի նշանակում` 50-100 հազար դրամ։

9. Կարանտինի ընթացքում մեկուսացման կամ ինքնամեկուսացման կանոնները խախտելը՝ առաջացնում է տուգանքի նշանակում 50-200 հազար դրամ։

10. Կարանտինի ընթացքում անհատական պաշտպանության միջոցների կիրառման կանոնները խախտելը` առաջացնում է տուգանքի նշանակում՝ 10 հազար դրամ։

11. Կարանտինի ընթացքում կրթական հաստատությունների կողմից սահմանված միջոցառումները և սահմանափակումները խախտելը՝ առաջացնում է տուգանքի նշանակում` 50-100 հազար դրամ։

Մնացածը՝ վաղը»։

Այս թեմայով Ադրբեջանում պլանավորում են 2022-ի մարտավարական և ռազմավարական անելիքները. Անի Սամսոնյան Ադրբեջանում պահվող հայ ռազմագերիներին հայրենադարձելու հարցը հասավ ԱՄՆ Կոնգրես. Անի Սամսոնյան «Իմ քայլը» իշխող խմբակցությունը հերթական անգամ ինքն իր վրա կրակեց որպես խորհրդարանի մեծամասնություն. Անի Սամսոնյան Ձեր PR–ի պատճառով ամբողջ աշխարհի առաջ խայտառակ եղանք. Անի Սամսոնյանը՝ Փաշինյանին Ըստ ՄԱԿ-ի՝ մինչեւ 2050 թ. ՀՀ-ում բնակչությունը նվազելու է, իսկ Ադրբեջանում, Թուրքիայում եւ Իրանում՝ աճելու. Սամսոնյան Ակցիայի ընթացքում ոստիկանների կողմից ուժ է կիրառվել կանանց նկատմամբ. Անի Սամսոնյանը դիմել է ոստիկանապետին Ադրբեջանի խաղաղասիրական վարքագիծը վտանգավոր ծուղակ է մեզ համար. Անի Սամսոնյան Ե՞րբ է իշխանությունը դադարելու ստել, ժողովուրդը մեղք է, մի ստեք. Անի Սամսոնյանը՝ Փաշինյանին Դիմել եմ ՀՀ Աշխատանքի և սոցիալական հարցերի նախարար Մեսրոպ Առաքելյանին նախագիծը ինձ տրամադրելու համար․ Անի Սամսոնյան Ուզում եմ հասկանալ, ԱԱԾ-ի պատասխանը սպարտական լակոնիզմ է, թե հայկական աշխատելաոճ. Սամսոնյան