Անհամբեր սպասում եմ դատախազության արձագանքին՝ համապատասխան որոշման տեսքով. Գալստյան

Անհամբեր սպասում եմ դատախազության արձագանքին՝ համապատասխան որոշման տեսքով։ Այս մասին ֆեյսբուքյան իր էջում գրել է «Գագիկ Սողոմոնյան» ֆեյքի գործով Արամ Լ. Սարգսյանի փաստաբան Բենիկ Գալստյանը։

«Ինչպես արդեն տեղեկացրել էի՝ ՀՀ ՀՔԾ ՀԿԳ ավագ քննիչը մերժել է ՀՀ ԱԱԾ քննչական դեպարտամենտում քննվող «Գագիկ Սողոմոնյանի» վերաբերյալ գործով իմ պաշտպանյալ Արամ Սարգսյանի նկատմամբ Երևան քաղաքի դատարանի նախագահ Արթուր Մկրտչյանի ու դատավոր Վահագն Մելիքյանի կողմից կատարված ապօրինությունների վերաբերյալ քրեական գործի հարուցումը:

Հատկանշական է, որ նյութերի նախապատրաստման ընթացքում դատարանի նախագահ Ա.Մկրտչյանն ու դատավոր Վ.Մելիքյանն ըստ էության ընդունել են, որ Վ.Մելիքյանի՝ իմ պաշտպանյալի վերաբերյալ գործով խորհրդակցական սենյակում գտնվելու ընթացքում ունեցել են հեռախոսային խոսակցություն:

Հիշյալ անձինք բացառել են միայն հեռախոսային խոսակցության բուն բովանդակությունը՝ այդ կապակցությամբ առաջ բերելով «հերթապահության հետ կապված կազմակերպչական բնույթի հարցերը կարգավորելու» նպատակով հեռախոսային խոսակցությունների թեզը:

Պետք է փաստել, որ Վ.Մելիքյանը հեռախոսակապի մեջ է գտնվել ոչ թե հասարական անձի, այլ իր աշխատանքի վայր հանդիսացող դատարանի նախագահի հետ, որպիսի հանգամանքն ինքնին խոսում է իմ կողմից առաջ քաշված այն վարկածի օգտին, որ Ա.Մկրտչյանն ուղղակի ազդեցություն է ունեցել իմ պաշտպանյալի նկատմամբ Վ.Մելիքյանի կողմից կայացված որոշման վրա, որպիսի վարկածն իր հերթին հաստատվում է գործով որևէ շահագրգռվածություն չունեցող ականատես անձի՝ Վահագն Վարագյանի կողմից տրված տեղեկատվությամբ:

Վերը նշվածը, սակայն, վրիպել է ՀՀ ՀՔԾ ՀԿԳ ավագ քննիչի տեսադաշտից, և վերջինիս մոտ նույնիսկ չի առաջացել մի կարևոր հարց՝ ի՞նչ «կազմակերպչական բնույթի հարցերի» մասին կարող էին զրուցել դատարանի նախագահը և դատավորը վերջինիս խորհրդակցական սենյակում գտնվելու ընթացքում այն պայմաններում, երբ խորհդակցական սենյակում դատավորը գտնվում է միմիայն մեկ նպատակով՝ համապատասխան դատական ակտ կայացնելու համար:

Այս և մի շարք այլ հանգամանքներ հաշվի առնելով՝ քննիչի հիշյալ որոշոմը բողոքարկել եմ ՀՀ գլխավոր դատախազին:
Անհամբեր սպասում եմ դատախազության արձագանքին՝ համապատասխան որոշման տեսքով»,- գրել է Բենիկ Գալստյանը։

Այս թեմայով «Կարծես սպասողական վիճակում ապրեմ, ամեն րոպե սպասում եմ, որ Նվերս տուն կմտնի». պահեստազորային Նվեր Գուլինյանն անմահացել է հոկտեմբերի 13-ին Ջրականում. «Փաստ» Հուսով, հավատով, Վեհափառ Հոր օրհնությամբ․ Լիլիթ Գալստյան Սպասում ենք Երևան-Սևան ճանապարհը բացվի, որ գնանք միանանք Կիրանցի մեր հայրենակիցներին. Ակցիայի մասնակից Ես ողբում եմ. հան­դուր­ժե­ցինք, որ կորց­րինք, փոք­րա­ցանք ու դեռ փոք­րա­նում ենք, սպասում եմ, որ մեկը կասի Ստոպ. Էմմա Պետրոսյան Մեզ համոզում էին՝ եթե ռուս խաղաղապահը դուրս գա ԼՂ-ից, ապա Սկանդինավյան խաղաղապահը կգա, սպասում ենք Դեբետում կկառուցվի կրթության արդի չափանիշներին համապատասխան կրթօջախ Հայաստանը սպասում է Ադրբեջանի պատասխանին խաղաղության պայմանագրի շուրջ իր առաջարկների վերաբերյալ․ Կոստանյան Մենք գրկաբաց սպասում ենք «Գոյին», որ միասին աշխատենք. Մարությանը՝ ավագանու ընդդիմադիր անդամներին Հրապարակվել է Դատախազության 2023 թվականի գործունեության մասին հաղորդումը Հերթական ապօրինի ու զոռբա գործընթացը՝ ԿԳՄՍՆ տիրույթում․ Լիլիթ Գալստյան