Ֆրանսիացի լարախաղացը 670 մետր քայլել է Էյֆելյան աշտարակից ձգվող լարով (տեսանյութ)
ՏեսանյութերՓարիզում ֆրանսիացի լարախաղաց Նաթան Պաուլինը 670 մետր քայլել է Էյֆելյան աշտարակից մինչև Շայո Ազգային պարերի թատրոն ձգվող լարով: Այս մասին հայտնում է Actu Paris-ը:
Միջոցառումն անցկացվել է Ֆրանսիայի մշակութային ժառանգության օրերի շրջանակներում: Երթուղին, որի ընթացքում նա փոխել է դիրքերը և նստել, Պաուլինը սկսել է Էյֆելյան աշտարակից 68 մետր բարձրության վրա, որից հետո ճանապարհի մի հատվածն անցել Սենա գետի վրայով` 30 մետր բարձրության վրա և բարձրացել մինչև Շայո թատրոնի տանիքի մակարդակին` 56 մետր բարձրությամբ:
Նա ամբողջ ճանապարհն անցել է 30 րոպեում: