Էրդողանը Թուրքիան «21-րդ դարի ծագող աստղ» է անվանել

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան «21-րդ դարի ծագող աստղ է», եւ որ 2021 թվականի վերջին երկրում ՀՆԱ-ի աճը երկնիշ թվի կհասնի, փոխանցում է ՏԱՍՍ-ը։

«Թուրքիան 21-րդ դարի ծագող աստղ է, լավ մտածված քաղաքականության շնորհիվ նա դարձել է այն երկու երկրներից մեկը, որոնց տնտեսական աճը համավարակի առաջին տարում դրական է եղել։ Մենք այս տարվա համար ցույց կտանք ՀՆԱ-ի երկնիշ աճի ցուցանիշ»,- ասել է նա՝ շաբաթ օրը ելույթ ունենալով Գազիանթեփ նահանգի իշխող կուսակցության անդամների առջեւ։

Նրա խոսքով` 2002 թվականին, երբ իշխանության եկավ իր գլխավորած կուսակցությունը, կենտրոնական բանկի պահուստները կազմում էին ընդամենը 27,5 մլրդ դոլար, իսկ ԱՄՀ-ին պարտքը՝ 23,5 մլրդ դոլար, մինչդեռ այսօր խոսքը կենտրոնական բանկի պահուստների 120 մլրդ դոլարի եւ ԱՄՀ-ին պարտքի բացակայության մասին է։

« «Հինգերորդ շարասյունը» վերջերս փորձեց խուճապ առաջացնել երկրում, մենք բախվեցինք արտարժույթի շուկան մանիպուլյացիայի ենթարկելու աննախադեպ փորձերի, բայց մենք այդ խնդիրը լուծեցինք ընդամենը մեկ ժամում»,- ասել է Էրդողանը։

Անցյալ շաբաթ Թուրքիայի կենտրոնական բանկը որոշել էր զեղչային տոկոսադրույքը 15%-ից իջեցնել մինչեւ 14%, ինչը թուրքական արժույթի կտրուկ անկում էր առաջացրել՝ երկուշաբթի դոլարը հասել էր ռեկորդային 18,4 լիրայի։

Այս թեմայով ՌԴ դեսպանատունը նոտա է հղել Թուրքիայի ԱԳՆ-ին Թուրքիայի ԱԳՆ-ն մեղադրել է միջազգային հանրությանը ցեղասպանության հարցում կողմնակալ լինելու մեջ Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Էրդողանն Իսրայելին մեղադրել է ցեղասպանություն իրականացնելու մեջ Թուրքիայում երկրաշարժի հետևանքով կան ավերվածություններ (տեսանյութ) Թուրքիայում 5,6 մագնիտուդ ուժգնությամբ երկրաշարժ է տեղի ունեցել Էրդողանը կարող է թողնել իշխող կուսակցության ղեկավարի պաշտոնը Տարածաշրջանային պատերազմ սկսվելու վտանգ կա․ Թուրքիայի ԱԳ նախարար Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Էրդողանը հայտարարել է Պուտինի հետ պայմանավորվածության մասին