Անի խոշորացված համայնքի ավագանին մանդատները կստանա հոկտեմբերի 2-ին

Շիրակի մարզի Անի խոշորացված համայնքի ավագանին մանդատները կստանա առաջիկա կիրակի, սակայն առավելագույն՝ որոշիչ մանդատների քանակ ոչ մի կուսակցություն չունի: Ըստ նախնական տվյալների  «Հայկական երազանք» կուսակցությունը ստանալու է 3 մանդատ, «Քաղաքացիական պայմանագիր»-ը՝  8 մանդատ և «Ազգ-համայնք» դաշինքը 10 մանդատ: Ավագանու որոշումների համար որոշիչ ձայն ունենալու համար պետք է առնվազն 11 ձայն, ինչը նշանակում է, որ լինելու է ուժերի միավորում, սակայն մինչ այս պահը երեք քաղաքական ուժերը չեն շտապում հայտարարել այս կամ այն  ուժի հետ միավորվելու մասին: 

Ընտրությունների գործընթացը համակարգող թիվ 33 տարածքային ընտրական հանձնաժողովի նախագահ Գոռ Պետրոսյանը «Արմենպրես»-ին տեղեկացրեց, որ այս պահին դեռ միավորման մասին ոչ մեկ չի խոսել:  «Մի քիչ առաջ ևս խոսել եմ երեք ուժերի ներկայացուցիչների հետ, բայց միավորվելու մասին այս պահին դեռ լռում են»,- տեղեկացրեց Գոռ Պետրոսյանը՝ հավելելով, որ  ՏԸՀ քվեաթերթիկների վերահաշվարկի մասին հանձնաժողովը դիմում բողոքներ թեև չէր ստացել, սակայն  սեփական նախաձեռնությամբ 3 տեղամասերի տվյալներ վիճակահանությամբ բացվել են և ոչ մի փոփոխություն չի արձանագրվել:

Անի խոշորացված համայնքում սեպտեմբերի 25-ին ՏԻՄ ընտրություններ էին՝ համամասնական կարգով ընտրություններին Անիում մասնակցել է  3 քաղաքական ուժ՝ «Հայկական երազանք» կուսակցությունը, որի 23 հոգանոց ավագանու ցուցակը գլխավորում  է Անիի ավագանու անդամ, գործարար Ագուն Սաղաթելյանը, «Քաղաքացիական պայմանագիր» կուսակցությունը, որի 63 հոգանոց ցուցակի առաջին համարը Մարալիկի, Արթիկի և Ախուրյանի «Հայ փոստի» համակարգող Արման Սարիբեկյանն է, և «Ազգ-համայնք» դաշինքը, որի 61 հոգանոց ցուցակը  գլխավորում է Մարալիկի երկարամյա քաղաքապետ, հետագայում Անի խոշորացված համայնքի գործող ղեկավար Արտակ Գևորգյանը:

Ընտրություններին մասնակցել է քվեարկելու իրավունք ունեցող ընտրողների 49,44 տոկոսը, այսինքն՝ 15,901 ընտրողից 7861-ը։

Այս թեմայով Հայաստանում Շվեդիայի դեսպան Պատրիկ Սվենսոնն այցելել է Սևան համայնք Միքայել Վարդանյանի 117 մլն. դրամ աջակցության շնորհիվ Մասիս խոշորացված համայնքում ամբողջությամբ կլուծվի աղբահանության խնդիրը Բերման է ենթարկվել Թալին խոշորացված համայնքի Մաստարայի վարչական ղեկավարը Սեփական տանը հայտնաբերվել է Ճամբարակ խոշորացված համայնքի ավագանու անդամի դին Երևանի ավագանի Սոնա Աղեկյանի լիազորությունները վաղաժամկետ դադարեցվեցին Երևանի ավագանու անդամ Նարինե Հայրապետյանը տուժող է ճանաչվել․ «Փաստինֆո» «Հայրապետյա'ն, խոսքի իրավունք չունեք, դուրս կգաք», «Հիմա էլ դուրս կգամ». լարված իրավիճակ` ավագանիում Երևանի ավագանին ընդունեց 2024 թվականի բյուջեն Փողերի լվացում՝ Զառիթափ խոշորացված համայնքի նախկին ղեկավարի կողմից. նյութերը դատարանում են Հրկիզել են Փարաքար խոշորացված համայնքի կոմունալ բաժնի փոխտնօրենի «Infiniti»-ն