«Ժողովուրդ». Ահազանգ․ անկած ձկներ են վաճառվում

«Ժողովուրդ» թերթը գրում է. «Տեւական ժամանակ է, ինչ Երեւանի, Գյումրիի եւ Էջմիածնի փողոցներում մաքրած եւ փորոտիքը հանած ձկներ են վաճառվում՝ բավականին ցածր գնով: Քաղաքացիների պատմելով, «Իշխան» տեսակի մաքրած ձկան մեկ կիլոգրամը տատանվում է 1200-1500 դրամի սահմաններում:

«Ժողովուրդ» օրաթերթը տեղեկացավ, որ կան նաեւ տնտեսվարողներ, որոնք անկած ձկները լցրել են սառնարանները եւ կամաց-կամաց իրացնում են: Որոշ տեղերում վաճառողները քաղաքացիներին համոզում են, որ ձկներն անկել են հոսանքահարվելու պատճառով: Իսկ որոշ տնտեսվարողներ անկած ձկները թաղել են հողի տակ: Օրինակ «Հայ ձկնարտադրողների և ձկնարտահանողների միություն» ՀԿ նախագահ Արթուր Աթոյանի համոզմամբ, դրանք անկած ձկներն են, որոնք տնտեսվարողները ինչ-որ ձեւով փորձում են սպառել ներքին շուկայում՝ փորձելով կրած վնասները ծածկել.

«Իմ համոզմամբ, այո, դրանք անկած ձկներն են, որովհետեւ թարմ ձուկը փորը բաց չի լինում: Իսկ ձկան փորը բացում են այն ժամանակ, երբ կամ փչացած է կամ փչանալու միտում ունի: Բացի այդ, որ նայում ես ձկան տեսքին տպավորություն ես ստանում, որ չարչարված ու ծեծված ձուկ է: Բայց քանի դեռ լաբորատոր փորձաքննություն չի արվել, հստակ ոչինչ չենք կարող ասել: Ձուկը նուրբ կենդանի է եւ եթե այն անկում է հիվանդությունից, կամ եթե անկման ծավալներն այդքան մեծ են, ապա դա լուրջ է», – նշեց նա:

Իսկ ահա ըստ սննդամթերքի անվտանգության տեսչական մարմնի՝ հայտնի է, թե ինչ հիվանդությունից են անկել ձկները, և այն հիվանդությունը, որը հայտնաբերվել է, մարդկանց համար անվնաս է: Բայց մյուս կողմից, կան տնտեսություններ, որոնց տասնյակ տոննաներով ձկներն անկել են:

Ձկնաբուծությամբ զբաղվող այդ տնտեսությունները խոշոր չափի վնասներ են կրել, բայց այս մասին լռում են էկոնոմիկայի նախարարությունում. այսինքն տնտեսվարողներին փոխհատուցում տալու մասին անգամ չի քննարկվում»:

Այս թեմայով Համախմբվիր, հայ ժողովուրդ, քո զորությունը միասնականության մեջ է, մեզ միավորողը Հայաստանն է. Արամ Ա (տեսանյութ) ««Ժողովուրդ, դուք 3 մլն վարչապետ եք», վստահ եմ, չհավատացիք այս խոսքերին, հավատացե՛ք անմահությանը» (տեսանյութ) «Ժողովուրդ». Հենրիխ Մխիթարյանին շնորհավորեցին բոլորը` բացի ՀՖՖ-ից «Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում «Ժողովուրդ». Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը Ապրիլի 25-ը որոշիչ օր է Մամիկոն Ասլանյանի համար. «Ժողովուրդ» Ժողովուրդ, ոչ մի կուսակցության խաղ մի խաղացեք, հելեք, կանգնեք, մեր հող ու ջրի պայքարն ա էսօր