ՔՊ-ականների մոռացված ու «ջրված» խոստումների թոփ 10-յակը

Հեղափոխության օրերին Նիկոլ Փաշինյանն ու թիմակիցները խոստումներ էին շռայլում և հայտարարում, որ ի տարբերություն նախկին՝ մերժված իշխանությունների, իրենք իրենց խոստումներին տեր են կանգնելու: Անցել է հինգ տարի, և այժմ կարող ենք դիտարկել՝ այդպես է դա իրականում, թե ոչ: Ձեր ուշադրությանն ենք ներկայացնում այն պաշտոնյաներին, ովքեր չեն կատարել ընտրողների առջև ստանձնած իրենց պարտավորվածությունները:

Դիցուք՝ սկսենք վարչապետ Նիկոլ Փաշինյանից: Հեղափոխությունն ուներ հստակ հակաօլիգարխիկ բնույթ, սակայն դժվար չէ նկատել, որ քաղաքականության ու իշխանության լիարժեք ապաօլիգարխացում տեղի չի ունեցել: Մինչդեռ այս խոստումը Փաշինյանի՝ թերևս ամենակարևոր խոստումներից մեկն էր, որը, ինչպես տեսնում ենք, գրվել է սառույցին:

2018 թվականից ի վեր Երևանի ՔՊ-ական քաղաքապետերը հանրությանը հրամցնում են աղբի վերամշակման գործարան ունենալու իրենց կայսերական նախագիծը: Նախագիծը, սակայն, այդպես էլ գրվեց սառույցին, իսկ երևանցիները այսօր ստիպված են հաշտվել քաղաքում տարածվող աղբի «անուշաբույրության» հետ: Եվ դա էլ դեռ խնդրի կեսն է․ օրեր առաջ, դիցուք, հրդեհ է բռնկվել Նուբարաշենի աղբավայրում, որը մինչ այս պահը, չի հաջողվել մարել: Փաստացի՝ Հայկ Մարությանը և Հրաչյա Սարգսյանը պարզապես խաբել են հանրությանը և չեն կատարել ստանձնած պարտականությունները:

Հանրությանը երկար ամիսներ հրամցնում էին տիեզերքում հայկական արբանյակ ունենալու մասին լուրերը, այս ընթացքում երկու նախարար փոխվեց` Հակոբ Արշակյանն ու Ռոբերտ Խաչատրյանը, սակայն, մինչ այս պահը, հայկական արբանյակի գոյության որևէ փաստական ապացույց հանրությանը չի ներկայացվել։

Սյունիքից ընտրված պատգամավորները, անշուշտ, սյունեցիների հետ նախընտրական հանդիպումների ընթացքում խոստունում էին ամեն կերպ ապահովել մարզի բնակիչների անվտանգությունը: Մինչդեռ՝ արդյունքում, Սյունիքի վրա լրջագույն վտանգ է կախվել, իսկ սյունեցի պատգամավորները զբաղված են հանրության գլխի տակ փափուկ բարձ դնելով: Գորիս-Կապան ճանապարհի փակվելուց անմիջապես հետո պատգամավոր Նարեկ Ղահրամանյանը հայտարարեց, որ ճանապարհը ամենաուշը երեկոյան արդեն իսկ բաց կլինի։ Բնականաբար, այդպես չեղավ, սակայն, Ղահրամանյանը, ով փաստացի ավելորդ լավատեսություն ու հույս էր ներշնչել հանրությանը, այդպես էլ չցանկացավ պատասխանել, թե ինչ նպատակ էր հետապնդում նման մանիպուլատիվ հայտարարություն անելը։ Սյունիքի ճակատագրով առանձնապես հետաքրքրված չէ նաև սյունեցի մյուս պատգամավորը՝ Արմեն Խաչատրյանը, ով սակայն վստահ է, որ Սյունիքում իրեն շատ են սիրում:

Ջերմուկի համայնքապետ Վահագն Արսենյանը ընտրություններին ընդառաջ խոստանում էր զարգացնել զբոսաշրջությունը: Հատկապես բնապահպանները վստահ էին, որ Արսենյանի կառավարման ընթացքում հանքաարդյունաբերությունը չի վնասի  բնությանը, սակայն, արի ու տես, որ հենց Ջերմուկի համայնքապետարանն է կողմ, որպեսզի շահագործվի Ամուլսարի հանքը:

Արմավիրի նախկին մարզպետ Համբարձում Մաթևոսյանը խոստացել էր լուծել չմշակվող հողերի հարցը, մինչդեռ այսօր, Արմավիրի մարզում կա դեռ շուրջ 21000 հա հողատարածք, որոնք չեն մշակվում: Տասնյակ տարիներ Մեծամոր քաղաքի բնակիչներին անհանգստացնող, գարշահոտություն տարածող, ինչպես նաև Զարթոնք և Եղեգնուտ գյուղերի հողատարածքները կոյուղաջրերով ոռոգվող մաքրման կայանի խնդիրը, որը պետք է լուծվեր, նույնպես ժամանակավոր լուծումներ է ստանում, իսկ խնդրի լուծման վերջնական տեսլականը այդպես էլ չի ուրվագծվում: 

Այս թեմայով «Տարօրինակ» ու կրեատիվ բողոքի ակցիա՝ Մոնումենտի կամրջի տակ. 1930-ականների հագուստով ցուցարարները բողոքում են. Ռուբեն Մելիքյան «Ժողովուրդ». Հայկ Կոնջորյանի կնոջ շնորհիվ՝ «ՀայՓոստ»-ը դարձել է ՔՊ-ականների հանգրվանը FourFourTwo․ 1990-ականների Իտալիայի առաջնության լավագույն ֆուտբոլիստները «Ժողովուրդ». Քերոբյանի հրաժարականը անակնկալի է բերել ՔՊ-ականների մեծ մասին, իսկ ոմանք, նույնիսկ, ափսոսանք են հայտնել Բարձր եմ գնահատում դատարանի որոշումը՝ ՀՅԴ-ականների մուտքը ՀՀ թույլատրելու մասով, կարող են բողոքարկել «Հրապարակ». Նիկոլ Փաշինյանը ՔՊ-ականների համար նոր փորձություն է պատրաստել «Ժողովուրդ». ՔՊ-ականների եւ Նիկոլ Փաշինյանի հանդիպումը մոտ երկու ժամ է տեւել. մանրամասներ Հայաստանի ամենահարուստ քաղաքապետերի թոփ 10-յակը Ստերի, սուտ խոստումների, կեղծումների ևս մեկ «յոթնյակ». «Փաստ» Ի՞նչ գործ ունեք մեր խոստումների հետ, մեզ սպանելու էիք եկել. Սիմոնյանը` Մինասյանին